Mateo 11:11 - Chayahuita (Shahui)

¹¹ “Iráca quëran huarëꞌ naꞌa piyapiꞌsaꞌ pënëntopirinahuëꞌ, Coansha Paotistasoꞌ noya noya pënëntërin. Pënëntërinsoꞌ noya, nipirinhuëꞌ, inso tërantaꞌ imapachinaco, noya noya nisarin. Yosë huaꞌanëntërinquë chachin yaꞌconarin huachi, tënahuë.

Mateo 11:11 ပူးပေါင်းရင်းမြစ်များ

Copo naporinso' 14:1

Piyapicoisoꞌ, sanapi quëran huaꞌhuatatoi, co chiniraihuëꞌ. Co huaꞌqui nanpipiraihuëꞌ, naꞌcon parisitërai.

Copo naporinso' 14:4

Piyapicoi co aꞌnayacoi tëranta noyápiachin cancantëraihuëꞌ. Ina pochin nininso huiꞌnarinco niꞌton, nëꞌhuëtërahuëso pochin cancantërahuë.

Salmos 51:5

Tëhuënchachin huaꞌhuatapo quëran huarëꞌ, co noyahuëꞌ cancantërahuë. Mamahuë yoꞌnamënquë yaꞌhuëasoco quëran huarëꞌ, oshahuanchináchin cancantërahuë.

Mateo 11:10

Iráca quiricanënquë ninoton Yosëri huiꞌnin shaꞌhuitërin. “Coꞌhuara paꞌshamátërasënquënhuëꞌ, comisionëhuëꞌton aꞌpararahuë piyapiꞌsaꞌ ayonquicaso marëꞌ,” itërin. Coansha ninoton, naporin.

Mateo 11:12

Coansha pënëntërin quëran huarëꞌ naꞌa piyapiꞌsaꞌ huëꞌsapi natanacaiso marëꞌ. Aꞌnaquënso nipirinhuëꞌ co nohuantopihuëꞌ Yosë huaꞌanëntërinquë yaꞌconacaisoꞌ. Co nohuantatonaraihuëꞌ, nohuantopisopita aparisitopi. Chiníquën cancantopisopitaso nipirinhuëꞌ, onpopiontaꞌ yaꞌconapi.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Mateo 3:11

Co noyahuëꞌ yonquiramasopita naniantohuatamaꞌ, iꞌquë aporintaranquëmaꞌ. Ca piquëranso nipirinhuëꞌ aꞌna quëmapi huëꞌsarin. Inasoꞌ chini chiníquën nanantërin. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌto, co sapatën quëpacaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ pënquë chiníquën anaꞌintarinquëmaꞌ.

Mateo 5:19

Napoaton piꞌpian tërantaꞌ co natëhuatamahuëꞌ, co Yosë noya niꞌsarinquëmahuëꞌ. Huaꞌanëntërinquë co acanarinquëmahuëꞌ. Piyapiꞌsaꞌ aꞌchintatomaꞌ: ‘Ama natëquësohuëꞌ,’ itohuatamaꞌ, co noya aꞌchinaramahuëꞌ. ‘Natëcasoꞌ yaꞌhuërin,’ itohuatamaꞌ, noya aꞌchinaramaꞌ. Natëhuatamaꞌ, Yosë noya niꞌsarinquëmaꞌ. Huaꞌanëntërinquë acanamiatarinquëmaꞌ.

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 7:28

Iráca quëran huarëꞌ naꞌa piyapiꞌsaꞌ pënëntopirinahuëꞌ, Coanshasoꞌ noya noya pënëntërin. Inaso noya pënëntopirinhuëꞌ, inso tërantaꞌ imapachinaco, ina quëran noya noya nisarin. Yosë huaꞌanëntërinquë chachin yaꞌconarin, tënahuë,” itërin.

Lucas 9:48

—Ama chiníquën nanantacamasoꞌ yonquicosohuëꞌ. Imaramaco niꞌton, huaꞌhuasha nosorohuatamaꞌ, nosoroaramaco cantaꞌ. Nosorohuatamaco, co casáchin nosoroaramacohuëꞌ. Yosëntaꞌ nosoroaramaꞌ. Inasoꞌ isoroꞌpaquë aꞌpaimarinco. Huaꞌhuaroꞌsa pochin cancantopisopita Yosëri noya noya niꞌnin, itërin Quisosori.

Juan 1:15

Coansharintaꞌ niꞌnin. Niꞌpachina, piyapiꞌsaꞌ shaꞌhuitërin: “Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin huachi,” itërin.

Juan 1:27

Inasoꞌ chini chiníquën nanantërin. Casoꞌ co ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Ca piquëran ina pënëntapon, itërin.

