Mateo 10:25 - Chayahuita (Shahui)

²⁵ Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 10:25 ပူးပေါင်းရင်းမြစ်များ

Mateo 12:24

Parisioroꞌsariso nipirinhuëꞌ, co natëpihuëꞌ: “Sopairoꞌsaꞌ huaꞌan Piirsipo itopisoari catahuarin niꞌton, nanitaparin sopairoꞌsaꞌ aꞌpacasoꞌ. Co inari catahuarinhuëꞌ naporini, co nanichitonhuëꞌ,” topi.

Mateo 12:27

‘Piirsipo catahuarinquën,’ itopiramacohuëꞌ, co noꞌtëquën yonquiramahuëꞌ. Co ina catahuarincohuëꞌ. Aꞌnaquën aꞌchintëramasoarintaꞌ sopairoꞌsaꞌ yaaꞌpapi. Satanasë catahuarinco niꞌquëhuarëꞌ, inapitantaꞌ inari catahuarin. Inapita natancoꞌ macarisoꞌ catahuarinsoꞌ shaꞌhuichinquëmaꞌ.

Mateo 9:34

Parisioroꞌsaso nipirinhuëꞌ, co yanatëpihuëꞌ. —Sopai huaꞌani catahuarin niꞌton, nanitërin sopairoꞌsaꞌ aꞌpacasoꞌ, toconpi.

Marcos 10:39

—Ahuantarai, itopi cato chachin. —¡Naporinchi paya! Ca pochin mini canpitantaꞌ main oꞌorëso pochin parisitaramaꞌ. Iꞌquë yaꞌcoitërëso pochin parisitaramaꞌ.

Marcos 3:22

Cotio maistroꞌsantaꞌ Quirosarin quëran oꞌmarahuatonaꞌ, taponaꞌ: “Sopai huaꞌan Piirsipo itopisori yaꞌcoancantërin niꞌton, nani maꞌsha nanitaparin. Inari chiníquën nanan quëtërin sopairoꞌsaꞌ aꞌpacaso marëꞌ,” toconpi.

Lucas 11:15

Aꞌnaquënso nipirinhuëꞌ nisha yonquipi. “Sopairoꞌsaꞌ huaꞌanën Piirsipo itopisoari catahuarin niꞌton, nanitaparin sopai aꞌpacasoꞌ,” toconpi.

Lucas 11:19

Aꞌnaquën aꞌchintëramasoarintaꞌ sopairoꞌsaꞌ yaaꞌpapi. Piirsipo catahuarinco tënamaꞌ niꞌquëhuarëꞌ, inapitantaꞌ inari catahuarin. Napoaton inapita natanpatamaꞌ, co noꞌtëquën yonquiatomahuëꞌ naporamaso shaꞌhuitarinquëmaꞌ.

Juan 10:20

—Sopairi nani yaꞌcoancantërin niꞌton, huaꞌyantërin. ¿Maꞌmarëta natanamaꞌ? topi aꞌnaquën.

Juan 7:20

—¡Quëmasoꞌ sopai yaꞌcoancantërinquën niꞌton, huaꞌyantëran! ¿Intaꞌ yatëparinquën? itopi.

Juan 8:48

Ina natanahuatonaꞌ huaꞌanoꞌsari itantapi: —¿Coꞌta quëmasoꞌ Samaria piyapinquën? tënai. “Sopai yaꞌcoancantërinquën niꞌton, huaꞌyantëran,” topatëira, noꞌtëquën napotërainquën, itopi.

Juan 8:52

—Sopai mini nani yaꞌcoancantërinquën. Co huachi yonquiranhuëꞌ. Apraan nani chiminin. Pënëntonaꞌpiroꞌsantaꞌ chiminpi antaꞌ. Quëmaso nipirinhuëꞌ: “Natëhuatamaco, co chiminaramahuëꞌ,” itërancoi.