Mateo 10:34 - Chayahuita (Shahui)

³⁴ Ina quëran pënëantarin: “ ‘Cristo oꞌmahuachin, yaꞌipiya nohuantatonaꞌ, noya yaꞌhuapi,’ topiramahuëꞌ, co yaꞌipiya nohuantarinacohuëꞌ niꞌton, ninoꞌhuiapi.

Mateo 10:34 ပူးပေါင်းရင်းမြစ်များ

Jeremías 15:10

Ina quëran caso paꞌpi sëtato, mamahuë yonquirahuë: “¡Maꞌhuántacha caso mama ninahuë paya! Quëma huaꞌhuanpirancohuëꞌ, naní quëran co natantonhuë pochin nohuitërinaco. Napoatona co quëꞌyarinacohuëꞌ. Co onporonta coriqui aꞌnanatonaco maꞌpachininacohuëꞌ. Co carintaꞌ, aꞌnapita coriqui aꞌnanchinahuëꞌ. Co inapopirahuëꞌ, yaꞌipiya quëran ama huachi noya yaꞌhuëcaꞌhuaso marëhuëꞌ, shaꞌhuitërinaco,” tënahuë.

Hechos 14:2

Aꞌnaquën cotioroꞌsaso nipirinhuëꞌ, co yanatëpihuëꞌ. Napoaton, nisha piyapiꞌsaꞌ nontatonaꞌ, anishacancantopi. “Quisoso imapisopita co noya piyapisahuëꞌ,” itopi. Napoaton aꞌnaquën co yaimatonahuëꞌ, imapisopita noꞌhuipi.

Hechos 14:4

Yaꞌhuëhuanoꞌsasoꞌ nisha nisha yonquipi. Aꞌnaquën cotioroꞌsa pochin cancantopi. Aꞌnaquënso nipirinhuëꞌ Paono, Pirnapi, inapita natëpi.

Hechos 28:29

Ina itohuachina, nisha nisha ninontahuatonaꞌ, pipipi.]

Apocalipsis 6:4

Itohuachina, nisha cahuario yaꞌnorin, quëhuashin nininsoꞌ. Ina aipi aꞌna quëmapintaꞌ huënsëarin. Panca sahuëni sëꞌquëarin. Chiníquën nanan yaꞌhuëtërin quira nicacaso marëꞌ. Ina nohuanton, isoroꞌpaquë naꞌa piyapiꞌsaꞌ niahuëatonaꞌ, nitëparapi. Nisha nisha parti quira nisapi. Co huachi noya yaꞌhuapihuëꞌ.