Mateo 12:20 - Chayahuita (Shahui)

²⁰ Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Mateo 12:20 ပူးပေါင်းရင်းမြစ်များ

2 Reyes 18:21

‘Iquipitoroꞌsa catahuaponacoi,’ tënama ipora. Napopiramahuëꞌ, iquipitoroꞌsaso piquiranan nopantë pochin niconpi. Piquiranan nopantëquë piquëëtohuatëra, pápi papitarinpoꞌ. Inapochin Iquipito copirnori yaꞌipi catahuacaiso marëꞌ chinotopisopita nitapon.

Salmos 51:17

Oshanëhuëi marëꞌ paꞌpi sëtatoi, co napion cancantohuatoira tëhuënchinsoꞌ, noya niꞌsarancoi.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Mateo 11:28

Huëcoꞌ casáchin imaco catahuainquëmaꞌ. Isoroꞌpaquë maꞌsha onporamaꞌ niꞌton, sëtaramaꞌ. Naporahuaton, nisha nisha yanatëpiramahuëꞌ, co canpitaora nanitëramahuëꞌ noya cancantacamasoꞌ. Pëꞌpëto quëquën quëparamaso pochin ninatanama niꞌton, napion cancantëramaꞌ. Napoaton huëcoꞌ catahuainquëmaꞌ sano cancantacamaso marëꞌ.

Mateo 11:7

Ina natanahuatonaꞌ, Coansha shaꞌhuitaponaꞌ paꞌpi. Nani paꞌpachinara, Quisosori piyapiꞌsaꞌ aꞌchintantarin. —Natanco iyaroꞌsaꞌ Coansha yonquiato aꞌchinchinquëmaꞌ. Iꞌhua inotëro parti ina nicapomaꞌ paꞌpatamara, inaso Yosë marë chiníquën huanirin quënanconamaꞌ. Co piquira ihuani onororinso pochin niconinhuëꞌ.

Lucas 4:18

“Sinioro ispiritonën yaꞌcoancantërinco niꞌton, noya catahuarinco. Naꞌa piyapiꞌsaꞌ co Yosë nohuitatonahuëꞌ, nosorotopi. Napoaton Yosë acorinco noya nanan aꞌchintaꞌhuaso marëꞌ. Sopairi minsëpirinhuëꞌ, ocoiarahuë noya yonquicaiso marëꞌ. Somaraya nininsopita anoyatarahuë. Parisitapisopita nichaꞌësarahuë.

2 Corintios 2:14

Ma noyacha Tata Yosëso paya, tënëhuaꞌ. Quisocristo imarëhuaꞌ niꞌton, nani tahuëri ina catahuarinpoaꞌ inimiconënpoapita minsëcasoꞌ. Inapitasoꞌ co nohuantopihuëꞌ Quisocristo nanamën aꞌchinaꞌhuaisoꞌ. Co nohuantopirinahuëꞌ, nisha nisha parti paatoi, nanamën aꞌchinárai. Pimóton huaꞌsaiꞌ pimoanahuaninso pochin Quisocristo nanamën nahuinarin. Aꞌchintatoi, naꞌa piyapiꞌsaꞌ anitotërai.

2 Corintios 2:7

Iporasoꞌ nanan anoyatocoꞌ. Noya nontaantacoꞌ chiníquën cancanchin. Iporahuantaꞌ sëtárin. Napoaton catahuacoꞌ ama aquëtëꞌ sëchinsohuëꞌ, sëtori yaꞌcoancantohuachin.

Apocalipsis 6:2

Itohuachina, cahuario yaꞌnorin, niꞌnahuë, huiríchin nininsoꞌ. Ina aipi quëmapi huënsëarin. Pëꞌchinan quëparin. Piyapiꞌsaꞌ yaminsërin niꞌton, huaꞌan pochin yancotëtaton, paꞌsarin minsëcaso marëꞌ.