Marcos 8:6 - Chayahuita (Shahui)

⁶ Ina quëran piyapiꞌsaꞌ shaꞌhuitërin noꞌpaquë huënsëcaisoꞌ. Nani huënsëhuachinara, pan maꞌpatërin. “Yosparinquën, Tata,” itahuaton, pan sëꞌpanin huachi. Sëꞌpanahuaton, caꞌtanoꞌsanënpita quëtërin piyapiꞌsaꞌ quëtacaiso marëꞌ. Yaꞌipi piyapiꞌsaꞌ quëtëraꞌpiapi.

Marcos 8:6 ပူးပေါင်းရင်းမြစ်များ

Mateo 26:26

Coshatasoiꞌ, pan masahuaton Yosë nontërin. “Yosparinquën, Sinioro” itahuaton, sëꞌpanin. Ina quëran caꞌtanoꞌsanënpita quëtërin. —Caꞌcoꞌ iyaroꞌsaꞌ. Ca nonëhuë pochin isoꞌ, itërin.

Marcos 8:20

—Pansoꞌ canchisëíchin nipirinhuëꞌ, catapini huaranca piyapi ananitahuato, ¿onpo iꞌmëtaꞌ pëꞌsotopisoꞌ? itaantarin. —Canchisë iꞌmëꞌ, itopi.

Marcos 8:5

Napotohuachinara, Quisosori natanin: —¿Onpo pantaꞌ yaꞌhuëtërinquëmaꞌ? itohuachina: —Canchisëyachin yaꞌhuëtërincoi, itopi.

Marcos 8:7

Caraíchin samintaꞌ yaꞌhuëtopi. Ina marëntaꞌ “Yosparinquën Tata,” itahuaton, caꞌtanoꞌsanënpita shaꞌhuitërin piyapiꞌsaꞌ quëtacaisoꞌ.

Lucas 12:37

Piyapinënpita ninarapi quënanquintahuachina, huaꞌanëni nóya niꞌsarin. Inari chachin nitaparahuaton, cosharoꞌ acotarin piyapinënpita capacaiso marëꞌ.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Juan 2:5

Napotopirinhuëꞌ, inpriatoroꞌsaꞌ quënanconahuaton, aꞌshini itapon: —Maꞌsona Quisoso shaꞌhuitohuachinquëmaꞌ, natëcoꞌ, itërin.

Juan 6:23

Napoasoi, potiroꞌsanta Tipiriasë quëran huëꞌpisoꞌ canquirapi quënanpi. Quisoso cosharoꞌ anaꞌataton piyapiꞌsaꞌ aꞌcarinsoꞌ yaꞌcari nonshiipi.

Romanos 14:6

Ma tahuërisona chinotohuatamaꞌ, Yosë yonquiatomaꞌ, ina chinotaramaꞌ. Inapochachin nosha caꞌpatamaꞌ, Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ. Co nosha caꞌnaꞌpinquëmahuëntaꞌ Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ canpitantaꞌ.

Colosenses 3:17

Maꞌsona tërantaꞌ yanipatamaꞌ, Sinioro Quisoso yonquiatomaꞌ, nicoꞌ. Ina yonquiatomaꞌ, noya noncoꞌ. Quisoso catahuarinquëmaꞌ niꞌton, “Yosparinquën,” Tata Yosë itocoꞌ.

1 Samuel 9:13

Canconpatamaꞌ, aꞌnaroáchin yonícoꞌ. Coꞌhuara inaquë paꞌshátërasohuëꞌ, yaꞌcopiontacoꞌ. Inasoꞌ, inaquë capon paꞌsarin. Coꞌhuara ina canshátërasohuëꞌ, co aꞌnapitaso caponahuëꞌ. Ina cancona huarëꞌ caponaꞌ. Inari maꞌsha Sinioro marëꞌ tëpapisoꞌ, “Yosparinquën,” itacaso niꞌton, ninapi. Inapotohuachina naporo huarëꞌ përarinsopita caponaꞌ. Napoaton apira paꞌpatamaꞌ quënancoanamaꞌ, itopi nanoꞌsari.