Marcos 9:2 - Chayahuita (Shahui)

² Saota tahuëri quëran Quisoso motopiquë paꞌnin. Pitro, Santiaco, Coansha, inapitaráchin quëparin. Inapita nicasoiꞌ, nisha pochin yaꞌnorin.

Marcos 9:2 ပူးပေါင်းရင်းမြစ်များ

1 Reyes 18:33

Inaporahuaton artaro aipi ihuë acorin. Ina quëran toroaꞌhua tëparahuaton yaquirin. Inapotërinsopita ihuë aipi acorin.

1 Reyes 18:42

Napotohuachina paꞌsahuaton, coshatërin, oꞌorin, naporin. Iniasëso napoaponahuëꞌ, Carmiro motopi huiꞌnimotënꞌpaꞌ pantarin. Inaquë isonahuaton, toꞌtopitënënquë huarëꞌ yaꞌpirin paquëmarin.

Éxodo 24:13

Itohuachina Moisësësoꞌ, Cosoirë chachin pacacaiso marëꞌ huanipi. Naporo ansianoꞌsa itapon: —Oꞌmaꞌhuai huarëꞌ isëquëranchin ninatacoi. Aaron yaꞌhuëarin. Orinta yaꞌhuëarin. Inapita yaꞌhuapi niꞌton, catahuarinquëmaꞌ. Aꞌnaquëma nanan yaꞌhuëtohuachinquëmaꞌ, inapita shaꞌhuitoco catahuainquëma anoyatocoꞌ, itërin. Inapo shaꞌhuitahuaton cato chachin motopiꞌpaꞌ pantapi.

Isaías 33:17

Naquëranchin copirno noya noya yaꞌnorinso niantapomaꞌ. Naporosoꞌ, noꞌpanënpoa nanirinso paꞌpi áquë nisarin.

Isaías 53:2

Sinioro nohuanton piyapinën, co chiníquën nanantonaꞌpi pochin yaꞌnoarinhuëꞌ. Naraaꞌhuaya yaniroquë co noyatërinhuëꞌ. Inapochachin inantaꞌ, co noya noyatarinhuëꞌ.

Mateo 14:13

Coansha tëpapisoꞌ natantahuaton, Quisoso piyapiꞌsaꞌ patërin. Potiquë yaꞌconahuaton, co piyapi yaꞌhuërinquëhuëꞌ paꞌnin. Piyapiꞌsaꞌ natantahuatonaꞌ, imapi. Ira paꞌtatonaꞌ, inahuaꞌton canconpi.

Marcos 14:33

Pitro, Santiaco, Coansha, inapitaíchin amashamiachin quëparin. Naporoꞌ sëtaton, co napion cancantërin.

Marcos 16:12

Ina piquëran catoꞌ imapisopitantaꞌ ninano quëran pipiapi. Paaquëyaꞌ, Quisosori nisha pochin yaꞌnotërin.

Marcos 5:37

“Ama aꞌnapitasoꞌ huëꞌinasohuëꞌ,” topachina, Pitro, Santiaco, Coansha, inapitaráchin paꞌpi. Coanshasoꞌ Santiaco iin.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Romanos 12:2

Iporasoꞌ notohuaroꞌ piyapiꞌsaꞌ co Yosë natëpihuëꞌ. Maꞌsharáchin yonquiatonaꞌ, co Yosë yonquipihuëꞌ. Ama inapita nonancosohuëꞌ. Nani tahuëri Yosë nontocoꞌ yonquirinso chachin quëchinquëmaꞌ. Ina yonquihuatamaꞌ, nohuantërinso chachin anitotarinquëmaꞌ. Ina quëran noya noya cancantohuatamaꞌ, noya niꞌsarinquëmaꞌ.

2 Corintios 13:1

Nani catoroꞌ niꞌconanquëmaꞌ. Iporasoꞌ naquëranchin nicaponquëmaꞌ paꞌsarahuë. Yosë quiricanën quëran shaꞌhuitërinpoaꞌ. “Ama topinan quëran anaꞌintocosohuëꞌ. Natantacasoꞌ yaꞌhuërin. Catoꞌ piyapihuë nipon, cara piyapihuë nipon, inachachin shaꞌhuitohuachinpoaꞌ, naporo huarëꞌ anaꞌintacasoꞌ yaꞌhuërin,” topi. Napoaton paꞌpato, ina pochin natantarahuë noꞌtëquën nitotaꞌhuaso marëꞌ.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.