Mateo 12:4 - Chayahuita (Shahui)

⁴ Yosë pëinënquë yaꞌconin. Inaquë yaꞌconahuaton, pan Yosë marëꞌ acopisoꞌ caꞌnin. Caꞌtaninsopitantaꞌ tanatonaꞌ, caꞌpi. Corto huaꞌanoꞌsaráchin ina pan capacaiso nipirinhuëꞌ, Tapi caꞌnin. Caꞌpirinhuëꞌ, co ina marëꞌ Yosëri anaꞌintërinhuëꞌ.

Mateo 12:4 ပူးပေါင်းရင်းမြစ်များ

Mateo 12:3

Napotohuachinara, itërin: —Yosë quiricanën ¿co nontëramahuëꞌ ti? Iráca Tapi tanahuachina,

Mateo 12:5

Isontaꞌ yonquicoꞌ. Nani chinoto tahuëri corto huaꞌanoꞌsaꞌ Yosë pëinënquë sacatopi. Piyapiꞌsaꞌ oshanëna marëꞌ ohuicaroꞌsaꞌ tëpapi. Sacatopirinahuëꞌ, co ina marëꞌ oshahuanpihuëꞌ. ¿Co inantaꞌ nontëramahuëꞌ ti?

Hebreos 9:2

Nëꞌmëtëꞌ, shaꞌhuëtëꞌ, inapita quëran nipi. Catoꞌ patoana yaꞌhuërin. Yaꞌnatimarinsosoꞌ, noya patoana itopi. Inaquë panca nanparin pochin nininsoꞌ yaꞌhuërin. Misantaꞌ yaꞌhuërin. Inaquë pan acorin, Yosë marëꞌ acopisoꞌ.

1 Samuel 21:4

—Pan mini yaꞌhuëpirinhuëꞌ, co pan miahuëꞌ. Sinioro marëꞌ acorahuësoráchin yaꞌhuërin. Co canpitaso ina capamaso yaꞌhuërinhuëꞌ. Napoaponahuëꞌ, sontaronënpita co osha nipihuëꞌ nipachinsoꞌ, quëchinquën, itërin.

1 Samuel 21:6

Napotohuachina, corto huaꞌansoꞌ Sinioro marëꞌ pan acopiso chiꞌhuincarinsopita Tapi quëtërin. Inanpi pansáchin inaquë yaꞌhuërin niꞌton, quëtërin. Inaso panoꞌsaꞌ, noya patoana itopiquë acopisoꞌ. Nasha panoꞌsa huënocachararinsoꞌ acoaton, naporo tahuëri chachin chiꞌhuincarinsoꞌ.