Mateo 11:17 - Chayahuita (Shahui)

¹⁷ quinatapirinahuëꞌ, co aꞌnapita nohuantopihuëꞌ nansacaisoꞌ. Ina quëran co nohuantohuachinarahuëꞌ, tantaponaꞌ: ‘Inta nipachin, huëcoꞌ chimipi paꞌpitopiso pochin niꞌtëhuaꞌ, yaꞌnipiahuaꞌ,’ nitantapi. Naꞌnëpirinahuëꞌ, co aꞌnapita nohuantopihuëꞌ naꞌnëcaisoꞌ. Inapochachin canpitantaꞌ ipora nisha nisha yonquiramaꞌ.

Mateo 11:17 ပူးပေါင်းရင်းမြစ်များ

Génesis 50:10

Paꞌsápatonaꞌ, Corin-a-atatiquë canconpi. Inaquë niyontonatona panca sëtopi. Inaquë Cosi paꞌpin marëꞌ canchisë tahuëri sëtërinsoꞌ, naniantarin. (Corin-a-atatisoꞌ, trico toꞌnorapiquë) Ina noꞌpa quëransoꞌ, Cortaniiꞌ piꞌi yaꞌconinso parti acorin.

1 Reyes 1:40

Naporahuatona Quirosarinquë imaquipi. Capa cancantatona pirinanoꞌsa pihuiriapi. Inapoapona pochin chiníquën noncaropi niꞌton, noꞌpaꞌ nacontochináchin niriapi.

Jeremías 31:4

Nasha quëran chachin noya acoantaranquëmaꞌ. Capa cancantatoma nansapomaꞌ. Shari shari piꞌniatomaꞌ, nansapomaꞌ.

Mateo 11:16

Iporasoꞌ piyapiꞌsaꞌ nisha nisha yonquipi. Huaꞌhuaroꞌsa pochin cancantopi. Huaꞌhuaroꞌsaꞌ cachiquë yaꞌnipihuachinara, aꞌnaquën taponaꞌ: ‘Huëcoꞌ pita pochin niꞌtëhuaꞌ, yaꞌnipiahuaꞌ,’ taꞌtonaꞌ,

Mateo 11:18

Coansha Paotistasoꞌ pënëntapon, co aquëtëꞌ cosharoꞌ yonquirinhuëꞌ. Co noya coshatërinhuëꞌ. Co piꞌpian tërantaꞌ huino oꞌorinhuëꞌ. Napopirinhuëꞌ: ‘Inasoꞌ Sopairi ahuaꞌyantërin niꞌton naporin,’ tënamaꞌ.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

Mateo 9:23

Ina quëran huaꞌan pëinënquë canconpi. Naꞌa piyapiꞌsaꞌ quënanconpi, naꞌnërápi, ayanápi. Quinatoroꞌsantaꞌ quënanconpi. Huinatacaiso marëꞌ huëꞌpirinahuëꞌ,

Lucas 15:25

Paninanso nipirinhuëꞌ, iminquë sacatërin quëran huëntararin. Pëiquë yaꞌcaritëriahuasoꞌ, mosica piꞌnirapiso natanin. Nansatonaꞌ, capa cancantapi.

Lucas 23:27

Naꞌa quëmapiꞌsari imasapi. Sanapiꞌsarintaꞌ imasapi. Quisoso yatëpapiso marëꞌ chiníquën sëtatonaꞌ, naꞌnërapi.

Lucas 7:32

Huaꞌhuaroꞌsa pochin cancantopi, tënahuë. Huaꞌhuaroꞌsaꞌ cachiquë yaꞌnipihuachinaraꞌ, aꞌnaquën taponaꞌ: ‘Huëcoꞌ pita pochin nicatëhuaꞌ yaꞌnipiahuaꞌ,’ taꞌtonaꞌ, quinatopirinahuëꞌ, co aꞌnapitasoꞌ nohuantopihuëꞌ nansacaisoꞌ. Ina quëran tantaponaꞌ: ‘Inta nipachin, huëcoꞌ, chimipi paꞌpitopiso pochin nicatëhuaꞌ yaꞌnipiahuaꞌ,’ nitantapi. Aꞌnaquën sëtatonaꞌ naꞌnërápirinahuëꞌ, co aꞌnapitasoꞌ nohuantopihuëꞌ naꞌnëcaisoꞌ.

Lucas 8:52

Naꞌa piyapiꞌsaꞌ naꞌnëtonaꞌ, ayanápi. —Ama naꞌnëcosohuëꞌ. Co sanapiaꞌhua chimininhuëꞌ. Huëꞌësárin, itërin Quisosori.