Mateo 12:46 - Chayahuita (Shahui)

⁴⁶ Piyapiꞌsaꞌ nontasoꞌ, aꞌshin, iinpita, inapita huëꞌpi. Quisoso yanontopirinahuëꞌ, naꞌa piyapiꞌsaꞌ yamorapi niꞌton, co nanitopihuëꞌ yaꞌconacaisoꞌ. Aipiran huaniápirinahuëꞌ,

Mateo 12:46 ပူးပေါင်းရင်းမြစ်များ

Mateo 1:18

Apira Quisocristo nasitërinsoꞌ shaꞌhuichinquëmaꞌ, nitotocoꞌ. Naporo tahuëriꞌsaꞌ Cosisoꞌ, nani Maria nontërin macacaso marëꞌ. Napoaponahuëꞌ coꞌhuara mashatërasohuëꞌ, Ispirito Santo nohuanton inaora cayorin.

Mateo 12:47

aꞌna quëmapiri shaꞌhuitërin: —Niꞌquëꞌ Maistro. Mamaparin, iyaparinpita, inapita huëcatonaꞌ, aipiran huanirapi. Yanontërinënquën, itërin,

Mateo 13:55

Huaꞌhuatapon quëran huarëꞌ nohuitërëhuaꞌ. Paꞌpinsoꞌ nontëcamayo. Aꞌshinsoꞌ Maria itopi. Iinpitantaꞌ nohuitërëhuaꞌ. Santiaco, Cosi, Simon, Cotasë, inapita itopi.

Mateo 2:20

—Huaꞌhuasha tëpanaꞌpi nani chiminin niꞌton, israiroꞌsaꞌ yaꞌhuëpiquë panantaquëꞌ. Huaꞌhuasha aꞌshinë chachin quëpantaquëꞌ, itërin.

Marcos 2:21

Itahuaton: “Niꞌcoꞌ. Aꞌmorëso noyá mocahuachina, co nasha nëꞌmëtëquë paꞌpitërëhuëꞌ. Nasha nëꞌmëtëquë paꞌpitërëꞌ naporini, naquëranchin panca panca noshataantaꞌitonhuëꞌ.

Marcos 6:3

Huaꞌhuatapon quëran huarëꞌ nohuitërëhuaꞌ. ¿Coꞌna nontëcamayo inasoꞌ? Aꞌshinsoꞌ Maria itopi. Iinpitantaꞌ nohuitërëhuaꞌ. Santiaco, Cosi, Cotasë, Simon, inapita itopi. Oshinpitantaꞌ isëquë canpoarëꞌ yaꞌhuarin. Co Quisoso chiníquën nanantërinhuëꞌ. Canpoa pochachin inantaꞌ, taꞌtonaꞌ, “¡Macari natëapon!” topi.

Lucas 1:43

Inasoꞌ yaꞌipiya huaꞌanëntarinpoaꞌ. Co casoꞌ chiníquën nanantopirahuëꞌ, ¡ma noyacha ina aꞌshinquën nipiranhuëꞌ, nicaponco huëꞌnan paya!

Lucas 2:33

Ina natanahuaton, “¡Maꞌpítacha naporin paya!” tënin Cosi. Mariantaꞌ inachachin yonquirin.

Lucas 2:34

—Yosë noya aꞌpainquëmaꞌ, itërin Simioni. Ina quëran aꞌshin itantapon: —Huaꞌhuan mashotohuachin, yaꞌipi israiroꞌsaꞌ pënënarin. Natanahuatonaꞌ, aꞌnaquën natëtonaꞌ, noya cancantapi. Aꞌnaquënso nipirinhuëꞌ co nohuantapihuëꞌ niꞌton, anotërëso pochin nisapi. Yosë nohuitacaiso marëꞌ noꞌtëquën pënëntapirinhuëꞌ, chiníquën noꞌhuiapi.

Lucas 2:48

Inaquë quënanahuatonaꞌ, aꞌshinsoꞌ paꞌyanin. —¿Onpoatontaꞌ huaꞌhua napotërancoi? Niꞌquëꞌ. Paꞌyanatoi, cara tahuëri yonisápirainquënhuëꞌ, ipora huarëꞌ quënanainquën huachi, itërin.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Juan 19:25

Corosë yaꞌcari catapini sanapiꞌsaꞌ huaniapi. Aꞌnasoꞌ Quisoso aꞌshin. Aꞌnantaꞌ aꞌshatën. Criopasë saꞌin Maria itopisontaꞌ inaquë huaniarin. Aꞌnantaꞌ Maria Mactarina. Inapitari niꞌsapi.

Juan 2:1

Cara tahuëri quëran aꞌna quëmapi pita nisarin saꞌacaso marëꞌ. Canaquë naporin, Cariria parti yaꞌhuërinsoꞌ. Inatohuaꞌ Quisoso aꞌshin niꞌtapon paꞌnin.

Juan 2:12

Ina quëran Capinaomoquë paꞌmarin. Aꞌshin, iinpita inapitarë chachin paꞌmarin. Caꞌtanoꞌsanënpitacointaꞌ imarai. Aꞌna simana pochin inaquë yaꞌhuërai.

Juan 2:5

Napotopirinhuëꞌ, inpriatoroꞌsaꞌ quënanconahuaton, aꞌshini itapon: —Maꞌsona Quisoso shaꞌhuitohuachinquëmaꞌ, natëcoꞌ, itërin.

Juan 7:10

Iinpita nani paꞌpachinara, Quisosontaꞌ paꞌnin niyontonpiso tahuëri naꞌhuëcaso marëꞌ. Paꞌpirinhuëꞌ, co piyapiꞌsaꞌ niꞌtërantapaquë paꞌninhuëꞌ. Poꞌoana quëran pochin paꞌnin.

Juan 7:3

Napoaton iinpitari itaponaꞌ: —Quëmantaꞌ Cotia parti paaton, Yosë pochin niquëꞌ imarinënquënsopita niꞌinaꞌ.

Juan 7:5

Co iinpitari tërantaꞌ natëyátërapihuëꞌ niꞌton, napotopi. Inapita nontaton, itapon:

Hechos 1:14

Inapitasoꞌ nani tahuëri niyontonatonaꞌ, Yosë nontápi. Quisoso iinpitantaꞌ huëꞌpi Yosë nontacaiso marëꞌ. Sanapiꞌsantaꞌ inaquë huëꞌpi. Aꞌnasoꞌ Maria. Quisoso aꞌshin inasoꞌ. Napopianachin yonquiatonaꞌ, inaquë naꞌcon Yosë nontápi.

1 Corintios 9:5

Aꞌnapita Quisocristori acorinsopitasoꞌ, saꞌatonaꞌ saꞌinarëꞌ iratopi. Nanamën aꞌchinacaiso marëꞌ paꞌpachinara, saꞌinë chachin paꞌpi. Quisocristo iinpita, Pitro, inapitantaꞌ inapopi. Nohuantërai naporini, quiyantaꞌ Quisocristo imarinsoꞌ macatoi, inaroꞌcoi chachin irachitoihuëꞌ.

Gálatas 1:19

Naporoꞌ Santiacontaꞌ nohuitërahuë. Quisocristo iin inasoꞌ. Inapitasáchin nontërahuë. Aꞌnapita caꞌtanoꞌsasoꞌ co niꞌnahuëꞌ.