Mateo 12:45 - Chayahuita (Shahui)

⁴⁵ Napoaton paantarahuaton, canchisë sopairoꞌsaꞌ maantarin. Aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Napoaton aquë aquëtëꞌ co noyahuëꞌ yonquirin huachi. Inapochachin ipora naꞌa piyapiꞌsaꞌ sopai natëtonaꞌ, co noyahuëꞌ cancantopi. Ina quëran: ‘Co huachi sopai natëarahuëꞌ,’ taponaraihuëꞌ, co Yosë yonquiatonahuëꞌ, oshaquëran aquë aquëtëꞌ co noyahuëꞌ cancantaantapi huachi,” itërin Quisosori.

Mateo 12:45 ပူးပေါင်းရင်းမြစ်များ

Mateo 12:24

Parisioroꞌsariso nipirinhuëꞌ, co natëpihuëꞌ: “Sopairoꞌsaꞌ huaꞌan Piirsipo itopisoari catahuarin niꞌton, nanitaparin sopairoꞌsaꞌ aꞌpacasoꞌ. Co inari catahuarinhuëꞌ naporini, co nanichitonhuëꞌ,” topi.

Mateo 12:44

Napoaton ina quëmapiquë chachin huëantarin. Inasoꞌ co Yosë yonquiatonhuëꞌ, topinan yaꞌhuárin quënanquiantarin. Noya yaꞌhuëantachinachin niꞌton, sopairi yayaꞌcoancantantarin.

Mateo 17:21

Isanpi sopaiso nipirinhuëꞌ sacaiꞌ inquitacasoꞌ. Ayono nicatë chiníquën Yosë nontaquë huarëꞌ, inquitërëꞌ, itërin.]

Mateo 23:15

Canpitasoꞌ nonpintënquëma niꞌton, ¡maꞌhuantacha nisarama paya! Nisha piyapiꞌsaꞌ aꞌchintacamaso marëꞌ ira iratë́rantaramaꞌ. Aquë paatomaꞌ, aꞌnaya aꞌnaya aꞌchintëramaꞌ canpita pochin yonquicaiso marëꞌ. Natëhuachinënquëmaꞌ, aquë aquëtëꞌ co noyahuëꞌ cancantapi. Yaꞌipinquëmaꞌ parisitopiquë paꞌsarama huachi.

Mateo 23:24

Somaraya pochin cancantatomaꞌ, co noꞌtëquën aꞌchinamahuëꞌ. Niꞌcoꞌ. Canpitasoꞌ yaoꞌopatamara, ama oꞌoso tërantaꞌ oꞌocamaso marëhuëꞌ noyá panshairamaꞌ. Napoapomarahuëꞌ, camiyo aꞌnaroáchin miꞌtëramaso pochin ninamaꞌ. Yosë naꞌcon naꞌcon nohuantërinsoꞌ, co natëramahuëꞌ.

Marcos 16:9

Tomio tahuëri tashiramiachin Quisoso nanpiantarin. Nanpiantarahuaton, Maria Mactarinaꞌton yaꞌnotërin. Ina sanapi iráca canchisë sopairoꞌsari yaꞌcoancantopirinahuëꞌ, nani Quisosori inquitërin.

Marcos 5:9

—¿Maꞌninquëntaꞌ quëmasoꞌ? itërin Quisosori. —Naꞌacoi niꞌtoi, “naꞌa huaranca,” itërinacoi.

Lucas 11:26

Napoaton paantarahuaton, canchisë sopairoꞌsaꞌ aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Inaquë yaꞌhuápi. Quëmapi aquë aquëtëꞌ co noyahuëꞌ yonquirin huachi,” itërin.

Efesios 6:12

Inimiconënpoaꞌ co piyapi pochin quënanëhuahuëꞌ. Sopai huaꞌansoꞌ yaminsërinpoaꞌ. Naꞌa sopairoꞌsantaꞌ inápaquë yaꞌhuatonaꞌ, yacamairinënpoaꞌ. Co quënanpirëhuahuëꞌ, yonquinënpoa quëran yacamairinënpoaꞌ co noyahuëꞌ nicacaso marëꞌ. Iporasoꞌ notohuaroꞌ piyapiꞌsaꞌ tashi pochin cancantatonaꞌ, sopai natëpi. Inari camairin niꞌton, paꞌpi co noyahuëꞌ yonquipi.

Hebreos 10:39

Insosona aꞌpohuachinaꞌ, parisitopiquë paꞌsapi. Canpoaso nipirinhuëꞌ, co aꞌpoarihuahuëꞌ. Natërëhuaꞌ niꞌton, nichaꞌësarinpoa huachi.