Marcos 8:18 - Chayahuita (Shahui)

¹⁸ Noya natanapomarahuëꞌ, ¿onpoatomataꞌ co yonquiramahuëꞌ? Nicapomarahuëꞌ, ¿onpoatomata co natëtëramahuëꞌ?

Marcos 8:18 ပူးပေါင်းရင်းမြစ်များ

Salmos 69:23

Somarayarëso pochin cancantatonaꞌ, ama noꞌtëquën yonquiꞌinasohuëꞌ. Naporahuatonaꞌ, yamorinso pochin quëparichinaꞌ.

Isaías 44:18

Napopisopita napoonpi. Co manta yonquipihuëꞌ. Somaraya pochin cancantatona co nanitopihuëꞌ noꞌtëquën yonquicaisoꞌ.

Marcos 4:12

Inapitasoꞌ co yanatërinacohuëꞌ niꞌton, natanaponaraihuëꞌ, co natëtapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ. Imarinaco naporini, oshanënaꞌ inquitahuato anoyacancanchitohuëꞌ,” itërin.

Juan 12:40

“Yosëri tananpitërin niꞌton, tanshirëso pochin cancantatonaꞌ, co natëtochináchinhuëꞌ cancantopi. Huaꞌquiꞌ co yanatëpihuëꞌ niꞌton, napotërin. Noya niꞌpi naporini, quënanchitonahuëꞌ. Noya natanpi naporini, natëchitonahuëꞌ. Imarinaco naporini, anoyacancanchitohuëꞌ,” tënin.

Romanos 11:8

“Yosëri tananpitërin niꞌton, huëꞌërëso pochin cancantopi. Yaꞌpirahuanaponaraihuëꞌ, co quënantërëso pochin nipihuëꞌ. Huëratëhuanaponaraihuëꞌ, co natantërëso pochin nipihuëꞌ. Ipora huantaꞌ ina pochin nisapi,” tënin Yosë quiricanënquë.

2 Tesalonicenses 2:5

Canpitataquë yaꞌhuapo, nani shaꞌhuitëranquëmaꞌ. ¿Ina naniantaramaꞌ ti?

2 Pedro 1:12

Ina yonquiato, co amirahuëꞌ pënëntaꞌhuasoꞌ. Noꞌtën nanan nani nitotëramaꞌ. Noya nitotopiramahuëꞌ, naquëranchin shaꞌhuitantaranquëmaꞌ noya noya yonquicamaso marëꞌ.