Mateo 13:3 - Chayahuita (Shahui)

³ Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Mateo 13:3 ပူးပေါင်းရင်းမြစ်များ

Miqueas 2:4

Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Habacuc 2:6

Ina quëran Siniorosoꞌ papironiaroꞌsa yonquiaton naporin: “Piyapiꞌsa minsërápiramahuëꞌ, ca nohuanton inapitaso nocanatënënquëmaꞌ, iso pochin cantarapiaponënquëmaꞌ: ‘Canpitaso papironiaroꞌsanquëmaꞌ, aꞌnapita maꞌshanëna matatomaꞌ, maꞌhuanamaꞌ. Coriqui aꞌnanpachinëmantaꞌ, naꞌcon naꞌcon maꞌpataantatoma maꞌhuanpiramahuëꞌ, ¡co ina pochin nisápamaso yaꞌhuërinhuëꞌ! Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!’

Mateo 13:4

Tricoraya iminquë paꞌsarayarin papotacaso marëꞌ. Paꞌsarayahuachina, aꞌnaquën yaꞌpirin iraquë huarëꞌ paꞌsarayarin. Iraquë huarëꞌ anotërin niꞌton, inairaroꞌsari huëcapairahuatonaꞌ, pëꞌyaquipi huachi.

Mateo 13:53

Nani aꞌchintohuachina, paꞌnin huachi.

Mateo 22:1

Ina quëran aꞌna pënënto nanan yaꞌhuërëꞌ, shaꞌhuitaantarin: “Yosë huaꞌanëntërinsoꞌ aꞌchintaantaꞌinquëmaꞌ.

Mateo 24:32

Iquira nara papotërin quëran nitotocoꞌ. Taꞌamën monoantahuachina, ‘Nani oꞌnapi naniriarin huachi,’ topi.

Marcos 12:1

Ina quëran Quisosori pënënto nanan shaꞌhuitaantarin: “Aꞌna quëmapi pancana iminaton, oparotërin. Nani pairapirahuaton, naꞌpi quëran nanpi ninin opa toꞌpoitonaꞌ, huino nicacaiso marëꞌ. Naporahuaton, naꞌpi quëran chachin tori ninin. Inaquë piyapinën yaꞌhuaton, nocorarin ama ihuacaiso marëhuëꞌ. Nani tiquihuachina, inpriatoroꞌsaꞌ acorin aꞌpaicaiso marëꞌ. ‘Sacatëramaso marëꞌ nitërinsoꞌ patomachin canpitaora marëꞌ macoꞌ. Patomachin cantaꞌ acotoco,’ itërin. Itahuaton, aꞌna parti paꞌnin.

Marcos 12:12

Natanahuatonaꞌ, cotio huaꞌanoꞌsari chiníquën noꞌhuipi. “Chinotatonpoaꞌ pënënarinpoaꞌ,” taꞌtonaꞌ Quisoso yamapirinahuëꞌ tashinan pëiquë poꞌmocaiso marëꞌ. Piyapiꞌsaꞌ niyontonpisopita tëꞌhuatatonaꞌ, co mapihuëꞌ. Patopi huachi.

Marcos 3:23

Quisososo nipirinhuëꞌ piyapiꞌsaꞌ përasahuaton, pënënto nanan shaꞌhuitërin ayonquicaso marëꞌ. “Sopairoꞌsa capini co onporonta niaꞌpacaiso yaꞌhuërinhuëꞌ.

Marcos 4:13

Naquëranchin Quisosori caꞌtanoꞌsanënpita itantapon: “Achin shaꞌhuitëranquëmasoꞌ ¿co nitotëramahuëꞌ ti? Co inaya tërantaꞌ nitotohuatamahuëꞌ, ¿onporahuatomacha yaꞌipiya nitotërëꞌpënquëmaya? Carinquëmaꞌ nipachin anitochinquëmaꞌ.

Marcos 4:33

Ina pochin Quisosori piyapiꞌsaꞌ aꞌchintarin. Naꞌa pënënto nananoꞌsa quëran ayonquiarin. Natantiinpichin aꞌchintarin.

Lucas 12:41

Napohuachina, Pitrori natanin: —¿Yaꞌipi piyapiꞌsaꞌ Sinioro pënënaran? ¿Quiyasáchin nica? itërin.

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Juan 16:25

“Ma pochinsona nininsoꞌ nani aꞌchintëranquëmaꞌ. Aꞌna tahuëriso nipirinhuëꞌ co huachi ina pochin aꞌchintaranquëmahuëꞌ. Aꞌninquëchin tatahuë naporinsoꞌ shaꞌhuitaranquëmaꞌ.