Mateo 10:27 - Chayahuita (Shahui)

²⁷ Iporasoꞌ co yaꞌipi piyapiꞌsaꞌ aꞌchintarahuëꞌ. Carayanquëma tërantaꞌ canpitaora quëparahuatënquëmaꞌ, naꞌcon aꞌchintaranquëmaꞌ. Aꞌna tahuëriso nipirinhuëꞌ yaꞌipi piyapi aꞌninquëchin shaꞌhuitocoꞌ nitochinaꞌ.

Mateo 10:27 ပူးပေါင်းရင်းမြစ်များ

Mateo 24:17

Pëinëma aipi yaꞌhuëhuatamaꞌ, ama maꞌshanëmapita quëpacaso marëꞌ yaꞌconcosohuëꞌ. Aꞌnaroáchin topinan taꞌacoꞌ.

Lucas 12:3

Tashiꞌ napopiramahuëꞌ, naporamasoꞌ tahuëri anitotapi. Pëiꞌ acoana nisacarotopiramahuëꞌ, aꞌna tahuërisoꞌ, naporamasoꞌ aꞌninquëchin shaꞌhuitapi. Yaꞌipi piyapiꞌsaꞌ nitotapi huachi,” tënin.

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Juan 16:1

Coꞌhuara maꞌsha onpochátërasënquëmahuëꞌ, shaꞌhuitaranquëmaꞌ ama paꞌyanatomaꞌ aꞌpoamacoso marëhuëꞌ.

Juan 16:13

Nipirinhuëꞌ, Ispirito Santo oꞌmahuachin, yaꞌipi nanamëhuë aꞌchintarinquëmaꞌ. Noꞌtëquën anitotarinquëmaꞌ. Co inaora yonquirinsoꞌ aꞌchintarinquëmahuëꞌ. Yosë yonquirinso chachin aꞌchintarinquëmaꞌ. Aꞌna tahuëri maꞌsha onpocaisontaꞌ anitotarinquëmaꞌ.

Juan 16:25

“Ma pochinsona nininsoꞌ nani aꞌchintëranquëmaꞌ. Aꞌna tahuëriso nipirinhuëꞌ co huachi ina pochin aꞌchintaranquëmahuëꞌ. Aꞌninquëchin tatahuë naporinsoꞌ shaꞌhuitaranquëmaꞌ.

Juan 16:29

—Iporasoꞌ co huachi ma pochinsona nininsoꞌ shaꞌhuitarancoihuëꞌ. Aꞌninquëchin nontarancoi niꞌton, aꞌnaroáchin natanai.

Hechos 17:17

Napoaton naꞌcon pënëntërin. Niyontonpiso pëiquë paꞌsahuaton, cotioroꞌsaꞌ aꞌchintërin. Cotioroꞌsa pochin chinotopisopitantaꞌ natanapi. Quisoso nanamën aꞌchintohuachina, ninontápi. Naporahuaton, nani tahuëriya cachiquë paꞌnin. Inaquë aꞌnaya aꞌnaya huëꞌpachinara, nontarin. Nisha piyapiꞌsantaꞌ natanapi.

Hechos 5:20

“Yosë chinotopiso peiquë pacoꞌ. Inaquë paꞌsahuatomaꞌ, piyapiꞌsaꞌ aꞌchintocoꞌ nasha pochin nanpicaiso marëꞌ,” itërin anquëniri.

Hechos 5:28

—Nani pënënatënquëmaꞌ: “Ama huachi Quisoso nanamën aꞌchincosohuëꞌ,” itopiranquëmahuëꞌ, aquë aquëtëꞌ aꞌchinaramaꞌ. Yaꞌipi Quirosarinquë yaꞌhuëpisopita natanapi. Inapoatomaꞌ, Quisoso chimininso marëꞌ naꞌintaramacoi, itërin.

2 Corintios 3:12

“Inaso co taꞌhuantarinhuëꞌ,” taꞌtoi, inasáchin aꞌchinarai. Co tëꞌhuatoihuëꞌ, yaꞌipi parti aꞌchinarai.