Marcos 9:32 - Chayahuita (Shahui)

³² Natanaponaraihuëꞌ, co natëtacaisoꞌ nanitopihuëꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton tëꞌhuatatonaꞌ, co nohuantopihuëꞌ natanacaisoꞌ.

Marcos 9:32 ပူးပေါင်းရင်းမြစ်များ

Marcos 16:14

Ina quëran shonca aꞌnara caꞌtanoꞌsanënpita misaquë coshatasoiꞌ, Quisosori yaꞌnotiirin. “¿Onpoatomataꞌ, iyaroꞌsaꞌ, co natëtëramahuëꞌ? Co natantochináchinhuëꞌ cancantërama nica. ‘Quisoso nani nanpiantarin. Cari niꞌnahuë,’ itopirinënquëmahuëꞌ, co natëtëramahuëꞌ,” itërin.

Marcos 7:18

—¿Co canpita tërantaꞌ nitochátëraramahuëꞌ ti? Inta nipachin, aꞌchintantaꞌinquëmaꞌ. Nani maꞌsha caꞌnëhuaso marëꞌ co ina marëꞌ oshahuanëhuahuëꞌ. Co cosharoꞌ cancanënpoaquë yaꞌconinhuëꞌ. Chiꞌchirinamënpoaquë yaꞌconin. Ina quëran inquiantarëꞌ. Napoaton yaꞌipi cosharoꞌ noya capacasoꞌ. Coshatërëhuaso marëꞌ co oshahuanëhuahuëꞌ, itërin.

Marcos 8:33

Quisososo nipirinhuëꞌ tahuërërahuaton, yaꞌipi caꞌtanoꞌsanënpita niꞌsarin. —¡Taꞌtëquëꞌ iyasha! Sopai nohuanton, napotëranco. Co Yosë pochin yonquiranhuëꞌ. Piyapinquën niꞌton, quëmaora nohuantëransoachin yonquiran, itërin.

Marcos 9:10

Napoaton co insontaꞌ shaꞌhuitopihuëꞌ. Inahua capini ninontapi. “¿Onporahuatontaꞌ nanpiantaponsoꞌ?” nitopi.

Lucas 18:34

Natanaponaraihuëꞌ, co nitotopihuëꞌ. Maꞌsona tapon naporinsoꞌ co yonquipihuëꞌ.

Lucas 2:50

Natanaponahuëꞌ, maꞌsona tapon naporinsoꞌ co nitotopihuëꞌ.

Lucas 24:45

Yosë quiricaquë naporinsopita aꞌchintaantarin. Aꞌchintaton, catahuarin noꞌtëquën yonquicaiso marëꞌ.

Lucas 9:45

Natanaponaraihuëꞌ, co nanitopihuëꞌ natëtacaisoꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton, tëꞌhuatatonaꞌ co nohuantopihuëꞌ natanacaisoꞌ.

Juan 12:16

Yosë quiricanën quëran ninorin. Caꞌtanoꞌsanënpitacoiso nipirinhuëꞌ, co ina yonquiraihuëꞌ. Quisoso nanpiantahuachina, naporo huarëꞌ yonquirai. “Mora aipi chachin huënsërahuaton, Quirosarinquë huëꞌnin,” tënai.

Juan 16:19

Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 4:27

Naporo chachin caꞌtanoꞌsanënpitacoi oꞌmantarai. Sanapi nontarin, quënanquimarai. “¿Maꞌmarëtaꞌ iso sanapi nontarin? ¿Maꞌtaꞌ nohuantërin?” taꞌtoi, yonquinëhuëi quëran paꞌyanpiraihuëꞌ, co natanaihuëꞌ.