Mateo 10:42 - Chayahuita (Shahui)

⁴² Inso tërantaꞌ imarincoso co chiníquën nanantopirinhuëꞌ, inantaꞌ nosorocasoꞌ yaꞌhuërin. Imarincoso marëꞌ iꞌsha tërantaꞌ oꞌshitohuatamaꞌ, inápaquë Yosë acanaarinquëmaꞌ. Tëhuënchachin noya iꞌhuërëtarinquëmaꞌ,” itërin Quisosori.

Mateo 10:42 ပူးပေါင်းရင်းမြစ်များ

1 Reyes 17:11

Inasoꞌ, iꞌsha matapon paꞌsapirinhuëꞌ, naquëranchin përantarin. Huëantahuachina itapon: —Yosë marëꞌ paonta quëshico topirahuë, itaantarin.

Eclesiastés 11:1

Naꞌa cosharo yaꞌhuëtohuachinquën, paꞌanacaso marëꞌ marë quëpatëquëꞌ. Napohuatan co huaꞌquiya quëranhuëꞌ naꞌcon naꞌcon canaaran.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Mateo 18:14

Inapochachin Tata inápaquë yaꞌhuërinsoꞌ nosororinquëmaꞌ. Huaꞌhuaroꞌsantaꞌ nosororin. Co nohuantërinhuëꞌ aꞌnaya tërantaꞌ parisitopiquë paacaisoꞌ,” tënin.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Lucas 17:2

Coꞌhuara huaꞌhuaroꞌsa tërantaꞌ anishacancanchátërasohuëꞌ, marëquë chimiitërin naporini, noya noya niitonhuëꞌ. Pancaraꞌpiquë aꞌsonconotahuatonaꞌ, tëꞌyaitopi naporini, co aquëtëꞌ oshahuaintonhuëꞌ. Aꞌnaquëntaꞌ imasapirinacohuëꞌ, co chiníquën cancanchatërapihuëꞌ. Huaꞌhuaroꞌsaꞌ pochin cancantopi. Inapita anishacancantohuachinaꞌ, Yosëri anaꞌintarin.

Lucas 6:35

Canpitaso nipirinhuëꞌ inimiconëmantaꞌ nosorocoꞌ. Inapitantaꞌ catahuacoꞌ. Piyapiꞌsaꞌ pahuantohuachinaꞌ, coriqui aꞌnancoꞌ. ‘Co iꞌhuërëtaponcohuëꞌ nimara,’ tapomarahuëntaꞌ, aꞌnancoꞌ. Ina pochin nipatamaꞌ, Yosëꞌpaꞌ naꞌcon canaaramaꞌ. Yosë pochachin cancantaramaꞌ. Inasoꞌ yaꞌipi piyapiꞌsaꞌ nosoroaton, catahuarin. Oshahuanoꞌsantaꞌ nosororin. Co ‘Yosparinquën,’ itopirinahuëꞌ, catahuarin.

2 Corintios 8:12

Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

Hebreos 6:10

Yosë co topinan anaꞌintarinquëmahuëꞌ. Iráca noya ninamaꞌ. Imapisopita nosoroatomaꞌ, catahuaramaꞌ noya imacaso marëꞌ. Ipora huantaꞌ noya ninosoroaramaꞌ niꞌton, co Yosë naniantarinquëmahuëꞌ.