Marcos 9:18 - Chayahuita (Shahui)

¹⁸ Insëquësona sopairi mapachina, noꞌpaquë nitëꞌyatahuaton, saꞌpo saꞌpo niconin. Ninaquërarahuaton, pacororárin. Caꞌtanoꞌsanënpita natanpirahuëꞌ inquitacaiso marëꞌ, co nanitopihuëꞌ, itërin.

Marcos 9:18 ပူးပေါင်းရင်းမြစ်များ

Mateo 15:22

Naporoꞌ aꞌna Canaan sanapi inaquë yaꞌhuërinsoari huëcapairahuaton, chiníquën itapon: —¡Nosoroco, Sinioro! Quëmasoꞌ Tapicoꞌ shinquën niꞌton, Yosë chachin acorinquën piyapiꞌsaꞌ catahuamaso marëꞌ tënahuë. Huaꞌhuahuë parisitárin. Sopairi yaꞌcoancantaton, chiníquën aparisitarin. Inquitoco, topirahuëꞌ, itërin.

Mateo 17:16

Caꞌtanoꞌsanënpita shaꞌhuitato: “Sopai inquitocoꞌ,” itopirahuëꞌ, co nanitopihuëꞌ, itërin.

Mateo 8:12

Aꞌnaquëmaso nipirinhuëꞌ, “Quiyantaꞌ Yosë piyapinënpitacoi,” topiramahuëꞌ, co natëramahuëꞌ niꞌton, co huaꞌanëntërinquë yaꞌconaramahuëꞌ. Tashinanquë tëꞌyatarinquëmaꞌ. Inaquë naꞌnëaramaꞌ, chiníquën parisitarama huachi, itërin Quisosori.

Marcos 11:23

Inasoꞌ, yaꞌipi nanitaparin. Ina nontohuatamaꞌ, chiníquën natëcoꞌ: “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, catahuarinquëmaꞌ. “Yosë nohuanton, iso motopi marëquë nichiꞌhuincain,” tënamaꞌ naporini, ina nohuanton nichiꞌhuincaitonhuëꞌ.

Marcos 9:17

Aꞌna quëmapiri itapon: —Huiꞌnahuë Maistro quënahuë, anoyatoco topirahuëꞌ. Sopairi yaꞌcoancantërin niꞌton, co huachi nanitërinhuëꞌ nonacasoꞌ.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Marcos 9:20

Napohuachina, quëshipi. Quisoso quënanahuaton, sopai noꞌhuitaton, huaꞌhuasha ahuaꞌyantërin. Noꞌpaquë atatahuaton, asocoro asocorotarin. Saꞌpo saꞌpo niconin.

Marcos 9:26

Napotohuachina, Sopai chiníquën “yai” tahuaton, huaꞌhuasha ahuaꞌyantaantarin. Inapotahuaton, chimipi pochin patërin. Napoaton: “Nani chiminin,” topirinahuëꞌ,

Hechos 7:54

Natanahuatonaꞌ, chiníquën noꞌhuitonaꞌ, yatëpapi.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.