Marcos 8:2 - Chayahuita (Shahui)

² —Piyapiꞌsaꞌ nosororahuë. Nani cara tahuëri natanarinaco niꞌton, co huachi mantaꞌ cosharoꞌ yaꞌhuëtopihuëꞌ.

Marcos 8:2 ပူးပေါင်းရင်းမြစ်များ

1 Reyes 19:6

Huënsërahuaton yonisarin. Niꞌpirinhuëꞌ, motoantërinso pirayan pan pënayaquë anpipisoꞌ, quënanin. Iꞌshanta yonshaquë ina pirayan huënsëarin. Ina quëran huanirahuaton coshatërin, oꞌorin, naporin. Nani coshatohuachina quëhuëantaton huëꞌantarin.

Salmos 103:13

Ina noya nicatëhua natëhuatëhuaꞌ, nosoroarinpoaꞌ. Quëmapi huiꞌnin nosororinso pochin nitarinpoaꞌ.

Salmos 145:15

Quëmasáchin yaꞌipiya nëꞌpërinën. Tanasoi chachin cosharo quëtamaso marëꞌ napopi.

Salmos 145:8

Siniorosoꞌ noyápiachin cancantërin. Aꞌnaroáchin yanosorotërin. Co aꞌnaroáchin noꞌhuitërinhuëꞌ. Naporahuaton nosoromiatërinpoaꞌ.

Miqueas 7:19

Iporanta Sinioro nosoroantacoi. Co noyahuëꞌ ninaisoꞌ inquitatoncoi paꞌpitatë pochin nitëquëꞌ. Marë anpotërinquë maꞌsha tëꞌyaitopiso pochin oshanëhuëinta nitëquëꞌ.

Mateo 14:14

Quisososo canconahuaton nonshipirinhuëꞌ, notohuaroꞌ piyapiꞌsaꞌ quënanconin. Quënanconahuaton, naꞌcon nosororin. Noya nontaton, yaꞌipi caniaꞌpiroꞌsaꞌ anoyatërin.

Mateo 20:34

Itohuachinara, nosoroaton, sëꞌhuarayarin. Aꞌnaroáchin noya niꞌtopi. Inapotohuachina, Quisoso imapi huachi.

Mateo 9:36

Paaton, notohuaroꞌ piyapiꞌsaꞌ quënanin. Co Yosë yonquiatonahuëꞌ, co napion cancantopi. Ohuicaroꞌsa pochin inahuasoꞌ, co incari tërantaꞌ aꞌpairinhuëꞌ. “¿Incha catahuaincoi paya?” taꞌtonaꞌ, nisha nisha yonquipi. Napoaton Quisosori nosororin.

Marcos 1:41

Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.

Marcos 5:19

Quisososo nipirinhuëꞌ co nohuantërinhuëꞌ. —Yaꞌhuëranquë iyasha paantaquëꞌ. Quëmopinënpita shaꞌhuitonquëꞌ. “Sinioro noyá anoyatërinco. Naꞌcon nosororinco,” itëquëꞌ, itërin Quisosori.

Marcos 6:32

Itohuachina, potiquë yaꞌconahuatonaꞌ, paꞌpi. Co piyapi yaꞌhuërinquëhuëꞌ paꞌsapirinahuëꞌ.

Marcos 6:34

Naꞌa piyapiꞌsaꞌ yamorapi. Nonshirahuaton, Quisosori quënanconin. “Isopitasoꞌ ohuicaroꞌsaꞌ co macari aꞌpairinsohuë pochin nisapi,” taꞌton, nosororin. Nosoroaton, naꞌcon aꞌchintaantarin.

Marcos 8:3

Aꞌnaquën áquë quëran huëꞌpi niꞌton, co topinan yaaꞌparahuëꞌ tanari canahuachinaꞌ, itërin.

Marcos 9:22

Naꞌaroꞌ pënquë sopairi tëꞌyatërin. Iꞌquëntaꞌ tëꞌyaitërin tëpacaso marëꞌ. Nosorocoi, Sinioro. Nanitohuatan, anoyatëquëꞌ, itërin.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Hebreos 2:17

Napoaton isoroꞌpaquë oꞌmaton, piyapi chachin nasitimarin. Co piyapi pochin nasitërinhuëꞌ naporini, co catahuainpoasoꞌ nanichitonhuëꞌ. Piyapi pochachin inantaꞌ niꞌton, noyá nohuitërinpoaꞌ. Corto huaꞌan chini chiníquën nanantërinso pochin nicaton, canpoa marëꞌ Yosë nontarin nanan anoyatinpoaso marëꞌ. Nosoroatonpoaꞌ, chiminin oshanënpoaꞌ inquitinpoaso marëꞌ. Inasoꞌ co nonpintërinpoahuëꞌ.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.

Hebreos 5:2

Aꞌnaquën piyapiꞌsaꞌ co aquëtëꞌ nitotatonahuëꞌ, co noyahuëꞌ nipi. Inapita huëꞌpachinara, corto huaꞌani co chiníquën nontërinhuëꞌ. Inantaꞌ piyapi niꞌton, sopairi yaminsërin. Napoaton sanoanan quëran pënënin.