Mateo 11:19 - Chayahuita (Shahui)

¹⁹ Caso nipirinhuëꞌ, Yosë quëran quëmapico niporahuëꞌ coshatërahuë, oꞌorahuë. Ina marëꞌ pinoramaco cantaꞌ. ‘Quisoso coshatárin, oꞌopatárin. Oshahuanoꞌsarëꞌ nipayarin. Copirno marëꞌ coriqui maꞌpatonaꞌpiroꞌsarëntaꞌ nipayarin,’ toconamaꞌ. Nisha nisha yonquiconamaꞌ. Aꞌnaquënso nipirinhuëꞌ noya yonquiatonaꞌ, Yosë natëapi huachi. Noꞌtëquën pënënahuë niꞌton, noꞌtëquën yonquiapi huachi,” tënin Quisoso.

Mateo 11:19 ပူးပေါင်းရင်းမြစ်များ

Proverbios 23:21

Oꞌonaꞌpiroꞌsaꞌ, coshatonoꞌsaꞌ, inapitaso popriyataponaꞌ. Yaꞌipi chirotëroꞌsaꞌ, paꞌpiyaráchin aꞌmoponaꞌ. Napoaton co inapitarëꞌquën nipayacaso yaꞌhuërinhuëꞌ.

Mateo 5:46

Nipayaramasopitaráchin nosorohuatamaꞌ, co ina marëꞌ Yosë acanaarinquëmahuëꞌ. Copirno marëꞌ coriqui maꞌpatonaꞌpiroꞌsantaꞌ nipayapisopita nosoropi.

Lucas 14:1

Aꞌna huaꞌani Quisoso amatërin coshatapacaso marëꞌ. Parisio quëmapi inasoꞌ. Amatohuachina, inaquë paꞌnin. Chinoto tahuëri niꞌton, aꞌnapitarintaꞌ niꞌsapi shaꞌhuirapicaiso marëꞌ.

Lucas 19:7

Piyapiꞌsari quënanahuatonaꞌ, ninontapi. “¿Onpoatontaꞌ oshahuan pëinënquë yacahuatonin?” nitopi.

Lucas 7:29

Nani naꞌa piyapiꞌsari Coansha noya natanpi. Copirno marëꞌ coriqui maꞌpatonaꞌpiroꞌsantaꞌ “Yosë noninsoꞌ noꞌtëquën pënëninpoaꞌ,” taꞌtonaꞌ, aporihuanpi.

Juan 2:2

Quisosontaꞌ amatopi. Paꞌnin inantaꞌ niꞌtapon. Caꞌtanoꞌsanënpitacointaꞌ amatërinacoi.

Romanos 15:2

Aꞌnapita yonquiatëhuaꞌ, catahuahuaꞌ noya cancanchinaꞌ. Catahuahuatëhuaꞌ, noya noya imasapi.

Apocalipsis 7:12

“Tëhuënchachin Sinioro, piyapiꞌsaꞌ nichaꞌëran. ¡Ma noyanquëncha quëmaso paya! Yaꞌipiya chinochinënquën. Yaꞌipi nitotëran. Chini chiníquën nanantaton, yaꞌipiya nanitaparan niꞌton, yaꞌipi natëinënquën. ‘Yosparinquën,’ ichinënquën. Naꞌcon natëmiatarainquën. Co onporontaꞌ aꞌpoarainquënhuëꞌ. Amen,” itapi.