Mateo 11:18 - Chayahuita (Shahui)

¹⁸ Coansha Paotistasoꞌ pënëntapon, co aquëtëꞌ cosharoꞌ yonquirinhuëꞌ. Co noya coshatërinhuëꞌ. Co piꞌpian tërantaꞌ huino oꞌorinhuëꞌ. Napopirinhuëꞌ: ‘Inasoꞌ Sopairi ahuaꞌyantërin niꞌton naporin,’ tënamaꞌ.

Mateo 11:18 ပူးပေါင်းရင်းမြစ်များ

Jeremías 15:17

Aꞌnaquën capa cancantacaisoáchin yonquipi. Caso inapitarëꞌco co nipayacaꞌhuasoꞌ nohuantërahuëꞌ. Yaꞌcoancantëranco quëran huarëꞌ caoraíchin pochin paꞌnahuë. Piyapiꞌsa co noyahuëꞌ nipachinara, quëmariso noꞌhuiran. Inapochachin canta cancantërahuë.

Mateo 10:25

Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 11:17

quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Mateo 3:4

Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.

Mateo 9:34

Parisioroꞌsaso nipirinhuëꞌ, co yanatëpihuëꞌ. —Sopai huaꞌani catahuarin niꞌton, nanitërin sopairoꞌsaꞌ aꞌpacasoꞌ, toconpi.

Marcos 3:22

Cotio maistroꞌsantaꞌ Quirosarin quëran oꞌmarahuatonaꞌ, taponaꞌ: “Sopai huaꞌan Piirsipo itopisori yaꞌcoancantërin niꞌton, nani maꞌsha nanitaparin. Inari chiníquën nanan quëtërin sopairoꞌsaꞌ aꞌpacaso marëꞌ,” toconpi.

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Juan 10:20

—Sopairi nani yaꞌcoancantërin niꞌton, huaꞌyantërin. ¿Maꞌmarëta natanamaꞌ? topi aꞌnaquën.

Juan 7:20

—¡Quëmasoꞌ sopai yaꞌcoancantërinquën niꞌton, huaꞌyantëran! ¿Intaꞌ yatëparinquën? itopi.

Juan 8:48

Ina natanahuatonaꞌ huaꞌanoꞌsari itantapi: —¿Coꞌta quëmasoꞌ Samaria piyapinquën? tënai. “Sopai yaꞌcoancantërinquën niꞌton, huaꞌyantëran,” topatëira, noꞌtëquën napotërainquën, itopi.

Juan 8:52

—Sopai mini nani yaꞌcoancantërinquën. Co huachi yonquiranhuëꞌ. Apraan nani chiminin. Pënëntonaꞌpiroꞌsantaꞌ chiminpi antaꞌ. Quëmaso nipirinhuëꞌ: “Natëhuatamaco, co chiminaramahuëꞌ,” itërancoi.

Hechos 26:24

Ina pochin nontahuachina, Pistori chiníquën itërin: —¡Paono, quëmasoꞌ huaꞌyantëran! Naꞌcon quirica nontaton huaꞌyantëran, itërin.

1 Corintios 9:27

Co noyahuëꞌ yonquihuatëra, aꞌnaroáchin naniantërahuë. Co nohuantërahuëꞌ piꞌpian tërantaꞌ oshahuanacaꞌhuasoꞌ. Nohuantasoꞌ Yosë marëꞌ sacatarahuë. Aꞌnapita naꞌcon pënënpirahuëꞌ, co casoꞌ noya nipatohuëꞌ, co Yosë noya niꞌsarincohuëꞌ, co acanaarincohuëꞌ, tënahuë.