Mateo 10:3 - Chayahuita (Shahui)

³ Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Mateo 10:3 ပူးပေါင်းရင်းမြစ်များ

Mateo 18:17

Co inapita tërantaꞌ yanatëantahuachinhuëꞌ, yaꞌipi imaramasopita niyontonpachinaꞌ, yaꞌipiya shaꞌhuitëquëꞌ inahuarintaꞌ nanan anoyachinaꞌ. Inapitarintaꞌ pënëantapirinahuëꞌ, co inapita tërantaꞌ yanatantahuachinhuëꞌ, ama huachi iyama pochin niꞌcosohuëꞌ. Co imarinso pochinhuë nipon, Noma copirno marëꞌ coriqui maꞌpatonaꞌpi pochin nipon niꞌco huachi.

Mateo 27:56

Aꞌnasoꞌ Maria Mactarina itopisoꞌ. Aꞌnantaꞌ Maria. Inasoꞌ Santiaco, Cosi, inapita aꞌshin. Aꞌnantaꞌ Sipitio huiꞌninpita aꞌshin. Inapitasoꞌ aquë quëran notëërapi.

Mateo 9:9

Ina quëran Quisoso paantarahuaton, Matio quënanconin. Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, aꞌnaroáchin huanirahuaton, imarin.

Marcos 15:40

Sanapiꞌsantaꞌ aquë quëran notëërapi. Aꞌnaraꞌ Maria Mactarina, aꞌnasoꞌ Saroma, aꞌnantaꞌ Maria. Inasoꞌ Cosi, Santiaco, inapita aꞌshinaꞌ. Santiacosoꞌ huaꞌhua nimarinsoꞌ.

Marcos 2:14

Ina quëran naꞌhuëpon pochin, Nihui quënanconin. Arpio huiꞌnin inasoꞌ. (Matio itopi antaꞌ.) Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, huanirahuaton Quisoso imasarin huachi.

Marcos 3:18

Antërisë, Pinipi, Partoromi, Matio, Tomasë, Tatio, inapitantaꞌ acorin. Aꞌnantaꞌ Santiaco itopi. Arpio huiꞌnin inasoꞌ. Aꞌna Simontaꞌ acorin. Iráca copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Lucas 18:10

“Catoꞌ quëmapi Yosë chinotopiso pëiquë Yosë nontacaso marëꞌ paꞌpi. Aꞌnasoꞌ parisio. Aꞌnantaꞌ coriqui copirno marëꞌ maꞌpatërinsoꞌ.

Lucas 18:11

Parisiosoꞌ huanirahuaton, sacaronquë Yosë nontërin: ‘Tata Yosë, yanontëranquën. Casoꞌ noyaco. Ina marëꞌ noya niꞌnanco niꞌton: “Yosparinquën,” itëranquën. Co aꞌnapita pochincohuëꞌ. Co ihuatërahuëꞌ. Co nonpinahuëꞌ. Co monshihuanahuëꞌ. Pasoꞌ quëmapi co noyahuëꞌ. Caso nipirinhuëꞌ co ina pochincohuëꞌ.

Lucas 18:13

Aꞌnaso nipirinhuëꞌ co yaꞌcaritërinhuëꞌ. Tapanaton, monshoárin. Oshanën marëꞌ sëtërin. ‘Tata Yosë, casoꞌ oshahuanco. Nosoroatonco, oshanëhuë inquitoco,’ itërin.

Lucas 19:2

Inaquë aꞌna maꞌhuan yaꞌhuërin. Saquio itopisoꞌ. Inasoꞌ, coriqui copirno marëꞌ maꞌpatonaꞌpiroꞌsaꞌ huaꞌanën niꞌton, chiníquën nanantërin.

Lucas 5:27

Ina quëran Quisoso paantarahuaton, aꞌna quëmapi quënanconin, Nihui itopisoꞌ. (Inachachin Matio itopi antaꞌ.) Coriqui Noma copirno marëꞌ maꞌpatonaꞌpi inasoꞌ. Coriqui maꞌpatërinquë huënsëarin. —Huëquëꞌ iyasha imaco, itërin.

Juan 1:48

—¿Onporahuatontaꞌ nohuitërancosoꞌ? itërin. —Coꞌhuara Pinipi nonchatërasënquënhuëꞌ, ninoto quënananquën. Iquira naraanaquë huënsëasënquën, quënananquën, itërin. Aquë niꞌton, co yaꞌpirin quëran chachin quënanaponahuëꞌ, napotërin niꞌton, Natanino paꞌyanin.

