Marcos 9:22 - Chayahuita (Shahui)

²² Naꞌaroꞌ pënquë sopairi tëꞌyatërin. Iꞌquëntaꞌ tëꞌyaitërin tëpacaso marëꞌ. Nosorocoi, Sinioro. Nanitohuatan, anoyatëquëꞌ, itërin.

Marcos 9:22 ပူးပေါင်းရင်းမြစ်များ

Mateo 14:31

Aꞌnaroáchin Quisosori maimirarin. Oshirahuaton, ahuaniintarin: —Co yaꞌipi cancanën quëran natërancohuëꞌ niꞌton, acopoiꞌ paꞌsapiranhuëꞌ. ¿Onpoatontaꞌ co noya natërancohuëꞌ? itërin.

Mateo 17:15

—Huiꞌnahuë Sinioro nosorotoco. Chiníquën parisitarin. Sopai nohuanton, noꞌpaquë nitëꞌyatahuaton, saꞌpo saꞌpo niconin. Pacoro pacorotarin. Aꞌna tahuëri pënquë anotërin. Aꞌna tahuëri iꞌquë nitëꞌyaitërin. Naporárin.

Mateo 20:34

Itohuachinara, nosoroaton, sëꞌhuarayarin. Aꞌnaroáchin noya niꞌtopi. Inapotohuachina, Quisoso imapi huachi.

Mateo 8:2

Paꞌsapirinahuëꞌ, aꞌna caniaꞌpi huëꞌnin, chana caniori maninsoꞌ. Nacapirahuaton, Quisoso nantëntaquë isonin quëran, itapon: —Nohuantohuatan Sinioro, quëma nanitëran anoyatancosoꞌ. Anoyatoco topirahuëꞌ, itërin.

Mateo 9:28

Pëiquë canconahuatonaꞌ, Quisoso yaꞌconin. Somarayaroꞌsantaꞌ yaꞌconpachinara, Quisosori itërin: —Cari nanitato anoyatërahuësoꞌ ¿natëramaꞌ ipora ti? itërin. —Natërainquën mini Sinioro. Yaꞌipiya nanitaparan tënai, itopi.

Marcos 5:19

Quisososo nipirinhuëꞌ co nohuantërinhuëꞌ. —Yaꞌhuëranquë iyasha paantaquëꞌ. Quëmopinënpita shaꞌhuitonquëꞌ. “Sinioro noyá anoyatërinco. Naꞌcon nosororinco,” itëquëꞌ, itërin Quisosori.

Marcos 9:21

—¿Onporo quëran huarëtaꞌ huiꞌnan naporin? itërin. —Huaꞌhuatapon quëra huarëꞌ naporin.

Marcos 9:23

—“Nanitohuatan,” ¿itëranco ti? Yosë natëhuatëra, yaꞌipiya nanitaparëꞌ, itërin Quisosori.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.