Marcos 9:35 - Chayahuita (Shahui)

³⁵ Napoaton inaquë huënsërahuaton: —Huëcoꞌ iyaroꞌsaꞌ shonca catonquëma chachin natanquico pënëinquëmaꞌ. Inquëmasonaꞌ chini chiníquën nanantamasoꞌ nohuantohuatamaꞌ, topinan piyapi pochin cancantatomaꞌ, yaꞌipi piyapiꞌsaꞌ catahuacoꞌ, itërin.

Marcos 9:35 ပူးပေါင်းရင်းမြစ်များ

Proverbios 13:10

“Caso noya noyaco,” topisopitasoꞌ, aꞌnaroáchin nanan ocoipi. Sano piyapiroꞌsaso nipirinhuëꞌ, yonquínahuan nicacaisoꞌ naꞌcon naꞌcon cancantopi.

Mateo 23:11

Yosë huëntonënquë yaꞌconpatëra, co chiníquën nanantacasoꞌ yaꞌhuërinhuëꞌ. Noya noya yanipatamaꞌ, yaꞌipi piyapiꞌsaꞌ catahuacoꞌ.

Marcos 9:36

Ina quëran huaꞌhuasha maimirarahuaton, huancánachin ahuanirin. Ina iporahuaton, caꞌtanoꞌsanënpita itapon:

Lucas 18:14

Ina oshanën inquitaton, Yosëri noya niꞌnin. Parisioso nipirinhuëꞌ, co noyahuëꞌ niꞌnin. Aꞌnapita nocanpatamaꞌ, aꞌna tahuëri Yosë atapanarinquëmaꞌ. Nipirinhuëꞌ: ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, noya acoarinquëmaꞌ,” tënin Quisoso.

Lucas 22:26

Canpitaso nipirinhuëꞌ ama ina pochin yonquicosohuëꞌ. Insosona chiníquën nanantacaso nohuantohuachin, aꞌnapita naꞌcon naꞌcon catahuacasoꞌ yaꞌhuërin. Huaꞌan yanipatamaꞌ, piyapimia pochin cancantocoꞌ.

Santiago 4:6

Sacaiꞌ Yosëíchin yonquicaso nipirinhuëꞌ, inari chachin inaora nohuanton catahuarinpoaꞌ ina pochin cancantacasoꞌ. “Caora noya ninahuë,” topatëhuaꞌ, co Yosë noya niꞌsarinpoahuëꞌ. Nipirinhuëꞌ, “Co caora nanitërahuëꞌ noya nicaꞌhuasoꞌ. Catahuaco Sinioro,” topatëhuaꞌ, Yosë catahuarinpoaꞌ. Nosoroatonpoaꞌ, catahuarinpoaꞌ, tënin Yosë quiricanënquë.