Juan 11:16

—Huëcoꞌ iyaroꞌsaꞌ paꞌahuaꞌ canpoantaꞌ inarëꞌquënpoaꞌ chiminacaso marëꞌ, itërincoi Tomasë, catopiaꞌhua nininsoꞌ.

Juan 14:22

—¿Onpoatontaꞌ Sinioro, quiyariachin noyá nohuitarainquën? ¿Co yaꞌipi piyapiꞌsaꞌ nohuitarinënquënhuëꞌ ti? itërin Cotasëri. Aꞌna Cotasë inasoꞌ. Co Cotasë Iscariotihuëꞌ.

Juan 14:5

—¿Intohuataꞌ Sinioro paꞌsaransoꞌ? Co nitotëraihuëꞌ. ¿Onporahuatoitaꞌ ira nohuichii? itërin Tomasëri.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

Juan 21:2

Inaquë canchisë yaꞌpicoi nisarai. Aꞌnasoꞌ Simon Pitro. Aꞌnantaꞌ Tomasë, catopiaꞌhua itopisoꞌ. Aꞌnantaꞌ Natanino, Canaquë yaꞌhuërinsoꞌ. Sipitio huiꞌninpitacointaꞌ yaꞌhuërai. Aꞌnapitantaꞌ Quisoso caꞌtanpisopita, catoyaꞌpi, inapitaroꞌcoi canchisëcoi yaꞌhuërai.

Hechos 1:13

Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.

Hechos 12:17

Inaso nipirinhuëꞌ imirin quëran anquitërin ama noncarocaiso marëhuëꞌ. —Sinioro chachin anquëninën aꞌpatimarinco. Tashinan pëi quëran ocoirinco. Iya Santiaco shaꞌhuitoncoꞌ nitochin. Yaꞌipi imapisopitantaꞌ shaꞌhuitocoꞌ, itërin. Ina quëran aꞌna parti paꞌnin.

Hechos 15:13

Nani nontohuachina, Santiacontaꞌ tapon: —Natanco iyaroꞌsaꞌ.

Hechos 21:18

Tahuëririnquë Paono paꞌnin Santiaco nicapon. Quiyantaꞌ paꞌnai. Yaꞌipi ansianoꞌsaꞌ inaquë nani niyontonpi.

Gálatas 1:19

Naporoꞌ Santiacontaꞌ nohuitërahuë. Quisocristo iin inasoꞌ. Inapitasáchin nontërahuë. Aꞌnapita caꞌtanoꞌsasoꞌ co niꞌnahuëꞌ.

Gálatas 2:9

Santiaco, Pitro, Coansha, inapitasoꞌ chini chiníquën nanantopi niꞌton, shaꞌhuitërinacoi. “Yosë naꞌcon catahuarinquën. Ina acorinquën nisha piyapiꞌsaꞌ aꞌchintacaso marëꞌ,” taꞌtonaꞌ, sëꞌquërinaco. Pirnapintaꞌ sëꞌquëpi. “Canpitasoꞌ nisha piyapiꞌsaꞌ aꞌchintocoꞌ. Quiyaso nipirinhuëꞌ cotioroꞌsaꞌ aꞌchintarai,” itohuachinacoira, “Noyahuaꞌ,” itërai.

Santiago 1:1

Ca Santiacoco ninshitaranquëmaꞌ, niꞌcoꞌ. ¿Noya canpitantaꞌ yaꞌhuaramaꞌ? Cantaꞌ isëquë noya yaꞌhuarahuë. Tata Yosë huaꞌanëntërinco niꞌton, Sinioro Quisocristoíchin natërahuë. Yaꞌipi cotioroꞌsanquëmaꞌ Quisocristo imaramasoꞌ ninshitaranquëmaꞌ. Canpitasoꞌ yanquëërahuatomaꞌ, nisha nisha parti yaꞌhuaramaꞌ. Yaꞌipi Yosë piyapinënpitanquëmaꞌ ninamasoꞌ ninshitaranquëmaꞌ.

Judas 1:1

Ca Cotasëco ninshitaranquëmaꞌ. Santiaco iinco casoꞌ. ¿Noyanquëmaꞌ canpitantaꞌ? Cantaꞌ noya yaꞌhuarahuë. Quisocristoíchin natërahuë. Ina acorinco pënëntaꞌhuaso marëꞌ. Quisocristo imaramasopita ninshitaranquëmaꞌ. Tata Yosë nohuanton, imaramaꞌ. Inasoꞌ naꞌcon nosororinquëmaꞌ. Quisocristo imaramaꞌ niꞌton, nóya aꞌpaiarinquëmaꞌ, nichaꞌësarinquëmaꞌ.