Mateo 12:34 - Chayahuita (Shahui)

³⁴ Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 12:34 ပူးပေါင်းရင်းမြစ်များ

Isaías 32:6

Co noyahuëꞌ nipisopitasoꞌ, naponin nonaponaꞌ. Yonquinënaquë co noyahuëꞌ nicacaisoꞌ yonquiapi. Mantanta nicatonaꞌ, co Yosë pënëntërinsoꞌ natëpihuëꞌ. Sinioropita yanonpinapipitërapi. Tanapisopita co aꞌcapihuëꞌ. Yamoropisopitantaꞌ, co yaoꞌshitopihuëꞌ.

Mateo 12:35

Noya cancantohuatëhuaꞌ, noyasáchin nonarihuaꞌ. Co noyahuëꞌ cancantohuatëhuaꞌ, co noyahuëꞌ nonarihuaꞌ.

Mateo 15:18

Napoaponahuëꞌ, cancanëma quëran co noyahuëꞌ yonquihuatamara, co noyahuëꞌ nonamaꞌ. Ina marëꞌ oshahuanamaꞌ.

Mateo 23:33

¡Yaꞌhuan pochin cancantatomaꞌ, paꞌpi co noyahuëꞌ nisaramaꞌ! ¿Onporahuatomacha pën quëran chaꞌërëꞌponquëmaya? Co chaꞌësaramahuëꞌ.

Mateo 3:7

Ina quëran naꞌa parisioroꞌsaꞌ, satosioroꞌsaꞌ, inapitanta huëꞌpi. —Quiyantaꞌ aporintocoi, itopirinahuëꞌ, Coansha co nohuantërinhuëꞌ: —¡Canpitasoꞌ yaꞌhuan pochin cancantatomaꞌ, yanonpinamaꞌ! “Yosë isoroꞌpaꞌ anaꞌintohuachin, chaꞌëpoi,” topiramahuëꞌ. Co topinan chaꞌësaramahuëꞌ.

Lucas 3:7

Aꞌnaquën aporihuanacaiso marëꞌ huëꞌpirinahuëꞌ, Coansharisoꞌ, co yaaporintërinhuëꞌ: —Canpitasoꞌ yaꞌhuan pochin cancantatomaꞌ, yanonpinamaꞌ. “Yosë isoroꞌpaꞌ anaꞌintohuachin, chaꞌëpoi quiyantaꞌ,” ¿topiramahuë ti? Topinan aporihuanpatamaꞌ, co chaꞌësaramahuëꞌ.

Lucas 6:45

Inapochachin piyapiꞌsaꞌ nipi. Noya yonquihuachinara, noya nipi. Co noyahuëꞌ yonquihuachinara, co noyahuëꞌ nipi. Maꞌsona yonquihuachinara, ina chachin nonpi,” itërin.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

Efesios 4:29

Ama taparoꞌ noncosohuëꞌ. Ama maꞌtoma maꞌtoma noncosohuëꞌ. Sano yonquiatomaꞌ, noya noncoꞌ aꞌnapita natanatënquëmaꞌ, Yosë yonquiꞌinaꞌ. Noya noya imacaso marëꞌ catahuacoꞌ.

Efesios 5:4

Ama taparoꞌ ninontocosohuëꞌ. Ama narinacasoachin yonquicosohuëꞌ. Co topinan quëran ninontacasoꞌ yaꞌhuërinhuëꞌ. Yosë catahuarinpoasoꞌ naꞌcon naꞌcon nishaꞌhuitatëhuaꞌ: “Yosparinquën Sinioro,” itahuaꞌ.

Santiago 3:2

Yaꞌipinpoaꞌ co noyahuëꞌ nicatëhuaꞌ, oshahuanëhuaꞌ. Noyasáchin nonacasosoꞌ saca sacaiꞌ. Noyasáchin nonëhuaꞌ naporini, Yosë pochachin cancanchitërihuahuëꞌ. Co huachi aquëtëꞌ tëhuëꞌitërihuahuëꞌ.

1 Juan 3:10

Co sacaihuëꞌ Yosë huiꞌninpita nohuitacasoꞌ. Noyasáchin nipatëhuaꞌ, Yosë huiꞌninpita pochin nisarëhuaꞌ. Nipirinhuëꞌ, co noyahuëꞌ nipachinaꞌ, co Yosë huëntonënquë yaꞌconpihuëꞌ. Co imapisopita nosorohuachinahuëꞌ, co Yosë huiꞌninpita pochin nisapihuëꞌ. Sopai huiꞌninpita pochin nisapi. Co noyahuëꞌ cancantopi quëran sopai huiꞌninpita nohuitarëhuaꞌ.

1 Samuel 24:13

Iráca quëran huarëꞌ paꞌyatopi napocaisoꞌ: “Co noyahuëꞌ cancantopisopitaráchin co noyahuëꞌ nipi,” topi. Caso co ina pochin cancantërahuë niꞌton, co tëꞌhuataancoso yaꞌhuërinhuëꞌ. Co onporonta tëpaponquënhuëꞌ.