Mateo 1:22 - Chayahuita (Shahui)

²² Iráca Yosë nohuanton, pënëntonaꞌpi ninorin. Ninoton, Yosë quiricanënquë chachin ninshitërin:

Mateo 1:22 ပူးပေါင်းရင်းမြစ်များ

1 Reyes 8:15

“¡Ma noyacha Sinioroso paya! Inasoꞌ, israiroꞌsanpoa chinotërëhuaꞌ. Tata Tapico shaꞌhuitërinso chachin nani acotërinpoaꞌ. Inari iráca shaꞌhuitërin:

1 Reyes 8:24

Ina pochinquën niꞌton, tatahuërëꞌquën anoyatëran. Anoyataton shaꞌhuitëran: ‘Huiꞌnan yaꞌhuërëtarinquënsoꞌ, chinotamacoso pëi nitarinco,’ itëran. Inasoꞌ natërinquën niꞌton, shaꞌhuitëranso chachin nani nanirin.

Esdras 1:1

Pirsia copirno Siro itopisoꞌ, aꞌna piꞌipira huaꞌanëntarin. Naporoꞌ Irimiasë quëran Sinioro shaꞌhuirinsoꞌ nanicaso marëꞌ, Siroso nanan aꞌparin. Yaꞌipi huaꞌanëntërinquë nitotacaiso marëꞌ iso pochin ninshitahuaton aꞌparin:

Mateo 12:17

Iráca Quisoso ninoton, Isaiasë ninshitërin. Yosë yonquirinso chachin ninshitaton, naporin:

Mateo 13:21

co cancanëna quëran huarëꞌ natëpihuëꞌ. Co chiníquën cancantatonaraihuëꞌ, co natëmiatopihuëꞌ. Maꞌsha onpohuachinara, aꞌnaroáchin yaaꞌpopi. Imapiso marëꞌ aparisitohuachinara, aꞌpopi huachi.

Mateo 13:35

Iráca pënëntonaꞌpiri ninoton, ninshitërin. “Piyapiꞌsaꞌ aꞌchintahuato, maꞌpochinsona nininsoꞌ aꞌchintarahuë. Isoroꞌpaꞌ ninin quëran huarëꞌ co piyapiꞌsaꞌ nitotopirinahuëꞌ, aꞌchintarahuë huachi,” tënin iráca ninoton. Naporinso chachin ina pochin Quisosori aꞌchintarin.

Mateo 2:15

Irotisë chiminaquë huarëꞌ inaquë yaꞌhuëpi. Iráca Yosë nohuanton, pënëntonaꞌpi ninorin: “Huiꞌnahuë Iquipitoꞌpaꞌ yacapatopirinhuëꞌ, ina quëran ocoiarahuë,” tënin Yosë. Huiꞌnin chachin Iquipitoquë yacapatohuachina, ninorinsoꞌ nanirin huachi.

Mateo 2:23

Inatohuaꞌ aꞌna ninanoꞌ yaꞌhuërin, Nasarito itopisoꞌ. Inaquë yaꞌhuërarin. Iráca pënëntonaꞌpiroꞌsaꞌ ninopi. “Cristo huëꞌpachin, Nasarito piyapi itaponaꞌ,” topi. Napoaton Yosë nohuanton, inaquë yaꞌhuaton, huiꞌnapitërin huachi.

Mateo 5:17

Ina quëran itaantarin: “Iráca Moisësë, pënëntonaꞌpiroꞌsaꞌ, inapita naꞌcon pënëntopi. Pënëntatonaꞌ, ninshitopi. Co ina naniantacasoꞌ yaꞌhuërinhuëꞌ, tënahuë. Yaꞌipi inapita ninopisoꞌ nanicaso marëꞌ oꞌmarahuë. Maꞌsona tapon naporinsopita noꞌtëquën shaꞌhuichinquëmaꞌ.

Mateo 8:17

Iráca Isaiasë ninoton, ninshitërin. “Caniopirëhuahuëꞌ, anoyatarinpoaꞌ. Canio inquitarinpoaꞌ,” tënin. Caniaꞌpiroꞌsaꞌ anoyatohuachina, ninorinsoꞌ nanirin huachi.

Lucas 21:22

Ina tahuëriꞌsaꞌ nanihuachin, naꞌcon parisitapi. Iráca Yosë quiricanënquë ninorinso chachin naporo huarëꞌ Yosëri chiníquën anaꞌintarin.

Lucas 24:44

—Nani iꞌhua chachin iyaroꞌsaꞌ shaꞌhuitëranquëmaꞌ. Yosë quiricanënquë naꞌcon ninorinaco. Moisësë, pënëntonaꞌpiroꞌsaꞌ, inapita ninorinaco. Sarmoquëntaꞌ ninshitopi. Yaꞌipi iráca ninorinacosopita nanicasoꞌ yaꞌhuërin niꞌton, iso tahuëriꞌsaꞌ ina pochin ninahuë, itërin.

Juan 10:35

Yosëri chachin huaꞌanoꞌsaꞌ acorinsoꞌ yonquiaton, napotërin. Yaꞌipi Yosë quiricanënsoꞌ noꞌtëquën. Co piꞌpisha tërantaꞌ nonpininhuëꞌ.

Juan 15:25

Iráca Yosë quiricanënquë ninshitopi. ‘Topinan quëran noꞌhuirinaco,’ tënin ninshitaton. Iporasoꞌ naporinso chachin topinan quëran noꞌhuiarinaco.

Juan 17:12

Inapitaroꞌco yaꞌhuasoco, quëma nanamën aꞌchintërahuë, pënënahuë, naꞌcon catahuarahuë imamiatinacoso marëꞌ. Noya aꞌpairahuë. Co aꞌnaya tërantaꞌ aꞌpoarinacohuëꞌ. Aꞌnaíchin pipirin, parisitopiquë pacacasoꞌ yaꞌhuërinsoꞌ. Quëma quiricanënquë ninoranso chachin nanirin.

Juan 18:9

Achin Yosë nontaton, itërin: “Quëma nohuanton, isopita imasarinaco. Noya aꞌpaiarahuë. Co aꞌnaya tërantaꞌ aꞌpoarinacohuëꞌ,” itërin. Ina nanicaso marëꞌ: “Tananpitocoꞌ paꞌinaꞌ,” itërin.

Hechos 3:18

Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin.

Romanos 1:2

Coꞌhuara Quisocristo oꞌmayatërasohuëꞌ, ina nanan chachin Yosë shaꞌhuitërinpoaꞌ. Quiricanën quëran anitotërinpoaꞌ, iráca ninshitopisoꞌ. Ina nohuanton, naꞌa pënëntonaꞌpiroꞌsaꞌ ninopi.

Apocalipsis 17:17

Yosë nohuanton, copirnoroꞌsaꞌ yonquiapi maꞌsha tëꞌhuatoroꞌ nininsoꞌ natëcaiso marëꞌ. Napopianachin yonquiatonaꞌ, co noya sanapihuëꞌ nininsoꞌ ataꞌhuantapi. Yosë nohuantërinso chachin nisapi.