Mateo 1:20 - Chayahuita (Shahui)

²⁰ Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 1:20 ပူးပေါင်းရင်းမြစ်များ

Génesis 31:11

Naporo chachin Yosë anquëninën përarinco: “¡Cacopo!” itërinco. Itohuachincora: “Isëquë nisarahuë,” itërahuë.

Génesis 46:3

—Caso Yosëco. Tataparionta chinotërinco. Iquipitoquë paꞌmacaso marëꞌ ama tëꞌhuaquësohuëꞌ. Inaquë shiparinpita naꞌatonaꞌ, panca nacion ocoiaponaꞌ.

1 Reyes 17:13

—Ama imoya paꞌyanquësohuëꞌ. Paaton naporanso chachin anpiontaquëꞌ. Napoaponahuëꞌ, caꞌton anpitahuatonco quëshico caꞌi. Ina piquëran canpitantaꞌ, capamaso marëꞌ anpiantaquëꞌ.

1 Reyes 3:5

Naporo tashi chachin Siniorori huëꞌënquë yaꞌnotahuaton itapon: “Maꞌsona nohuantëransoꞌ natanco acochinquën,” itërin.

Isaías 7:13

Naporoꞌ Isaiasëso taantapon: “Tapi copirno shinpitanquëma huaꞌan yaꞌconamasoꞌ, noya natancoꞌ. Canpitaso piyapiꞌsa maꞌsha onpotatomaꞌ, apinamaꞌ. ‘Co ina nanirinhuëꞌ,’ tënëso pochin cancantatomaꞌ, ¿Yosë chachinta yaapinamaꞌ ti?

Isaías 7:2

Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Jeremías 31:22

Huiꞌnama nimintatohuachin, patë patë́rantapon. Canpitanta israiroꞌsanquëma inaporapiramahuëꞌ, ¡copi toco huachi! Ca Sinioroco nasha nininsoꞌ isoroꞌpaquë acoarahuë. Naporahuësoꞌ natanpatamaꞌ, co natëtochináchinhuëꞌ cancantaramaꞌ,’ itërahuë,” tënin.

Joel 2:28

Naquëranchin Sinioro taantarin: “Ina tahuëriꞌsa naꞌhuërinso piquëran, ispiritonëhuë yaꞌipi piyapinëhuëpita ayaꞌcoancantarahuë. Inapotohuato, huiꞌnamapita quëmapiꞌsaꞌ, sanapiꞌsaꞌ, yonquirahuëso shaꞌhuiponaꞌ. Mashoyaroꞌsanta huaꞌnataponaꞌ. Huiꞌnapiꞌsanta huaꞌnarëso pochin aꞌnotërahuësoꞌ, niꞌsapi.

Mateo 1:18

Apira Quisocristo nasitërinsoꞌ shaꞌhuichinquëmaꞌ, nitotocoꞌ. Naporo tahuëriꞌsaꞌ Cosisoꞌ, nani Maria nontërin macacaso marëꞌ. Napoaponahuëꞌ coꞌhuara mashatërasohuëꞌ, Ispirito Santo nohuanton inaora cayorin.

Mateo 2:12

Ina quëran tashiꞌ huëꞌësoiꞌ, Yosë nohuanton, huaꞌnapi. —Ama copirno yaꞌhuërinquë pantatomaꞌ, shaꞌhuitocosohuëꞌ, itërin anquëniri. Napoaton aꞌna ira paꞌtahuatonaꞌ, yaꞌhuëpiꞌpaꞌ canconpi huachi.

Mateo 2:13

Tayora nitotonaꞌpiroꞌsaꞌ paꞌpachinara, Yosë anquëninëni huëꞌënquë Cosi yaꞌnotahuaton itapon: —Copirno nani chinotërin huaꞌhuasha tëpacaso marëꞌ. Apira sontaroꞌsaꞌ aꞌpararin ina yonicaiso marëꞌ. Napoaton aꞌnaroáchin ichitaꞌaquëꞌ. Aꞌshinë chachin Iquipitoꞌpaꞌ quëpaquëꞌ. Inaquë yacapatëquëꞌ. Noya huënantacasoꞌ nipachin, shaꞌhuitantaranquën, itërin anquëniri.

Mateo 2:19

Naporoꞌ Cosisoꞌ Iquipitoquë yacapatarin. Irotisë chiminpachina, Yosë anquëninëni yaꞌnotantarin. Huaꞌnarinso pochin Cosiri quënanin.

Mateo 2:22

Canconahuaton, nanan natantërin. “Irotisë huiꞌnin yaꞌhuërëꞌ huaꞌanëntantarin. Ariquirao itopisoari paꞌpin yaꞌhuërëtërin,” topi, natantërin. Ina tëꞌhuataton, co nohuantërinhuëꞌ inatohuaꞌ yaꞌhuëcasoꞌ. Naporahuaton, huaꞌnantarin. —Ama copirno yaꞌhuërinquë chachin panantaquësohuëꞌ, itërin anquëniri. Ina natanahuaton, Cariria parti paꞌnin yaꞌhuëcaso marëꞌ.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Mateo 28:5

Ina quëran sanapiꞌsantaꞌ canquihuachinara, anquëniri itërin: —Ama paꞌyancosohuëꞌ. Quisoso corosëquë patanantopisoꞌ yonisaramasoꞌ, nitotërahuë.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 2:4

Cosisoꞌ Cariria parti yaꞌhuërin. Nasaritoquë yaꞌhuëpirinhuëꞌ, ina quëran pipirahuaton, Cotia parti paꞌnin. Inaquë canconahuaton, Pirinꞌpaꞌ paꞌnin. Iráca Tata masho Tapi inaquë huaꞌhuatërin. Ina shiin niꞌton, inaquë paꞌnin nininën niacotacaso marëꞌ.

Hechos 5:19

Yono tashiꞌ Sinioro anquëninën huëꞌsahuaton, yaꞌcoana iꞌsoatiirin. Caꞌtanoꞌsaꞌ aipiran quëparahuaton, shaꞌhuitërin:

Apocalipsis 19:7

Huëcoꞌ capa cancantahuaꞌ. Noya cancantahuaꞌ. Inasáchin noya noya niꞌton, natëahuaꞌ. Nani ora nanirin Carniroaꞌhua saꞌarinso pochin nicacasoꞌ. Imapisopitarëꞌ yaꞌhuëmiatarin. Niꞌcoꞌ. Sanapi yasoꞌyahuachina, noyápiachin nitaparin. Inapochachin imapisopita nitapacancanpi.

Jueces 13:3

Napoaponahuëꞌ, Sinioro anquëninëni yaꞌnotahuaton, itapon: “Iꞌhuata imoya. Apira nanan shaꞌhuitaranquën noya natanquëꞌ. Quëmasoꞌ, co onporonta huaꞌhuanchinanhuëꞌ. Ina nipirinhuëꞌ, iporaso cayorahuaton quëmapiaꞌhuaya huaiaran.