Marcos 9:5 - Chayahuita (Shahui)

^5-6 Ina niꞌsahuatonaꞌ, Pitro, Santiaco, Coansha, cara chachin paꞌyanpi. Naꞌcon paꞌyanaton, Pitrori itapon: —¡Ma noyacha Maistro isëquë huëꞌnëhua paya! Cara imënamëaꞌhuaya nii, topirahuëꞌ, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, itërin. Napoaponahuëꞌ, co yonquiatonhuëꞌ naporin.

Marcos 9:5 ပူးပေါင်းရင်းမြစ်များ

Salmos 84:10

Huaranca tahuëri niquë yaꞌhuëpirahuëꞌ, co noya cancantarahuëꞌ. Aꞌna tahuëriíchin tëranta pëinën iꞌiratëquë nipato, noya noya cancantarahuë. Pëinën yaꞌcoananën aꞌpainaꞌpi nicaꞌhuasoꞌ, naꞌcon naꞌcon nohuanchitohuëꞌ. Co noyahuëꞌ nipisopita pëinënquë yaꞌhuëcaꞌhuasoso nipirinhuëꞌ, co nohuantërahuëꞌ.

Mateo 17:4

Ina niꞌsahuaton, Pitrori itërin: —¡Ma noya Sinioro isëquë huëꞌnëhuaꞌ! Nohuantohuatan, cara imënamëaꞌhuaya nii, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, topirahuëꞌ, itërin.

Mateo 23:7

Cachiquë paꞌpachinara, naꞌa piyapiꞌsari noya nontopi. ‘Huëꞌcama maistro,’ itohuachinara, paꞌyatopi.

Mateo 23:8

Canpitaso nipirinhuëꞌ, ama maistro itiinëmaso nohuantocosohuëꞌ. Yaꞌipinquëmaꞌ iyama pochin nisaramaꞌ. Casáchin noꞌtëquën aꞌchintëranquëmaꞌ.

Marcos 9:4

Aꞌnanaya Iniasë, Moisësë, inapita quënanpi. Iráca ayapirinahuëꞌ, Yosë nohuanton yaꞌnoantapi. Quisosorëꞌ ninontapi.

Lucas 9:33

Inapitasoꞌ yapanantahuachinara, Pitrori itapon: —¡Ma noyacha Maistro isëquë huëꞌnëhua paya! Cara imënamëaꞌhuaya nii, aꞌnaraꞌ quëma marëꞌ, aꞌnantaꞌ Moisësë marëꞌ, aꞌnantaꞌ Iniasë marëꞌ, topirahuëꞌ, itërin. Co yonquiatonhuëꞌ, napotërin.

Juan 4:31

Coꞌhuara canquiyatërasoihuëꞌ, Quisoso yaaꞌcapiraihuëꞌ. —Caꞌquëꞌ Maistro, itopiraihuëꞌ, co nohuantërinhuëꞌ.

Filipenses 1:23

¿Maꞌcha noya noya nicaya? tënahuë yonquiato. Co casoꞌ nitotërahuëꞌ. Aꞌna cancan nohuantërin chiminaꞌhuasoꞌ. Chiminpato, Quisocristoroꞌco yaꞌhuëcontarahuë. Inasoꞌ noya noya.

1 Juan 3:2

Naꞌcon, iyaroꞌsaꞌ, nosororanquëmaꞌ. Iporasoꞌ Yosë huiꞌninpita pochin niꞌninpoaꞌ. Aꞌna tahuëri noya noya acoarinpoaꞌ. Onpopinsona nicarihuaꞌ nimara. Co yaꞌipi nitochatërarëhuahuëꞌ. Nipirinhuëꞌ, Quisocristo oꞌmantahuachin, nirayarihuaꞌ. Ina niꞌpatëhuaꞌ, ina pochachin nicarihuaꞌ.