Mateo 1:6 - Chayahuita (Shahui)

⁶ Quisintaꞌ huiꞌnahuanpachina, Tapi itopi. Inasoꞌ copirno yaꞌconin. Ina quëran Oriasëcoꞌ saꞌin masahuaton, huiꞌnahuanin. Saromon itopi.

Mateo 1:6 ပူးပေါင်းရင်းမြစ်များ

2 Samuel 11:3

Ina niꞌsahuaton, nohuitacaso marëꞌ piyapinënpita aꞌparin. Inapitaso huëantarahuatonaꞌ, itaponaꞌ: “Inasoꞌ sanapi Iriamo huiꞌnin Pitisapi itopi. Soꞌionta Oriasë itopi. Inasoꞌ, Iti piyapi,” itiipi.

2 Samuel 23:1

Isoíchin huachi Tapi ocoiaton, cantarin: “Caso Quisi huiꞌninco: Tapi itërinaco. Napoyaconpirahuëꞌ, Yosë noya noya acorinco. Yosë chachin huayoninco copirno yaꞌconahuë. Inasoꞌ, tata masho Cacopocorintaꞌ, chinotërin. Ca mini yashi yashin cantanaꞌpi Israiroco. Iso pochin acoarahuë natancoꞌ:

Salmos 72:20

Isëquë huarëꞌ Tapi Yosë nontërinsopita taꞌhuantërin. Inasoꞌ, Quisi huiꞌnin.

Isaías 11:1

Nara motoꞌ itëquën quëran pichopitahuaton papotaantarinso pochin aꞌna tahuëri Quisi shiin copirno yaꞌconaton, huaꞌanëntapon.

Mateo 1:5

Sarëmon yasaꞌapachina, Nacapa manin. Huiꞌnin yaꞌhuëtohuachina, Pooso itopi. Poososoꞌ Rota macaton, huiꞌnahuanin. Opito itopi. Opitontaꞌ huiꞌnahuanpachina, Quisi itopi.

Romanos 8:3

Iráca Yosë pënënpirinpoahuëꞌ. Co noyahuëꞌ cancantatëhuaꞌ, co nanitërëhuahuëꞌ noꞌtëquën natëcasoꞌ. Ina quëran huiꞌnin chachin isoroꞌpaquë aꞌpaimarin. Piyapi chachin nasitimarin. Co oshahuanaponahuëꞌ, oshanënpoaꞌ inquitinpoaso marëꞌ chiminin. Inapoaton, nichaꞌërinpoaꞌ ama huachi anaꞌintinpoaso marëhuëꞌ.

1 Samuel 16:1

Aꞌna tahuëri Siniorori Samoiro itapon: —¡Noya huachi! ¡Ama aquëtë Saono yonquiaton sëtáquësohuëꞌ! Co huachi nohuantërahuëꞌ inari israiroꞌsa huaꞌanëntápasoꞌ. Ohuaca pomonquë ca marëꞌ toma nininsoꞌ taꞌpanconquëꞌ. Inaporahuaton Quisi itopisoꞌ pëinënquë paquëꞌ. Inasoꞌ, Pirinquë yaꞌhuërin. Ina huiꞌninpita quëran, aꞌnara copirno nicacaso marëꞌ nani huayonahuë. Quëmari tomaquë opomototahuaton acoaran, itërin.

1 Samuel 17:12

Shaꞌhuitëranquëmaso chachin Pirin ninanoquë aꞌnara Israiro quëmapi yaꞌhuërin. Inasoꞌ, Quisi itopi. Saono copirno nicasoꞌ, inasoꞌ nani másho ninin. Posa huiꞌninpita yaꞌhuëtërin. Aꞌnasoꞌ, Tapi itërin.

1 Samuel 17:58

Quëꞌcanconpachina, inari natanin: —Shaꞌhuitoco huiꞌnapi ¿Inta quëmaso tata? itërin. —Quëmasoꞌ sinioro copirno, chiníquën nanantëran. Caso tatahuë, Quisi itopi. Inasoꞌ, quëma piyapinën pochin ninin. Pirinquë yaꞌhuërin, itërin Tapiri.