Marcos 8:25 - Chayahuita (Shahui)

²⁵ Naquëranchin sëꞌhuarayantahuachina, noya niꞌtërin. Nani noyatërin niꞌton, yaꞌipi aꞌninquëchin quënanin huachi.

Marcos 8:25 ပူးပေါင်းရင်းမြစ်များ

Mateo 13:12

Insosona noya natanpachinaco, Yosëri catahuarin noya yonquicaiso marëꞌ. Naꞌcon naꞌcon nitotapi. Aꞌnapitaso nipirinhuëꞌ co yanatëhuachinacohuëꞌ, Yosëri tananpitarin niꞌton, yaꞌipiya naniantapi huachi.

Marcos 8:24

—Piyapi niꞌpirahuëꞌ, co aꞌninquëchin niꞌnahuëꞌ. Paꞌsapirinahuëꞌ, nararoꞌsa pochin niꞌnahuë, itërin.

Marcos 8:26

—Yaꞌhuëranꞌpaꞌ iyasha noꞌtëëquëꞌ. Ama ninanoquë paquësohuëꞌ, itërin Quisosori.

Hechos 1:10

Inápaquë pantaquëyaꞌ, nëꞌpërápirinahuëꞌ, aꞌnanaya catoyaꞌpiri yaꞌnotiimarin, huiríton aꞌmopisoꞌ.

Hechos 14:9

Paonori aꞌchintohuachina, nóya natanarin. Napohuachina, Paonori notëërin. “Iso quëmapi noya natëtërin. ‘Quisocristo nanitërin anoyatiincosoꞌ,’ tëninso marëꞌ anoyatarahuë,” tënin yonquinënquë.

Filipenses 1:6

“Quisocristo imasarahuë huachi,” topatamaꞌ, naporo tahuëri chachin Yosë anoyacancantërinquëmaꞌ. Co naniantarinquëmahuëꞌ, tënahuë. Ipora huantaꞌ catahuarinquëmaꞌ noya noya nicacamaso marëꞌ. Quisocristo oꞌmantaquë huarëꞌ catahuarinquëmaꞌ. Naporoꞌ Quisocristo pochachin cancantaramaꞌ.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro