Mateo 12:8 - Chayahuita (Shahui)

⁸ Yosë quëran quëmapico niꞌto, chiníquën nanantërahuë. Chinoto tahuëri maꞌsona noya nicacasoꞌ shaꞌhuichinquëmaꞌ. Co nicacasohuë nininsontaꞌ shaꞌhuichinquëmaꞌ, itërin.

Mateo 12:8 ပူးပေါင်းရင်းမြစ်များ

Mateo 12:32

Casoꞌ Yosë quëran quëmapico nipirahuë pinopatamaco, ina marëꞌ oshahuanpiramahuëꞌ, oshanëma marëꞌ sëtohuatamaꞌ, inquitarinquëmaꞌ. Nipirinhuëꞌ, Ispirito Santo pinopatamaꞌ, co oshanëmaꞌ inquitarinquëmahuëꞌ. Co onporontaꞌ inquitarinquëmahuëꞌ,” itërin Quisosori.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

Mateo 8:20

—Sacaiꞌ imancosoꞌ iyasha, tënahuë. Anashiroꞌsaꞌ, huëꞌëshinantëna yaꞌhuëtopi, inaquë huëꞌëpi. Inairaroꞌsantaꞌ pëꞌpëtëna yaꞌhuëtopi. Caso nipirinhuëꞌ Yosë quëran quëmapico niporahuëꞌ, co pëiꞌ yaꞌhuëtërincohuëꞌ. Paꞌsápato, co yaꞌhuëmiatërahuëꞌ, itërin.

Mateo 9:6

Caso nipirinhuëꞌ Yosë quëran quëmapico niꞌto, nanan quëtërinco piyapiꞌsaꞌ oshanënaꞌ inquitaꞌhuaso marëꞌ. Canpitantaꞌ ina nitotacamaso marëꞌ iso apia anoyatarahuë, itërin. Ina quëran apia itantarin: —Huaniquëꞌ apiaꞌhua. Pëꞌsaraꞌhuaya masahuaton, yaꞌhuëranquë paquëꞌ, itërin.

Marcos 2:28

Yosë quëran caso quëmapico niꞌto, chiníquën nanantërahuë. Maꞌsona noya nicacasoꞌ shaꞌhuichinquëmaꞌ. Chinoto tahuëri maꞌsona co nicacasontaꞌ shaꞌhuichinquëmaꞌ, itërin.

Lucas 6:5

Ina quëran itantarin: —Yosë quëran quëmapico niꞌto, chiníquën nanantërahuë. Maꞌsona chinoto tahuëri noya nicacasoꞌ shaꞌhuichinquëmaꞌ, itërin.

1 Corintios 16:2

Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.

1 Corintios 9:21

Nisha piyapiꞌsasoꞌ co Moisësë pënëntërinsoꞌ natëpihuëꞌ. Napoaton inapita aꞌchintohuatëra, co yaꞌipi Moisësë pënëntërinsoꞌ natërahuëꞌ. Co ina natëpirahuëꞌ, Quisocristo natëto, noya ninahuë. Nisha piyapiꞌsarintaꞌ imacaiso marëꞌ Quisocristo nanamënáchin aꞌchintërahuë.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.