Marcos 9:27 - Chayahuita (Shahui)

²⁷ Quisosori maimirarahuaton, opatohuachina, huanirin huachi.

Marcos 9:27 ပူးပေါင်းရင်းမြစ်များ

Isaías 41:13

Caso Sinioroco niꞌto, Yosënëmaco. Imirahuë quëran sëꞌquëatë pochin quëpáranquëmaꞌ. Napoaton: ‘Ama tëꞌhuacosohuëꞌ, catahuaranquëmaꞌ,’ itaranquëmaꞌ.

Mateo 9:25

Yaꞌipi piyapiꞌsaꞌ aipiran aꞌparahuaton, acoana chimipi yaꞌhuërinquë yaꞌconin. Maimirarahuaton, ananpitaantarin. Aꞌnaroáchin huanirin huachi.

Marcos 1:31

Inaquë paaparahuaton, maimirarahuaton, opatërin. Naporo chachin sapo otanotërin. Otanotahuaton, inari chachin aꞌcarin, oꞌshitërin, napotërin.

Marcos 1:41

Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.

Marcos 5:41

Maimirarahuaton, inaora nananquë: —Tarita comi, itërin. “Huënsëquëꞌ apiaꞌhua,” tapon napotërin.

Marcos 8:23

Itohuachinara, maimirarahuaton, ninano aipiran quëparin. Iroiquë pashirayatërin. Nani sëꞌhuarayarahuaton: —¿Maꞌtaꞌ iyasha quënanan? itërin.

Marcos 9:26

Napotohuachina, Sopai chiníquën “yai” tahuaton, huaꞌhuasha ahuaꞌyantaantarin. Inapotahuaton, chimipi pochin patërin. Napoaton: “Nani chiminin,” topirinahuëꞌ,

Marcos 9:28

Ina quëran Quisososoꞌ caꞌtanoꞌsanënpitarëachin pëiquë yaꞌconconpi. —¿Onpoatontaꞌ Maistro quiyarisoꞌ co nanitëraihuëꞌ inquitaꞌhuaisoꞌ? itopi.

Hechos 23:19

Capitan huaꞌani matanparahuaton, amashamiachin quëparin ama piyapiꞌsari natanacaiso marëhuëꞌ. —¿Maꞌtaꞌ yashaꞌhuitërancosoꞌ? itërin.

Hechos 3:7

Inchinan imira quëran masahuaton, ahuanirin. Aꞌnaroáchin caꞌyopirain nantërë chachin chinirin.

Hechos 9:41

Pitrori maimirarahuaton, ahuanirin. Ina quëran imapisopita, quëyoronoꞌsaꞌ inapita përarin. Huëꞌsahuatonaꞌ, nanpirin quënanquipi.