Mateo 10:22 - Chayahuita (Shahui)

²² Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 10:22 ပူးပေါင်းရင်းမြစ်များ

Mateo 10:39

Noya nanpicamasoáchin yonquihuatamaꞌ, topinan quëran nanpiaramaꞌ. Chiminpatamaꞌ, parisitomiataramaꞌ. Nipirinhuëꞌ, imaramacoso marëꞌ aparisitohuachinënquëmaꞌ, noya cancantocoꞌ. Tëpapirinënquëmaontaꞌ, noya noya nanpimiatontaramaꞌ,” itërin.

Mateo 24:13

Canpitaso nipirinhuëꞌ noya ahuantocoꞌ. Co aꞌpohuatamacohuëꞌ, noya nichaꞌësaranquëma huachi.

Mateo 24:9

“Naporoꞌ tahuëriꞌsaꞌ co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Nisha nisha piyapiꞌsaꞌ noꞌhuiarinënquëmaꞌ. Aꞌnaquëmaꞌ tëpararinënquëmaꞌ.

Mateo 5:11

Imaramacoso marëꞌ aꞌnaquën noꞌhuiarinënquëmaꞌ, ahuëarinënquëmaꞌ, pinosarinënquëmaꞌ, nisha nisha nonpinapiarinënquëmaꞌ. Napotopirinënquëmahuëꞌ, ama sëtocosohuëꞌ. Ina marëꞌ Yosë noya niꞌsarinquëmaꞌ niꞌton, nóya cancantocoꞌ.

Marcos 13:13

Imaramaco niꞌton, yaꞌipi piyapiꞌsaꞌ noꞌhuiarinënquëmaꞌ. Napoaponahuëꞌ, chiminaquë huarëꞌ imamiatohuatamaco, chaꞌësarama huachi.

Lucas 21:17

Imaramacoso marëꞌ naꞌa piyapiꞌsaꞌ noꞌhuiarinënquëmaꞌ.

Lucas 21:19

Noya imamiatohuatamaco, chaꞌësaramaꞌ.

Lucas 6:22

Yosë quëran quëmapico niꞌto, imaramaco. Imaramacoso marëꞌ aꞌnaquën noꞌhuiarinënquëmaꞌ. Co huachi quëꞌyarinënquëmahuëꞌ. Pinosarinënquëmaꞌ. Nonpinapiarinënquëmaꞌ. Napotopirinënquëmahuëꞌ, ama sëtocosohuëꞌ. Ina marëꞌ Yosë noya niꞌsarinquëma niꞌton, nóya cancantocoꞌ.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Juan 17:14

Quëma nanamën chachin nani aꞌchintërahuë. Co imarinacosopitarihuëꞌ noꞌhuipi. Co inapita pochin cancantopihuëꞌ niꞌton, noꞌhuipi. Cantaꞌ co inapita pochin cancantërahuëꞌ.

Juan 7:7

Canpitasoꞌ piyapiꞌsaꞌ co noꞌhuirinënquëmahuëꞌ. Caso nipirinhuëꞌ noꞌhuirinaco. “Co noyahuëꞌ ninamaꞌ,” itërahuëso marëꞌ noꞌhuirinaco.

Hechos 9:16

Nanamëhuë aꞌchininso marëꞌ naꞌcon parisitapon. Inantaꞌ cari anitotarahuë,” itërin Quisosori.

Romanos 2:7

Noyasáchin nipatëhuaꞌ, noya niꞌsarinpoaꞌ. Yosë yonquiatëhuaꞌ, noya acoinpoaso marëꞌ naꞌcon nohuantohuatëhuaꞌ, ananpitaantarinpoaꞌ. Inarëꞌquënpoaꞌ yaꞌhuëmiatarihuaꞌ.

2 Corintios 4:11

Quisocristo nanamën aꞌchinaiso marëꞌ yatëparinacoi. Quiyaora co nanitopiraihuëꞌ, nani tahuëri ina achinicancanincoi ina pochachin yonquicaꞌhuaiso marëꞌ. Ipora huantaꞌ nanpitoi, Quisocristo pochin cancantarai.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Hebreos 3:14

Iráca Quisocristo natërëhuaꞌ. Chiminaquë huarëꞌ noya imahuaꞌ. Co aꞌpohuatëhuahuëꞌ, Quisocristorëꞌquënpoaꞌ yaꞌhuëcontarihuaꞌ.

Hebreos 6:11

Chiníquën cancantatomaꞌ, yaꞌipinquëmaꞌ imamiatocoꞌ. “Yosë co naniantarinpoahuëꞌ. Aꞌna tahuëri yaꞌhuërinꞌpaꞌ quëpantarinpoaꞌ,” taꞌtomaꞌ, chiminaquë huarëꞌ nóya imacoꞌ.

Santiago 1:12

Yaꞌipinpoaꞌ maꞌsha onporëhuaꞌ. Caniorëhuaꞌ, parisitërëhuaꞌ, naporëhuaꞌ. Noya ahuantohuatëhuaꞌ, nóya cancantarihuaꞌ. “Parisitaponaraihuëꞌ, nóya imasarinaco,” taꞌton, Yosë noya niꞌsarinpoaꞌ. Ina marëꞌ inápaquë noya acanararinpoaꞌ. Nanpimiatarihuaꞌ. “Tëhuënchachin nosorohuatamaco, ananpitaantaranquëmaꞌ,” itërinpoaꞌ. Shaꞌhuitërinpoaꞌ niꞌton, co onporontaꞌ nonpintarinpoahuëꞌ.

1 Juan 3:13

Napoaton iyaroꞌsaꞌ co natëpisopitahuëꞌ noꞌhuihuachinënquëmaꞌ, ama paꞌyancosohuëꞌ.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 2:26

Sopai minsëhuatamaꞌ, aꞌna tahuëri chiníquën nanan quëtaranquëmaꞌ. Ayaroꞌ tahuëriquë huarëꞌ natëhuatamaco, catahuaramaco nisha nisha piyapiꞌsaꞌ huaꞌanëntaꞌhuaso marëꞌ.

Apocalipsis 2:3

Imaramacoso marëꞌ aparisitopirinënquëmahuëꞌ, ahuantëramaꞌ. Co yaaꞌporamacohuëꞌ. Ina marëꞌ noya niꞌnanquëmaꞌ.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.

Apocalipsis 3:21

Nani sopai minsërahuato, Tata Yosëꞌpaꞌ yaꞌhuarahuë. Yaꞌipiya huaꞌanëntarai. Canpitantaꞌ sopai minsëhuatamaꞌ, Yosëꞌpaꞌ noya acoaranquëmaꞌ. Canpitaroꞌco huaꞌanëntarahuë.