Mateo 10:5 - Chayahuita (Shahui)

⁵ Nani shonca catoyaꞌpi acohuachina, shaꞌhuitërin: “Paatomaꞌ iyaroꞌsaꞌ noya pënëntocoꞌ. Ama nisha piyapiroꞌsaꞌ yaꞌhuëpiquë pacosohuëꞌ. Samaria ninanoroꞌsaquëntaꞌ ama pacosohuëꞌ.

Mateo 10:5 ပူးပေါင်းရင်းမြစ်များ

Mateo 22:3

Napoaton piyapinënpita aꞌparin piyapiꞌsaꞌ shaꞌhuitacaiso marëꞌ. Shaꞌhuitopirinahuëꞌ, co nohuantopihuëꞌ huëcacaisoꞌ.

Mateo 4:15

“Naꞌa piyapiroꞌsaꞌ Cariria parti yaꞌhuëpisoꞌ, imasapi. Inapitasoꞌ, Cortaniiꞌ aquëtëran yaꞌhuëpi, marë Pancaiꞌ yaꞌcariꞌ. Inaquë saporonoroꞌsaꞌ, nipitariroꞌsaꞌ, inapita yaꞌhuëpi. Inaquë inpioroꞌsantaꞌ yaꞌhuëpi.

Marcos 6:7

Naporahuaton, shonca catoꞌ caꞌtanoꞌsanënpita përasahuaton, shaꞌhuitërin paatonaꞌ aꞌchinacaiso marëꞌ. Catoya catoya aꞌparin. Chiníquën nanan quëtërin sopairoꞌsaꞌ aꞌpacaiso marëꞌ.

Lucas 10:1

Ina quëran aꞌnapitantaꞌ shaꞌhuitërin pënëntacaisoꞌ. Canchisë shonca catoꞌ quëmapiꞌsaꞌ huayonahuaton, catoya catoya aꞌparin. Nisha nisha ninanoquë aꞌparin. Oshaquëran ina ninanoroꞌsaquë chachin paꞌsarin niꞌton, inapitaꞌton aꞌparin pënëntacaiso marëꞌ. Yapaꞌpachinara itapon:

Lucas 10:33

Ina quëran Samaria quëmapirintaꞌ quënancoantarin. Inasoꞌ nisha quëmapi niponahuëꞌ, nosororin.

Lucas 17:16

Quisosoquë huënantahuaton, nantëntaquëchin isonquirin. Isonquirahuaton, “Yosparinquën, Sinioro,” itërin. Samaria piyapi inasoꞌ.

Lucas 9:1

Shonca catoꞌ quëmapiꞌsaꞌ Quisosori nani huayonin naꞌcon naꞌcon aꞌchintacaso marëꞌ. Caꞌtanoꞌsanënpita itopi. Ayontonahuaton, chiníquën nanan quëtërin sopairoꞌsaꞌ aꞌpacaiso marëꞌ. Ina nohuanton, nisha nisha caniori maninsopitantaꞌ anoyatapi.

Lucas 9:2

“Paatomaꞌ iyaroꞌsaꞌ, piyapiꞌsaꞌ aꞌchintoncoꞌ. ‘Yosë yahuaꞌanëntarinquëmaꞌ. Huëntonënquë yaꞌconpatamaꞌ, noya catahuarinquëmaꞌ,’ itocoꞌ. Caniaꞌpiroꞌsantaꞌ anoyatocoꞌ. Carinquëma catahuaranquëmaꞌ anoyatacamaso marëꞌ,” itërin.

Juan 17:18

Isoroꞌpaquë aꞌpaimaranco. Inapochachin inapitantaꞌ aꞌparahuë piyapiꞌsaꞌ aꞌchintacaiso marëꞌ.

Juan 20:21

—Sano cancantocoꞌ iyaroꞌsaꞌ. Tatahuë aꞌparincoso pochachin canpitantaꞌ aꞌpaaranquëmaꞌ piyapiꞌsaꞌ aꞌchintacamaso marëꞌ, itërincoi.

