Marcos 9:12 - Chayahuita (Shahui)

^12-13 —Noꞌtëquën napopi. “Yosë nanamën ayonquiantacaso marëꞌ huëantapon,” tënin pënëntonaꞌpi. Naporinso chachin. Nani mini huëantapirinhuëꞌ, co nohuitopihuëꞌ. Co yanatanatonahuëꞌ, inahuara yonquinëna quëran noꞌhuipi. Yosë quiricanënquë naporinso chachin nitopi. Cantaꞌ Yosë quëran quëmapico niporahuëꞌ, inapochachin noꞌhuiarinaco. Aparisitarinaco. Yosë quiricanënquë iráca ninorin niꞌton, parisitaꞌhuasoꞌ yaꞌhuërin, itërin Quisosori.

Marcos 9:12 ပူးပေါင်းရင်းမြစ်များ

Isaías 49:7

Siniorosoꞌ nichaꞌëtonaꞌpi. Siniorosoꞌ noyasáchin ninin niꞌton, Israirori chinotërin. Ina chachin piyapinën nontaton: “Quëmasoꞌ nisha piyapiꞌsa nocamiatarinquën. Nisha nisha piyapiꞌsa noꞌhuiarinquën. Noꞌhuitërayaroꞌsa huaꞌanëntatënquën asacatarinquën. Inapotopirinënquënhuëꞌ, copirnoroꞌsaꞌ, huaꞌanoꞌsa inapita niꞌsarinënquën. Noya nicatënënquën huaniponaꞌ. Huanipi quëran moshapënën. Caso Sinioroco. Noyasáchin ninahuë niꞌton, Israiro chinotërinco. Carinquën huayonanquën. Napoaton shaꞌhuitëranquënsopita ananiarahuë,” itërin.

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 52:14

Yaꞌpirin, nonën, inapita nishinahuën nitopi niꞌton, co huachi piyapi pochin yaꞌnoarinhuëꞌ. Napoaton notohuaroꞌ piyapiꞌsa paꞌyanaponaꞌ.

Malaquías 4:6

Ina pënëntohuachin huiꞌnahuanoꞌsasoꞌ, huiꞌninapitarëꞌ noya ninicatona yaꞌhuëantaponaꞌ. Sanapiꞌsanta huaꞌhuinapitarëꞌ inapoaponaꞌ. Huaꞌhuaroꞌsanta paꞌpinaꞌ, aꞌshinaꞌ, inapitarëꞌ napoaponaꞌ. Co ina pochin ninicatona yaꞌhuëantahuachinahuëꞌ, oꞌmarahuato yaꞌhuëramaso noꞌpaꞌ anaꞌintarahuë. Inapotato ataꞌhuantomiatarahuë,” tënin.

Mateo 16:21

Naporo quëran huarëꞌ chiminacasoꞌ ninoton, caꞌtanoꞌsanënpita shaꞌhuitërin: —Quirosarinquë paꞌpato, naꞌcon parisitaꞌhuasoꞌ yaꞌhuërin. Cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita co huachi quëꞌyaarinacohuëꞌ. Tëpaarinaco. Chiminaporahuëꞌ, cara tahuëri quëran Yosë ananpitaantarinco, itërin.

Mateo 26:24

Yosë quiricanën quëran ninorincoso chachin chiminarahuë. Yashaꞌhuirapirincoso nipirinhuëꞌ, maꞌhuantacha nicapon paya. Co nasitërinhuëꞌ naporini, noya noya niitonhuëꞌ, itërin.

Marcos 10:33

“Noya iyaroꞌsaꞌ natancoꞌ. Iporasoꞌ Quirosarinꞌpaꞌ paꞌsarëhuaꞌ. Inatohuaꞌ nani maꞌsha onpotarinaco. Yosë quëran quëmapico nipirahuëꞌ, inaquë shaꞌhuirapiarinaco. Corto huaꞌanoꞌsaꞌ, cotio maistroꞌsaꞌ, inapita masahuatonaco, ‘Tëpacasoꞌ yaꞌhuërin,’ tosapi. Ina tosahuatonaꞌ, nisha piyapiꞌsaquë yoꞌcoaninaco tëpainacoso marëꞌ.

Marcos 9:31

Ina quëran caꞌtanoꞌsanënpita aꞌchintaton, napotërin: —Yosë quëran quëmapico nipirahuëꞌ, piyapiꞌsaꞌ masarinaco. Shaꞌhuirapihuachinco, masarinaco. Mapachinaco, tëpararinaco. Chiminaporahuëꞌ, cara tahuëri quëran nanpiantarahuë, itërin.

Lucas 1:76

Quëmantaꞌ, conpa, Yosë aꞌpaarinquën piyapinënpita pënënacaso marëꞌ. Sinioro isoroꞌpaquë yaoꞌmarin niꞌton, pënëntaran piyapiꞌsari natëcaiso marëꞌ.

Lucas 23:11

Napohuachina, Irotisëri tëhuarin. Sontaronënpitarintaꞌ tëcaripi. Noyápiachin huaꞌan aꞌmorinso pochin aꞌmotahuaton, Piratoquë aꞌpaantarin.

Lucas 23:39

Catoꞌ apiroꞌsantaꞌ corosëquë parisitapi. Aꞌnari Quisoso noꞌhuirin. —Quëmasoꞌ Cristonquën nipatan, corosë quëran nohuararahuaton, chaꞌëquëꞌ. Ina quëran quiyantaꞌ nichaꞌëcoi, itërin.

Hechos 1:6

Ina quëran niyontoantarahuatonaꞌ, Quisoso natanpi: —Iráca Sinioro israiroꞌsaꞌ pancana huaꞌanëntopirinahuëꞌ. ¿Ipora chachin chiníquën nanantaton, ina pochin acoantaran ti? itopi.

Hechos 4:11

Niꞌcochi. Yosë quiricanënquë naporin: “Pëiꞌ ninaꞌpiroꞌsaꞌ pëihuachinaꞌ, aꞌna naꞌpiraꞌ quënanpirinahuëꞌ, co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin,” tënin. Quisocristosoꞌ ina naꞌpi pochin. Canpita co nohuantopiramahuëꞌ, Yosëri noya noya niꞌnin.