Marcos 9:7 - Chayahuita (Shahui)

⁷ Naporoꞌ chitorori imotërin. Chitoroꞌ huáncana quëran Yosëri shaꞌhuitërinsoꞌ natanpi. “Isosoꞌ ca huiꞌnahuë, naꞌcon nosororahuësoꞌ. Ina natancoꞌ,” itërin.

Marcos 9:7 ပူးပေါင်းရင်းမြစ်များ

Salmos 2:7

Copirno acorinsonta pënëntaton: “Iporaso Sinioro yonquirinsoꞌ, shaꞌhuichinquëmaꞌ. Inachachin nontatonco: ‘Quëmasoꞌ huiꞌnahuënquën. Ipora acoranquën huaꞌanëntamaso marëꞌ.

Éxodo 24:16

Sinioro huënaráchin huënaráchin aꞌpininsoꞌ, Sinai motopi aꞌpintimarin. Saota tahuëri chitorori imotërin. Tahuëririnquësoꞌ, Siniorori Moisësë përarin.

Éxodo 40:34

Nani yaꞌipi tënihuachinara, chitorori Yosë chinotacaso marëꞌ nëꞌmëtë pëi ótënpisoꞌ, imotërin huachi. Yosë huënaratërinsontaꞌ, ina acoana noyá aꞌpintërin.

Daniel 7:13

Huëꞌëhuëquë inapita nicasoco, aꞌnanaya, aꞌnara quëmapi chitoro huáncana oꞌmararin. Oꞌmarahuaton Ansiano huënsëarinso yaꞌcariꞌ, paꞌnin. Ina quëran ayaꞌcaritopi huachi.

Mateo 27:43

“Yosë huiꞌninco chachin niꞌton, catahuarinco,” topirinhuëꞌ. Yacatahuahuachin, apiramiáchin nichaꞌëin, nitopi.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 3:17

Naporoꞌ inápa quëran Yosë noninsoꞌ natanpi. —Isosoꞌ ca huiꞌnahuë chachin, naꞌcon nosororahuësoꞌ. Noya niꞌnahuë, tënin.

Marcos 1:11

Naporoꞌ inápa quëran Yosëri itapon: “Quëmasoꞌ huiꞌnahuënquën chachin ninan. Naꞌcon nosoroatënquën, noya niꞌnanquën,” itërin.

Marcos 9:8

Napotaso chachin caꞌtanoꞌsanënpitari niꞌsapirinahuëꞌ, co aꞌnapitasoꞌ quënanpihuëꞌ. Quisosoráchin quënanpi.

Lucas 3:22

Ispirito Santo nëpë pochin nohuaraimarahuaton, Quisoso yaꞌcoancantomiatërin. Naporoꞌ inápa quëran Yosëri itërin: —Quëmasoꞌ huiꞌnahuënquën chachin ninan. Naꞌcon nosoroatënquën, nóya niꞌnanquën, itërin.

Juan 1:34

Cari niꞌnahuë. Napoaton nani nohuitato, shaꞌhuitaranquëmaꞌ. Iso quëmapi Yosë huiꞌnin, tënahuë,” itërin Coanshari.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

Juan 12:28

“Catahuaco Tata nohuantëranso nii. Ina quëran piyapiꞌsaꞌ nóya niꞌsarinënquën,” itërin, Yosë nontaton. Itohuachina, inápa quëran Yosëri itërin: “Nani catahuaranquën. Nohuantërahuëso ninan niꞌton, piyapiꞌsaꞌ nóya niꞌninaco. Iporasoꞌ catahuaantaranquën nohuantërahuëso nicacaso marëꞌ. Napoaton noya noya niꞌsarinaco,” itërin Yosëri.

Juan 19:7

—Iráca pënëntërinsoꞌ co natërinhuëꞌ niꞌton, chimiꞌin. Topinan piyapi niponahuëꞌ, “Yosë huiꞌninco,” toconin, itopi.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Juan 5:18

Chinoto tahuëri piyapi anoyatërin niꞌton, cotioroꞌsari yatëpapi. “ ‘Yosësoꞌ tatahuë chachin,’ topachina, Yosë pochachin niconin,” taꞌtonaꞌ, aquë aquëtëꞌ yatëpapi.

Juan 5:37

Tatahuë aꞌpaimarincosontaꞌ nani shaꞌhuitërinquëmaꞌ. Co onporontaꞌ noninsoꞌ natanchinamahuëꞌ. Co niꞌchinamahuëꞌ.

Juan 6:69

Nani natërainquën. Quëmasoꞌ noyasáchin ninan. Yosë aꞌpaimarinquën, tënai, itërin Simon Pitrori.

Juan 9:35

Huaꞌanoꞌsari ocoirinsoꞌ natantahuaton, Quisoso paꞌnin yonípon. Quënanconahuaton, itërin: —Quëmapi Yosë quëran oꞌmarinsoꞌ ¿natëran ti? itërin.

Hechos 1:9

Ina topachina, Yosëri inápaquë quëpantarin. Caꞌtanoꞌsanënpitari nicasoiꞌ, inápaquë pantarin. Nëꞌpërápirinahuëꞌ, chitorori imotërin. Co huachi quënanpihuëꞌ.

Hechos 7:37

Moisësëri chachin inapita itërin: “Aꞌna tahuëri Yosë nohuanton, aꞌna pënëntonaꞌpi yaꞌhuapon, ca pochin nininsoꞌ. Inantaꞌ Israiro quëmapi nisarin,” tënin.

Hechos 8:36

Nani aꞌchintohuachina, ira paꞌtapona pochin iiꞌ quënanconpi. —Niꞌquëꞌ iyasha. Iiꞌ yaꞌhuërin. Cantaꞌ aporintoco, topirahuëꞌ, itërin huaꞌani. [

Romanos 1:4

Yosë pochachin niꞌton, noyasáchin ninin. Chiminpirinhuëꞌ, Yosëri ananpitaantarin. “Inasoꞌ tëhuënchachin Yosë huiꞌnin. Chini chiníquën nanantarin,” tënëhuaꞌ. Ananpitaantarin niꞌton, nitotërëhuaꞌ. Quisocristo chachin huaꞌanëntërinpoaꞌ niꞌton, “Sinioro” itërëhuaꞌ.

Hebreos 2:1

Nani noꞌtën nanan natanëhuaꞌ niꞌton, nanamën naꞌcon naꞌcon yonquiaꞌahuaꞌ, ama pëshonacaso marëhuëꞌ. Niꞌcona canpitantaꞌ ina naniantotamaꞌ.

2 Pedro 1:17

Quisocristoroꞌcoi aꞌna motopiꞌpaꞌ paꞌnai. Inaquë Yosë nohuanton, huënaráchin huënaráchin yaꞌnorin, niꞌnai. Naporo chachin inápa quëran Tata Yosë noninso natanai: “Isosoꞌ huiꞌnahuë, nosororahuësoꞌ. Nóya niꞌnahuë,” tënin. Yosë nohuanton, inaquë quënanatoi, natanai. Inapotatoncoi, Quisocristo chiníquën nanantërinsoꞌ anitotërincoi.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.

Apocalipsis 1:7

Niꞌcochi. Quisocristo oꞌmantararin. Aꞌna tahuëri chitororë chachin oꞌmantararin. Naporoꞌ yaꞌipi piyapiꞌsari niꞌsapi. Iráca ohuanpisopitarintaꞌ niꞌsapi. Nisha nisha piyapiꞌsaꞌ sëtatonaꞌ, naꞌnërapi. “¿Onpoatëhuacha co natërëhuahuë paya?” tosapi. Tëhuënchachin naporapi. Amen.