Mateo 12:50 - Chayahuita (Shahui)

⁵⁰ Yosë natëpisopita iyahuëpita pochin niꞌnahuë. Sanapiꞌsantaꞌ Yosë nanamën natëhuachinaꞌ, oshihuëpita pochin niꞌnahuë. Payaroꞌsantaꞌ Yosë imapachinaꞌ, mamahuë pochin niꞌnahuë, itërin.

Mateo 12:50 ပူးပေါင်းရင်းမြစ်များ

Salmos 22:22

Inapotohuatanco, imarinquënsopita achinicancanarahuë. Niyontonaiquë chinotatënquën: “Yosparinquën,” itarainquën.

Mateo 12:49

imirin quëran tasatërin: —Isopita imarinaco niꞌton, iyahuëpita pochin nicato, nosororahuë.

Mateo 13:1

Naporoꞌ tahuëri pëi quëran pipirahuaton, sonoꞌ yonsanquë huënsëconin.

Mateo 17:5

Nonaquëyaꞌ, chitorori imotërin. Huënaráchin huënaráchin ninin. Chitoroꞌ huáncana quëran Yosëri shaꞌhuitërin: “Isosoꞌ ca huiꞌnahuë, naꞌcon nosororahuësoꞌ. Nóya niꞌnahuë. Ina noya natancoꞌ,” itërin.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Mateo 25:45

‘Coꞌta imarinacosopita parisitopirinahuëꞌ, co catahuaramahuëꞌ. Saꞌahuaroꞌsaꞌ maꞌsha pahuantopirinahuëꞌ, co quëtëramahuëꞌ. Co inapita nosororamahuëꞌ niꞌton, co cantaꞌ nosororamacohuëꞌ,’ itarahuë. Itahuato, aꞌpararahuë huachi.

Mateo 28:10

—Ama huachi paꞌyancosohuëꞌ. Paatomaꞌ, iyahuëpita shaꞌhuitoncoꞌ Caririaꞌpaꞌ paꞌinaꞌ. Inatohuaꞌ quënancoantarinaco, itahuaton, paꞌnin huachi.

Marcos 3:35

Yosë natëpisopita iyahuëpita pochin niꞌnahuë. Sanapiꞌsantaꞌ Yosë nanamën natëhuachinaꞌ, oshihuëpita pochin niꞌnahuë. Payaroꞌsantaꞌ imapachinaco, mamahuë pochin niꞌnahuë, itërin.

Lucas 8:21

—Yosë natëpisopita iyahuëpita pochin niꞌnahuë. Sanapiꞌsantaꞌ Yosë nanamën natëhuachinaꞌ, mamahuë pochin niꞌnahuë, itërin.

Juan 15:14

Natëhuatamaco, tëhuënchachin nipayarahuëso pochin niꞌsaranquëmaꞌ.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Juan 6:29

—Tëhuënchachin Yosë yanatëhuatamaꞌ, ca imaco. Ina aꞌpaimarinco niꞌton, cancanëma quëran huarëꞌ imaco. Ina Yosë nohuantërin, itërin Quisosori.

Juan 6:40

“Quëmasoꞌ tëhuënchachin Yosë huiꞌninquën,” itatomaco imapatamaco, Yosë nohuitatomaꞌ nanpimiatarama huachi. Ayaroꞌ tahuëri ananpitaantaranquëmaꞌ. Ina Yosë nohuantërin, itërin Quisosori.

Hechos 17:30

Iráca co Yosë nohuitopihuëꞌ niꞌton, co anaꞌintërinhuëꞌ. Iporaso nipirinhuëꞌ, yaꞌipi piyapinpoaꞌ pënëninpoaꞌ: ‘Co noyahuëꞌ yonquiramasoꞌ naniantatomaꞌ, casáchin chinotoco,’ itërinpoaꞌ Yosë.

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Romanos 8:29

Iráca quëran huarëꞌ Yosë nohuitërinpoaꞌ. Nohuitatonpoaꞌ, huayoninpoaꞌ Quisocristo pochachin cancantacaso marëꞌ. Quisocristosoꞌ noya noya ninin. Ina quëran naꞌaquënpoaꞌ imapatëhuaꞌ, ina pochin cancantarihuaꞌ. Yosë huiꞌninpita pochin niꞌsarinpoaꞌ canpoantaꞌ.

