Mateo 13:30 - Chayahuita (Shahui)

³⁰ Tananpitocoꞌ cato chachin aꞌshiinaꞌ. Nani macacasoꞌ nanihuachin, sacatoroꞌsaꞌ shaꞌhuitarahuë. Pacatëroꞌton masahuatomaꞌ, tonpocoꞌ pënquë ahuiquitacaso marëꞌ. Ina quëran tricosachin masahuatomaꞌ, pëinëhuëquë acotoco huachi, itarahuë,’ tënin patron,” itërin Quisosori.

Mateo 13:30 ပူးပေါင်းရင်းမြစ်များ

Copo naporinso' 39:12

Shanënpita mananquë camaihuatan, toꞌnorapisoꞌ yontonacaso marëꞌ camaihuatan, ¡co onporo inasoꞌ natëarinquënhuëꞌ!

Malaquías 3:18

Noya nipisopitasoꞌ, noya nicato nichaꞌësarahuë. Co noyahuëꞌ nipisopitasoꞌ, noꞌtëquën anaꞌintarahuë. Ina nicatoma canpitasoꞌ: ‘Yosësoꞌ, co napopináchin piyapinpoa niꞌninpoahuëꞌ. Ina chinotohuatëhuaꞌ, noya acoarinpoaꞌ. Coꞌsoꞌ chinotohuatëhuahuëꞌ, noꞌtëquën anaꞌintarinpoaꞌ,’ tosarama huachi,” tënin.

Mateo 13:25

Ina quëran tashihuachina, huëꞌësoiꞌ inimico huëꞌnin. Huëꞌsahuaton, inaquë chachin pacatëroꞌ trico pochin yaꞌnorinsoꞌ shaꞌquirin antaꞌ. Trico shaꞌninsoꞌ huancanaya ina huancanaya shaꞌquirin. Nani shaꞌpachina, paꞌnin. Co incari tërantaꞌ niꞌninhuëꞌ.

Mateo 13:29

‘Ama napotocosohuëꞌ. Ipora huaꞌtohuatamaꞌ, tricontaꞌ ocoiaramaꞌ.

Mateo 25:32

Yosë nohuanton, nisha nisha nananquë nonpisopita niyontonapi. Niyontonpachinaꞌ, pëꞌtahuatonaꞌpi pochin nisarahuë. Niꞌcoꞌ. Tahuëri nipachina, ohuicaroꞌsaꞌ, chiporoꞌsaꞌ napopianachin paꞌsapi coshatacaiso marëꞌ. Inaquëráchin yaꞌhuëpirinahuëꞌ, tashihuachina, nisha nisha acorin huachi.

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Mateo 3:12

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.

Lucas 3:17

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ pënquë ahuiquitërëꞌ. Inapochachin anaꞌintohuachinquëmaꞌ, co onporontaꞌ pën tacopiarinhuëꞌ, tënin Coansha.

Juan 15:6

Nara sëꞌpaꞌ nohuishatohuachina, ahuirin. Masahuatonaꞌ, pënquë tëꞌyatopi ahuiquitacaiso marëꞌ. Inapochachin co imamiatohuatamacohuëꞌ, Yosë anaꞌintarinquëmaꞌ.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

1 Timoteo 5:24

Aꞌnaquën co noyahuëꞌ nipachina, yaꞌipi piyapiꞌsari nitotopi. “Inasoꞌ oshahuanin. Ina marëꞌ Yosëri anaꞌintarin,” topi. Aꞌnaquënso nipirinhuëꞌ oshahuanaponahuëꞌ, co aꞌnaroáchin nitotërëhuahuëꞌ. Nipirinhuëꞌ, co cancanën quëran imarinhuëꞌ niꞌton, oshaquëran nitotarihuaꞌ.