Juan 4:20

Shimashonëhuëipita paso motopiquë Yosë chinotopi. Yaꞌhuërë cotioroꞌsanquëmasoꞌ: “Quirosarinquëráchin Yosë chinotacasoꞌ yaꞌhuërin,” tënamaꞌ, itërin.

Juan 4:5

Inatohuaꞌ aꞌna ninanoꞌ yaꞌhuërin, Sicarë itopisoꞌ. Ina yaꞌcariya Cosi noꞌpanën yaꞌhuërin. Iráca paꞌpin Cacopo itopisori quëtërinsoꞌ.

Juan 4:9

—Casoꞌ Samaria sanapico nipirahuëꞌ: “Iꞌsha mananso cantaꞌ oꞌoi,” ¿itëranco ti? itërin inarintaꞌ. Cotioroꞌsasoꞌ Samariaroꞌsarëꞌ co noya ninontopihuëꞌ niꞌton, napotërin.

Juan 7:35

Huaꞌanoꞌsa capini ninontopi. —¿Intohuataꞌ yapaaton naporinsoꞌ? “Co quënanaramacohuëꞌ,” tënin. Nisha piyapiꞌsaꞌ yaꞌhuëpi parti aꞌnaquën cotioroꞌsaꞌ yacapatonpi. Inaquë paaton, nisha piyapiꞌsaꞌ aꞌchintapon nimara.

Juan 8:48

Ina natanahuatonaꞌ huaꞌanoꞌsari itantapi: —¿Coꞌta quëmasoꞌ Samaria piyapinquën? tënai. “Sopai yaꞌcoancantërinquën niꞌton, huaꞌyantëran,” topatëira, noꞌtëquën napotërainquën, itopi.

Hechos 1:8

Iporaso nipirinhuëꞌ Ispirito Santo naꞌcon catahuarinquëmaꞌ. Yaꞌcoancantohuachinquëmaꞌ, nóya pënëntaramaꞌ. Ina nohuanton, nani maꞌsha nanitaparamaꞌ. Yaꞌipi naporahuësoꞌ niꞌnamaꞌ, nani nitotëramaꞌ. Aꞌnapitantaꞌ shaꞌhuitocoꞌ. Quirosarinquë chachin shaꞌhuitocoꞌ. Ina quëran yaꞌipi Cotia parti paatomaꞌ, shaꞌhuitoncoꞌ. Samaria partintaꞌ shaꞌhuitoncoꞌ. Yaꞌipi parti paatomaꞌ, shaꞌhuitëraꞌpiacoꞌ, itërin Quisosori.

Hechos 10:45

Ina nohuanton, nisha nisha nananquë nonsapi. Co nitotaponaraihuëꞌ, Ispirito Santo nohuanton, napoapi. “Ma noyacha Yosëso paya,” tosapi. Natanahuatonaꞌ, cotioroꞌsaꞌ Pitro caꞌtanpisopita paꞌyanpi: “Nisha piyapiꞌsaꞌ niponaraihuëꞌ, Yosë nohuanton, Ispirito Santori yaꞌcoancantërin,” topi.

Hechos 8:1

Istipan tëpasoiꞌ, Saonontaꞌ: “Tëpacoꞌ,” tënin. Naporo quëran huarëꞌ cotio huaꞌanoꞌsaꞌ noꞌhuitatonaꞌ, Quisoso imapisopita chiníquën aparisitopi. Quirosarinquë napopi. Aparisitatonaꞌ, ayanquëëpi. Yaꞌipi Cotia parti, Samaria parti, inaquëpita yanquëëpi. Caꞌtanoꞌsaráchin co paꞌpihuëꞌ.

1 Tesalonicenses 2:16

Nisha piyapiꞌsaꞌ chaꞌëcaiso marëꞌ yaaꞌchintopiraihuëꞌ, cotioroꞌsasoꞌ co nohuantopihuëꞌ. “Ama aꞌchintocosohuëꞌ,” taꞌtonaꞌ, noꞌhuirinacoi. Ina marëꞌ aquë aquëtëꞌ oshahuanpi. Napoaton Yosëri chiníquën noꞌhuirin. Noꞌtëquën anaꞌintarin huachi.