Mateo 11:20 - Chayahuita (Shahui)

²⁰ Nisha nisha ninanoroꞌsaquë nani pënëntërin. Inaquë naꞌa caniaꞌpiroꞌsaꞌ aꞌnaroáchin anoyatërin. Yaꞌhuëhuanoꞌsasoꞌ nicaponaraihuëꞌ, inachachin inachachin yonquiantapi. Co oshanënaꞌ yaaꞌpopihuëꞌ. Napoaton chiníquën pënënin.

Mateo 11:20 ပူးပေါင်းရင်းမြစ်များ

Mateo 12:41

Conasë chaꞌërahuaton, Ninihuiquë paꞌnin. Inaquë pënëntohuachina, co noyahuëꞌ yonquipisopita naniantopi. Napoaton ayaroꞌ tahuëri inapita nontarinënquëmaꞌ. “¿Onpoatomataꞌ co canpitasoꞌ natëramahuëꞌ?” itaponënquëmaꞌ. Casoꞌ chiníquën nanantato, noya noya pënënpiranquëmahuëꞌ, co yanatëramacohuëꞌ. Napoaton ayaroꞌ tahuëri Yosë naꞌcon anaꞌintarinquëmaꞌ.

Marcos 16:14

Ina quëran shonca aꞌnara caꞌtanoꞌsanënpita misaquë coshatasoiꞌ, Quisosori yaꞌnotiirin. “¿Onpoatomataꞌ, iyaroꞌsaꞌ, co natëtëramahuëꞌ? Co natantochináchinhuëꞌ cancantërama nica. ‘Quisoso nani nanpiantarin. Cari niꞌnahuë,’ itopirinënquëmahuëꞌ, co natëtëramahuëꞌ,” itërin.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Hechos 17:20

Co onporontaꞌ natanchinaihuëꞌ. Aꞌchintocoi quiyantaꞌ nitochii, itopi.

2 Corintios 12:21

Iráca aꞌnaquëmaꞌ co noyahuëꞌ yonquiramaꞌ. Monshihuanamaꞌ, sanapirachin yonquiramaꞌ. Ipora huantaꞌ aꞌnaquëmaꞌ inapoaramaꞌ nimara. Co ina naniantohuatamahuëꞌ, canconpato, paꞌpi sëtarahuë. Carinquëmaꞌ aꞌchintëranquëmasoꞌ niꞌton, Yosë atapanarinco. Co oshanëmaꞌ aꞌpohuatamahuëꞌ, chiníquën asëtaramaco.

Santiago 1:5

“¿Maꞌcha ipora niiya?” topatamaꞌ, Yosë nontocoꞌ noya anitochinquëmaꞌ. Onpopiontaꞌ Yosë nontacasoꞌ yaꞌhuërin. Co nosororinpoasoꞌ apiratërinpoahuëꞌ. Inaora nohuanton, catahuarinpoaꞌ. Nontërëhuaso marëꞌ co noꞌhuirinpoahuëꞌ. Catahuarinpoaꞌ noꞌtëquën yonquicaso marëꞌ.

Apocalipsis 16:11

Yosësoꞌ chini chiníquën nanantopirinhuëꞌ, piyapiꞌsari taꞌtaráchin nicatonaꞌ, noꞌhuipi. “Paꞌpi co noyahuëꞌ niꞌton, aparisitarinpoaꞌ,” topi pinotonaꞌ. Co naporo tërantaꞌ oshanënaꞌ yaaꞌpoapihuëꞌ.

Apocalipsis 16:9

Panca huëyaponaraihuë, co nirotapihuëꞌ. Yosë noꞌhuitonaꞌ, pinosapi: “Sopai pochin cancantaton, aparisitarinpoaꞌ niꞌsora,” tosapi. Parisitaponaraihuëꞌ, co nohuantapihuëꞌ oshanënaꞌ aꞌpocaisoꞌ. Co Yosë yayonquiapihuëꞌ.

Apocalipsis 2:21

Co aꞌnaroáchin anaꞌintërahuëꞌ. Huaꞌquiꞌ pënënpirahuëꞌ, co piꞌpisha tërantaꞌ nohuantërinhuëꞌ natëincosoꞌ. Oshahuanacasoꞌ co yaaꞌporinhuëꞌ.