Mateo 13:21 - Chayahuita (Shahui)

²¹ co cancanëna quëran huarëꞌ natëpihuëꞌ. Co chiníquën cancantatonaraihuëꞌ, co natëmiatopihuëꞌ. Maꞌsha onpohuachinara, aꞌnaroáchin yaaꞌpopi. Imapiso marëꞌ aparisitohuachinara, aꞌpopi huachi.

Mateo 13:21 ပူးပေါင်းရင်းမြစ်များ

Oseas 6:4

Napopiramahuë Siniorosoꞌ: “Iprain huënton israiroꞌsanquëmaꞌ, Cota huënton israiroꞌsanquëmaꞌ, ¿Maꞌcha onpotatënquëma anoyachinquëma nicaya? Canpita nosororamacosoꞌ, co huaꞌquiarinhuëꞌ. Tashiramiachin chitoro iꞌcopihuachina, co huaꞌquirinhuëꞌ. Poroncayonta shipihuanpachina, aꞌnaroáchin yanirin. Inapita napopiso pochin nosororamacosoꞌ nisarin.

Mateo 10:22

Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 11:6

Insosona yaꞌipi cancanëna quëran natëmiatohuachinaco, nóya cancantapi, itërin Quisosori.

Mateo 13:20

Aꞌnaquën piyapiꞌsaso nipirinhuëꞌ, naꞌpiro pochin niconpi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ,

Mateo 13:57

Co natëtonaraihuëꞌ tëhuapi. Napohuachinara, Quisosori itërin: —Iráca quëran huarëꞌ napopi. “Yaꞌipi piyapiꞌsari pënëntonaꞌpi noya natanpi. Ninanonënquë yaꞌhuëpisopitaso nipirinhuëꞌ, co noyahuëꞌ natanpi. Co quëmopinënpitari tërantaꞌ yanatëpihuëꞌ,” topi iráca. Noꞌtëquën napopi, tënin Quisoso.

Mateo 13:6

Piꞌiri chiníquën piꞌcahuachina, yaahuirin. Piꞌpisharaꞌhuaya itëhuanin niꞌton, ahuirin huachi.

Mateo 24:13

Canpitaso nipirinhuëꞌ noya ahuantocoꞌ. Co aꞌpohuatamacohuëꞌ, noya nichaꞌësaranquëma huachi.

Mateo 26:31

Inaquë Quisosori itërin: —Iráca quiricanënquë ninoton, Yosë naporin: “Ca nohuanto, aꞌpaitonaꞌpi tëpaapi. Tëpahuachinaꞌ, ohuicanënpita yanquëërapi,” tënin. Inapochachin yatëpahuachinaco, yaꞌipinquëmaꞌ co chiníquën cancantatomahuëꞌ, taꞌananpiaramaco. Ipora tashi chachin napoaramaꞌ.

Mateo 26:33

—Aꞌnapita taꞌananpipirinënquëontaꞌ, co casoꞌ taꞌarahuëꞌ, tënin Pitro.

Marcos 4:17

co cancanëna quëran huarëꞌ natëpihuëꞌ. Co chiníquën cancantatonahuëꞌ, co natëmiatopihuëꞌ. Yosë nanamën yaimapi niꞌton, aꞌnapitari tëhuapi, noꞌhuipi, napotopi. Napohuachinara, Yosë nanamën yaaꞌpopi. Maꞌsha onpohuachinara, aꞌnaroáchin nanamën aꞌpopi.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Juan 6:26

—Noꞌtëquën shaꞌhuitaranquëmaꞌ. Iꞌhuara cosharoꞌ anaꞌatërahuë nohuitamacoso marëꞌ nipirinhuëꞌ, co yanohuitëramacohuëꞌ. Natëaquë huarëꞌ coshatëramaꞌ niꞌton, yoniramaco.

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

Gálatas 6:12

Aꞌnaquën ipora huantaꞌ marca yaacotarinënquëmaꞌ. Aꞌnapita cotioroꞌsari noya nicacaiso marëꞌ inapopi. “Quisocristo corosëquë chiminaton, anoyacancantërinpoaꞌ. Inasáchin nichaꞌërinpoaꞌ, topatëhuaꞌ, cotio huaꞌanoꞌsaꞌ aparisitarinënpoaꞌ,” topi. Ama inapitari noꞌhuicaiso marëhuëꞌ napopi.

