Mateo 12:19 - Chayahuita (Shahui)

¹⁹ Co noꞌhuiarinhuëꞌ. Co chiníquën nonsarinhuëꞌ. Co cachiquë paaton, piyapiꞌsaꞌ anoꞌhuitarinhuëꞌ.

Mateo 12:19 ပူးပေါင်းရင်းမြစ်များ

Isaías 42:2

Nonpachin co chiníquën yaitosáponhuëꞌ. Co cachiroꞌsaquë iquianan quëran pënëntaponhuëꞌ.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 11:29

Co carinquëmaꞌ nocananquëmahuëꞌ. Sanoanan quëran pënënanquëmaꞌ. Casáchin natanco aꞌchinchinquëmaꞌ. Nani tahuëri catahuaranquëmaꞌ noya cancantacamaso marëꞌ. Ina pochin imapatamaco, sano cancantarama huachi.

Mateo 12:20

Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Lucas 17:20

Ina quëran Parisioroꞌsari huëcapairahuatonaꞌ, itaponaꞌ: —¿Onporotaꞌ Yosë isoroꞌpaquë huaꞌanëntarin? itopi. —Yosë huaꞌanëntohuachin iyaroꞌsaꞌ, co aꞌninquëchin yaꞌnoarinhuëꞌ.

2 Corintios 10:1

Ca Paonoco sanoanan quëran pënënanquëmaꞌ. Aꞌnaquën napopi: “Paono aquë quëran ninshitohuachinpoara, chiníquën nanan aꞌpatirinpoaꞌ. Isëquë chachin yaꞌhuapon, tëꞌhuatatonpoaꞌ, co chiníquën pënëninpoahuëꞌ,” topi natantërahuë. Quisocristosoꞌ chiníquën nanantaponahuëꞌ, co noꞌhuirinpoahuëꞌ. Sanoanan quëran pënëninpoaꞌ. Ina pochin cancantato, cantaꞌ sanoanan quëran pënënanquëmaꞌ.