Mateo 11:7 - Chayahuita (Shahui)

⁷ Ina natanahuatonaꞌ, Coansha shaꞌhuitaponaꞌ paꞌpi. Nani paꞌpachinara, Quisosori piyapiꞌsaꞌ aꞌchintantarin. —Natanco iyaroꞌsaꞌ Coansha yonquiato aꞌchinchinquëmaꞌ. Iꞌhua inotëro parti ina nicapomaꞌ paꞌpatamara, inaso Yosë marë chiníquën huanirin quënanconamaꞌ. Co piquira ihuani onororinso pochin niconinhuëꞌ.

Mateo 11:7 ပူးပေါင်းရင်းမြစ်များ

Génesis 49:4

Inapocamaso nipiranhuëꞌ, co huachi inapoaranhuëꞌ. Iꞌ paꞌpi chiniiꞌ nipachina, co onpo asanoirëhuëꞌ. Ina pochachin nicaton cosonanëhuë monshitëran,’ itërin.

Mateo 11:8

Co inaso maꞌhuanoꞌsaꞌ pochin noyápiachin aꞌmorinhuëꞌ. Noyápiachin aꞌmopisopitasoꞌ, copirnoroꞌsaꞌ pëinënaquë yaꞌhuëpi. Coanshaso nipirinhuëꞌ, co nani maꞌsha yaꞌhuëtërinhuëꞌ.

Mateo 12:20

Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Mateo 21:25

¿Incaritaꞌ Coansha nanan quëtërin piyapiꞌsaꞌ aporintacaso marëꞌ? ¿Yosëri nanan quëtërin, piyapiꞌsari nica? ¿Maꞌtaꞌ tënamaꞌ canpita? Shaꞌhuitoco carinquëmantaꞌ nanan quëtërincosoꞌ shaꞌhuichinquëmaꞌ, itërin Quisosori. Natanahuatonaꞌ, inahua capini ninontapi. —¿Maꞌtaꞌ itahuaꞌ? “Yosëri nanan quëtërin aporintacasoꞌ,” itohuatëhuaꞌ, “¿Onpoatomataꞌ nipachin co natëramahuëꞌ?” itarinpoaꞌ.

Mateo 3:5

Inaquë naꞌa piyapiꞌsaꞌ huëꞌpi natanacaiso marëꞌ. Quirosarin quëran huëꞌpi. Yaꞌipi Cotia parti quëran huëcatonaꞌ, natanpi. Cortaniiꞌ yaꞌcariya quëraontaꞌ huëꞌpi. Aꞌnaya aꞌnaya huëcatonaꞌ: —Tëhuënchachin co noyahuëꞌ nicato, oshahuanahuë. Catahuaco Sinioro naporahuëso nanianchi, itopi Yosë nontatonaꞌ. Ina topachinara, Coanshari Cortaniiquë aporintërin.

Lucas 8:18

Napoaton noya natancoꞌ. Noya natëhuatamaꞌ, naꞌcon naꞌcon nitotarama. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ niꞌton, piꞌpian tërantaꞌ nitotopisoꞌ Yosëri ananiantarin,” itërin.

Juan 1:38

Ina quëran tahuërëtahuaton, quënanincoi. —¿Onpoapomataꞌ? itërincoi. —Yanohuitërainquën Maistro. ¿Insëquëtaꞌ yaꞌhuaran? itërai.

Juan 5:35

Coanshasoꞌ noya quëmapi. Huaroro noya orotërinso pochin niꞌton, noya anitotërinquëmaꞌ. Yaꞌnan natanpatamara, huaꞌquimiachin paꞌyatëramaꞌ.

Efesios 4:14

Ina quëran noꞌtëquën yonquiarihuaꞌ. Co huachi huaꞌhuaroꞌsa pochin cancantarihuahuëꞌ. Huaꞌhuaroꞌsasoꞌ co yonquiyatërapihuëꞌ niꞌton, nisha nisha natëtopi. Canpoaso nipirinhuëꞌ chinotënpoa pochin noꞌtëquën yonquiaꞌahuaꞌ. Niꞌcoꞌ. Panca ihuan huëꞌpachina, poti niquëran niquëran ohuërërin. Co noꞌtëquën yanponinhuëꞌ. Inapochachin aꞌnaquën nisha nisha nanan natanpachinara, nisha nisha yonquipi. Co Quisocristo nanamënáchin yonquipihuëꞌ. Aꞌnaquën nisha nisha aꞌchinapi. Noyá nitotopi nonpinacaisoꞌ. Nonpin nanan imatonaꞌ, yanonpintopirinënquëmahuëꞌ, ama piꞌpian tërantaꞌ natëcosohuëꞌ.

Santiago 1:6

“Yosë noya catahuarinco. Natëmiatarahuë,” taꞌtëhuaꞌ, Yosë nontahuaꞌ. Ama nisha nisha yonquiaꞌahuasohuëꞌ. “Co catahuarincohuëꞌ nimara,” ama tahuasohuëꞌ. Niꞌcoꞌ. Coꞌsacaiꞌ co sanoirinhuëꞌ. Pancaiquë ihuaitohuachina, niquëran niquëran niohuërërin. Aꞌnaquën piyapiꞌsaꞌ ina pochin yonquionpi. Nisha nisha yonquipi.