Gálatas 6:15

Marcasoꞌ co onpopinchin yonquicasoꞌ yaꞌhuërinhuëꞌ. Co ina marëꞌ Yosë noya niꞌninpoahuëꞌ. Quisocristo imapatëhuaꞌ, nasha cancan quëtërinpoaꞌ. Ina marëꞌ tëhuënchinsoꞌ noya niꞌninpoaꞌ.

Efesios 3:17

Yaꞌipi cancanëna quëran natëtatonaꞌ, Quisocristoíchin yonquiꞌinaꞌ. ‘Cancanëhuëquë yaꞌhuërarin,’ taꞌtonaꞌ, noya noya nohuichinën. Catahuaquëꞌ noya nosoroꞌinën. Yaꞌipi piyapiꞌsantaꞌ nosoroꞌinaꞌ, Nara itëquën acopoꞌ paꞌpachina, co inpaninhuëꞌ. Inapochachin inapitantaꞌ ‘Quisocristo naꞌcon nosororincoiꞌ,’ taꞌtonaꞌ, aꞌnapitantaꞌ nosoroꞌinaꞌ. Noya ninosorohuachinaꞌ, Ispirito Santori catahuararin chiníquën cancantacaisoꞌ.

Filipenses 1:6

“Quisocristo imasarahuë huachi,” topatamaꞌ, naporo tahuëri chachin Yosë anoyacancantërinquëmaꞌ. Co naniantarinquëmahuëꞌ, tënahuë. Ipora huantaꞌ catahuarinquëmaꞌ noya noya nicacamaso marëꞌ. Quisocristo oꞌmantaquë huarëꞌ catahuarinquëmaꞌ. Naporoꞌ Quisocristo pochachin cancantaramaꞌ.

2 Timoteo 1:15

Tashinan pëiquë poꞌmohuachinaco, yaꞌipi Asiaquë imapisopita patërinaco. Huiquiro, Imoquinisi, inapita quëran huarëꞌ napotërinaco. Nani nitotëran, tënahuë.

2 Timoteo 4:10

Timasësoꞌ isoroꞌparáchin yonquiaton, patërinco. Tisaronicaquë paꞌnin. Crisinti Carasiaquë paꞌnin. Titontaꞌ Tarëmasiaquë paꞌnin.

Santiago 3:2

Yaꞌipinpoaꞌ co noyahuëꞌ nicatëhuaꞌ, oshahuanëhuaꞌ. Noyasáchin nonacasosoꞌ saca sacaiꞌ. Noyasáchin nonëhuaꞌ naporini, Yosë pochachin cancanchitërihuahuëꞌ. Co huachi aquëtëꞌ tëhuëꞌitërihuahuëꞌ.

1 Pedro 1:5

Tata Yosë yaꞌipiya nanitaparin. “Yosë co quënanpirëhuahuëꞌ, catahuarinpoaꞌ,” topatëhuaꞌ, noya aꞌpaiarinpoaꞌ. Maꞌsha onpohuatëhuaꞌ, catahuarinpoaꞌ ahuantacasoꞌ. Ayaroꞌ tahuëri nóya nichaꞌësarinpoaꞌ. Nani yonquirin oꞌmantacasoꞌ. Aꞌna tahuëri niꞌsarëhuaꞌ. Oꞌmantaquë huarëꞌ aꞌpaiarinpoaꞌ.

Apocalipsis 2:13

Canpita yaꞌhuëramaquë nohuitërahuë. Inaquë naꞌa piyapiꞌsaꞌ co noyahuëꞌ cancantopi. Satanasëri huaꞌanëntopirinhuëꞌ, canpitasoꞌ noya imaramaco. Antipasë natëtonco, noya pënëntopirinhuëꞌ, ina marëꞌ tëpapi, niꞌnamaꞌ. Satanasë chachin inaquë yaꞌhuërin, tënahuë. Parisitapomarahuëꞌ, co aꞌporamacohuëꞌ. Ina marëꞌ noya niꞌpiranquëmahuëꞌ,