Juan 10:41

Naꞌa piyapiꞌsaꞌ ina nicaponaꞌ paꞌpi. Ina niꞌsahuatonaꞌ, ninontopi. —Coanshasoꞌ co piyapiꞌsaꞌ aꞌnaroáchin anoyatopirinhuëꞌ, noꞌtëquën shaꞌhuitërinpoaꞌ. “Quisososoꞌ Yosëri aꞌpaimarinsoꞌ,” itohuachinpoara, noꞌtëquën nonin, nitopi.

Juan 3:30

Co casoꞌ nohuantërahuëꞌ piyapiꞌsaꞌ yonquiinacosoꞌ. Quisoso naꞌcon naꞌcon yonquiinasoꞌ, tënin.

Juan 5:35

Coanshasoꞌ noya quëmapi. Huaroro noya orotërinso pochin niꞌton, noya anitotërinquëmaꞌ. Yaꞌnan natanpatamara, huaꞌquimiachin paꞌyatëramaꞌ.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

1 Corintios 15:9

Imapisopita aparisitërahuë niꞌton, co acoincosoꞌ yaꞌhuërinhuëꞌ, topirahuëꞌ. Paꞌpi co noyahuëꞌ cancantopirahuëꞌ, anoyacancantatonco, acorinco paato aꞌchinaꞌhuaso marëꞌ.

1 Corintios 6:4

Napoaton nanan yaꞌhuëhuachina, co coisëquë nishaꞌhuirapicamaso yaꞌhuërinhuëꞌ. Co inasoꞌ Yosë imanaꞌpihuëꞌ niꞌton, co canpoa pochin noꞌtëquën yonquirinhuëꞌ.

Efesios 2:3

Iráca yaꞌipinpoaꞌ co Yosë natërëhuahuëꞌ. Co noyahuëꞌ yonquiatëhuaꞌ, co noyahuëꞌ ninëhuaꞌ. Canpoara nohuantërëhuasoráchin ninëhuaꞌ. Yanoꞌhuitohuatëhuara, noꞌhuitërëhuaꞌ. Yanoꞌpihuatëhuara, noꞌpirëhuaꞌ. Yaahuëtohuatëhuara, ahuëtërëhuaꞌ. Ina marëꞌ yaꞌipinpoaꞌ anaꞌintinpoasoꞌ yaꞌhuërin.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

2 Timoteo 1:10

Nosororinpoasoꞌ nani anitotërinpoaꞌ. Quisocristo oꞌmarin niꞌton, nitotërëhuaꞌ. Quisocristo chachin nichaꞌërinpoaꞌ. Nanpiantarahuaton, chimirin minsërin. Nanamën natëhuatëhuaꞌ, Yosë nohuitatëhuaꞌ, nanpimiatarëhuaꞌ. Chiminarihuarahuëꞌ, nanpiantarihuaꞌ. Nanamën quëran anitotërinpoaꞌ.

Hebreos 11:40

Canpoantaꞌ yonquiatonpoaꞌ, Yosë ninararinpoaꞌ. Iporasoꞌ Quisocristo nani chiminin niꞌton, yaꞌipinpoaꞌ anoyacancantërinpoaꞌ. Iráca imapisopita, ipora canpoantaꞌ, yaꞌipinpoaꞌ anoyacancantërinpoaꞌ. Aꞌna tahuërintaꞌ inápaquë paꞌpatëhuaꞌ, Yosë noyá nohuitarihuaꞌ.

1 Pedro 1:10

Iráca pënëntonaꞌpiroꞌsaꞌ ninopi. “Aꞌna tahuëri Yosë inaora nohuanton, nosoroatënquëmaꞌ, nichaꞌësarinquëmaꞌ canpitantaꞌ,” topi. Ninotonaꞌ ninshitaponaraihuëꞌ, co nitotopihuëꞌ maꞌsona tapon napopisoꞌ. Napoaton cancantatonaꞌ, Yosë quiricanën nontopi noꞌtëquën nitotacaiso marëꞌ. Noya nitotatona noꞌtëquën shaꞌhuitërinënpoaꞌ.

1 Samuel 2:30

Napoaton Sinioro israiroꞌsanpoa chinotërëhuaso naporin: ‘Nani yonquipirahuë piyapinëhuënquën nisápamasoꞌ. Quëmá quëran pipipisopitantaꞌ, inapoꞌina topirahuë. Iporaso nipirinhuëꞌ shaꞌhuitaranquën: Co onporo napocamaso yaꞌhuërinhuëꞌ. Noya niꞌninacosopita tëhuënchinsoꞌ, carinta noya niꞌsarahuë. Nocaninacopitaso nipirinhuëꞌ, atapamiatarahuëꞌ. Ca Sinioroco napotaranquëmaꞌ.