1 Corintios 9:5

Aꞌnapita Quisocristori acorinsopitasoꞌ, saꞌatonaꞌ saꞌinarëꞌ iratopi. Nanamën aꞌchinacaiso marëꞌ paꞌpachinara, saꞌinë chachin paꞌpi. Quisocristo iinpita, Pitro, inapitantaꞌ inapopi. Nohuantërai naporini, quiyantaꞌ Quisocristo imarinsoꞌ macatoi, inaroꞌcoi chachin irachitoihuëꞌ.

2 Corintios 11:2

Yosë nohuanton, naꞌcon nosororanquëmaꞌ. Nosoroatënquëmaꞌ, aꞌpitëranquëmaꞌ. Co nohuantërahuëꞌ nisha cancantacamasoꞌ. Nanon soꞌyarinso pochin ninin. Niꞌcoꞌ. Quëmapiri mapachina, soꞌináchin yonquicasoꞌ yaꞌhuërin. Inapochachin carinquëmantaꞌ aꞌchintëranquëmaꞌ Quisocristoíchin yonquicamaso marëꞌ.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

Gálatas 6:15

Marcasoꞌ co onpopinchin yonquicasoꞌ yaꞌhuërinhuëꞌ. Co ina marëꞌ Yosë noya niꞌninpoahuëꞌ. Quisocristo imapatëhuaꞌ, nasha cancan quëtërinpoaꞌ. Ina marëꞌ tëhuënchinsoꞌ noya niꞌninpoaꞌ.

Colosenses 3:11

Quisocristo imapatëhuaꞌ, napopináchin Yosë niꞌninpoaꞌ. Aꞌnaquën cotioroꞌsaꞌ, aꞌnaquënso nipirinhuëꞌ cricoroꞌsaꞌ. Aꞌnaquën marca niacotopisoꞌ, aꞌnaquënso nipirinhuëꞌ co niacotopihuëꞌ. Aꞌnaquën nisha piyapiꞌsaꞌ, aꞌnaquëntaꞌ quëmaroꞌsaꞌ. Aꞌnaquën patron piyapinënpita, aꞌnaquënso nipirinhuëꞌ inahuara marëꞌ sacatopi. Nisha nisha nicarihuarahuëꞌ, napopináchin Yosë niꞌninpoaꞌ. Quisocristoíchin yonquicasoꞌ yaꞌhuërin. Ina imapatëhuaꞌ, yaꞌipinpoaꞌ yaꞌcoancantërinpoaꞌ. Co mantaꞌ pahuantarinpoahuëꞌ noya cancantacaso marëꞌ.

1 Timoteo 5:2

Sanapiꞌsantaꞌ pënënacasoꞌ yaꞌhuërin. Payaroꞌsaꞌ nipachin, mama pochin nicaton, sanoanan quëran pënënquëꞌ noya cancanchinaꞌ. Imoyaroꞌsantaꞌ napopináchin piꞌipitëramasoꞌ oshiparin miáchin pochin niꞌquëꞌ. Ama inapita piꞌpian tërantaꞌ narintëquësohuëꞌ. Noyasáchin yonquiaton, nontëquëꞌ.

Hebreos 5:9

Noꞌtëquën natëton, canpoa marëꞌ chiminin. Napoaton nanitërin anoyacancantinpoasoꞌ. Ina natëhuatëhuaꞌ, noya nichaꞌësarinpoaꞌ nanpimiatacaso marëꞌ.

1 Pedro 4:2

Napoaton ama iráca naporamaso pochin yonquicosohuëꞌ. Ipora quëra huarëꞌ Yosë nohuantërinsoáchin natëcoꞌ.

1 Juan 2:17

Isoroꞌpaꞌ taꞌhuantarin. Yaꞌipi maꞌshantaꞌ taꞌhuantarin. Inasáchin paꞌyatohuatëhuaꞌ, topinan quëran nanpiarihuaꞌ. Nipirinhuëꞌ, Yosë noya imapatëhuaꞌ, co onporontaꞌ taꞌhuantarihuahuëꞌ. Yaꞌhuëmiatarihuaꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.