Mateo 12:12 - Chayahuita (Shahui)

¹² Piyapiꞌsaso nipirinhuëꞌ noya noya niꞌton, naꞌcon naꞌcon nosorocasoꞌ yaꞌhuërin. Napoaton chinoto tahuërintaꞌ piyapiꞌsaꞌ catahuacasoꞌ yaꞌhuërin, itërin.

Mateo 12:12 ပူးပေါင်းရင်းမြစ်များ

Mateo 6:26

Niꞌcoꞌ. Inairaroꞌsaꞌ co mantaꞌ shaꞌpihuëꞌ. Co maꞌsha shaꞌpisoꞌ macatonaꞌ, pëinënaquë acopihuëꞌ. Napoaponahuëꞌ, Tata Yosëri catahuarin. Ina nohuanton, cosharoꞌ quënanpi. ¡Canpitasoꞌ inapita quëran noya noya niꞌninquëmaꞌ!

Marcos 3:4

Inaquë nipachina, piyapiꞌsaꞌ itapon: —Chinoto tahuëri noya nicacasoꞌ yaꞌhuërin. Co ahuëtacasoꞌ, co tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Nipirinhuëꞌ, nosoroato anoyataꞌhuasoꞌ yaꞌhuërin, tënahuë casoꞌ. ¿Maꞌtaꞌ tënama canpitasoꞌ? itërin. Natanaponaraihuëꞌ, co mantaꞌ topihuëꞌ.

Lucas 12:24

Niꞌcoꞌ. Inairaroꞌsaꞌ co shaꞌtopihuëꞌ. Co cayarinsoꞌ sënapihuëꞌ. Cosharoꞌ tapacaso marëꞌ co pëiꞌ yaꞌhuëtopirinahuëꞌ, Yosëri catahuarin. Ina nohuanton, cosharoꞌ yaꞌhuëtopi. Canpitasoꞌ inapita quëran naꞌcon naꞌcon nosororinquëmaꞌ.

Lucas 14:1

Aꞌna huaꞌani Quisoso amatërin coshatapacaso marëꞌ. Parisio quëmapi inasoꞌ. Amatohuachina, inaquë paꞌnin. Chinoto tahuëri niꞌton, aꞌnapitarintaꞌ niꞌsapi shaꞌhuirapicaiso marëꞌ.

Lucas 6:9

Inaquë huanihuachina, Quisosori cotio maistroꞌsaꞌ, parisioroꞌsaꞌ, inapita itërin: —Chinoto tahuëri noya nicacasoꞌ yaꞌhuërin. Ahuëtacasoꞌ, tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Napoaton anoyatacasoꞌ yaꞌhuërin, tënahuë casoꞌ. ¿Maꞌtaꞌ canpitasoꞌ tënamaꞌ? itërin Quisosori.