Mateo 13:31 - Chayahuita (Shahui)

³¹ Ina quëran itaantarin: “Yosë huaꞌanëntërinsoꞌ aꞌchintaantaꞌinquëmaꞌ. Mostasaraya pochin ninin. Inaso yaꞌpirin piꞌpiraꞌhuaya niponahuëꞌ,

Mateo 13:31 ပူးပေါင်းရင်းမြစ်များ

Mateo 13:24

Ina quëran aꞌchintaantarin: “Aꞌnantaꞌ iyaroꞌsaꞌ, aꞌchintaantaꞌinquëmaꞌ Yosë huaꞌanëntërinsoꞌ nitotacamaso marëꞌ. Aꞌna patron iminpachina, noya trico shaꞌnin.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Lucas 17:6

—Mostasa yaꞌpirin huaꞌhuishin ninin. Ina pochin piꞌpian tërantaꞌ Yosë natëtomaꞌ, nontohuatamaꞌ, noya catahuarinquëmaꞌ. “Yosë nohuanton, iso nara noꞌpa quëran pipirahuaton, marëquë paꞌin,” tënamaꞌ naporini, paꞌitonhuëꞌ. “Yosë noꞌtëquën nontërinco,” topatamaꞌ, sacaiꞌ nininsoꞌ nanitaparamaꞌ, itërin.

Lucas 19:11

Naꞌa piyapiꞌsaꞌ natanapi. Paatonaꞌ, Quirosarinquë yaꞌcaritërapi. “Ipora tahuëriꞌsaꞌ Yosë huaꞌanëntarinpoa huachi,” topi. Napoaton Quisosori aꞌna pënënto nanan shaꞌhuitërin:

Lucas 20:9

Ina quëran piyapiꞌsaꞌ aꞌchintacaso marëꞌ, iso pënënto nanan shaꞌhuitaantarin: “Aꞌna quëmapi pancana iminin. Inaquë opasáchin shaꞌnin. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ, nitërinsoꞌ patomachin macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin. Huaꞌquiꞌ inaquë yaꞌhuërin.