Marcos 9:25 - Chayahuita (Shahui)

²⁵ Naꞌa piyapiꞌsaꞌ niyontonquirapi niꞌsahuaton, aꞌnaroáchin sopai itapon: —Quëmasoꞌ sopainquën. Piyapi yaꞌcoancantohuatana, anëꞌhuëran. Napoaton carinquën napotaranquën. Iso huaꞌhuasha quëran pipirahuaton, ama huachi onporontaꞌ yaꞌcoancantantaquësohuëꞌ, itërin.

Marcos 9:25 ပူးပေါင်းရင်းမြစ်များ

Mateo 12:22

Ina quëran aꞌna quëmapi quëpi Quisosori anoyatacaso marëꞌ. Sopairi yaꞌcoancantërin niꞌton, co nanitërinhuëꞌ nonacasoꞌ. Co quënantacaso tërantaꞌ nanitërinhuëꞌ. Sopai aꞌparahuaton, aꞌnaroáchin anoyatërin. Noya niꞌtërin. Nonacasontaꞌ nanitërin huachi.

Mateo 17:18

Quëntahuachina, Quisosori sopai nontërin. “Iso huaꞌhuasha tananpitëquëꞌ. Pipimiatëquë huachi,” itohuachina, aꞌnaroáchin sopai pipirin. Huaꞌhuasha noyatërin huachi.

Marcos 9:15

Quisoso quënanahuatonaꞌ yaꞌipiya quëran taꞌarëꞌnachin nacapipi. Paꞌyatatona: “Iꞌhuata Maistro,” itoonpi.

Marcos 9:24

—Tëhuënchachin Sinioro natëpiranquënhuëꞌ. ¡Catahuaco noya noya natëinquën! itaantarin paꞌpini.

Marcos 9:26

Napotohuachina, Sopai chiníquën “yai” tahuaton, huaꞌhuasha ahuaꞌyantaantarin. Inapotahuaton, chimipi pochin patërin. Napoaton: “Nani chiminin,” topirinahuëꞌ,

Lucas 11:14

Ina quëran aꞌna quëmapi huëꞌnin. Sopairi yaꞌcoancantërin niꞌton, co nanitërinhuëꞌ nonacasoꞌ. Quisosori quënanahuaton, sopai aꞌpatërin. Nani aꞌpatohuachina, noya nonin huachi. Piyapiꞌsari nicatonaꞌ, paꞌyanpi. “¡Ma noyacha niꞌton, aꞌnaroáchin sopai aꞌparin paya!” topi.

Lucas 4:35

Itohuachina, Quisosori itërin: —¡Taꞌtëquëꞌ! Iso quëmapi quëran pipimiatëquëꞌ, itërin. Sopaisoꞌ quëmapi noꞌpaquë tëꞌyatahuaton, pipirin. Co mantaꞌ onpotërinhuëꞌ.

Lucas 4:41

Sopairi yaꞌcoancantërinsopitantaꞌ quëntapi. Quisosori nontohuachina, sopairoꞌsaꞌ pipipi. Yapipihuachinaꞌ, chiníquën nontapi. —Quëmasoꞌ Yosë huiꞌninquën, itopi. Yosëri aꞌpaimarinsoꞌ nitotatonaꞌ, napotopi. Napoaton Quisosori itapon: “Taꞌtëquëꞌ. Ama insontaꞌ shaꞌhuitëquësohuëꞌ,” itohuachina, taꞌtopi huachi.

Lucas 9:42

Inaquë quëntapirinhuëꞌ, noꞌpaquë sopairi ataatantarin. Apacoroantarin. Quisosori niꞌsahuaton, sopai itërin: “Huaꞌhuasha tananpitëquëꞌ. Pipimiatëquë huachi,” itërin. Aꞌnaroáchin sopai pipirin. Huaꞌhuasha noyatërin huachi. “Pëinënquë iyasha quëpantaquëꞌ,” itërin.

Hechos 16:18

Naꞌa tahuëri imatoncoi, naporárin. Pinatanaton, Paonosoꞌ noꞌhuitëriporin. Tahuërëtahuaton, sopai itapon: —Quisocristo nanan quëtërinco niꞌton, aꞌpaaranquën. ¡Iso sanapi quëran pipimiatëquëꞌ! itërin. Naporo chachin pipimiatërin.

Judas 1:9

Iráca Moisësë chiminpachina, Yosëri anquëni huaꞌan aꞌpaimarin nonën paꞌpitacaso marëꞌ. Miquiri itopisoꞌ. Sopairi yaosërëtohuachina, ninoꞌhuipi. Naporoꞌ anquëni chiníquën nanantaponahuëꞌ, co nohuantërinhuëꞌ sopai pinocasoꞌ. Co inaora anaꞌintacasoꞌ yonquirinhuëꞌ. “Sinioro anaꞌinchinquën,” itërin.