Marcos 8:12 - Chayahuita (Shahui)

¹² Chiníquën sëtaton, itapon: —¿Maꞌmarëtaꞌ yaniꞌnamaꞌ? “Sacaiꞌ nininsoꞌ niquëꞌ niꞌiinquën,” itopiramacohuëꞌ, co Yosë nohuantërinhuëꞌ aꞌnotaꞌhuanquëmasoꞌ, itërin.

Marcos 8:12 ပူးပေါင်းရင်းမြစ်များ

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Mateo 12:38

Ina quëran parisioroꞌsaꞌ, cotio maistroꞌsaꞌ, inapita huëꞌpachinara, Quisoso nontiipi: —Yosë pochin niquëꞌ niꞌiinquën. Ina niꞌpatoi, natëarainquën, itiipi.

Mateo 16:4

Ipora yaꞌhuëramasopita co noyahuëꞌ cancantëramaꞌ. Nitëhuananpitopisopita pochin cancantatomaꞌ, co piꞌpisha tërantaꞌ Yosë yanatëramahuëꞌ. ‘Sacaiꞌ nicacaso nininsoꞌ niquëꞌ natëiinquën,’ itopiramacohuëꞌ, co Yosë nohuantërinhuëꞌ ina pochin nicaꞌhuasoꞌ. Isoíchin anitotarinquëmaꞌ. Aꞌna tahuëri canpita nitotacamaso marëꞌ, Conasë pochin nisarahuë” itërin. Ina quëran patërin huachi.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Marcos 6:6

“¿Onpoatoncha isopita co yanatërinacohuëꞌ nicaya?” tënin, yonquiapon. Ina quëran yaꞌcariya ninanoroꞌsaquë paꞌsahuaton, piyapiꞌsaꞌ aꞌchintarin.

Marcos 7:34

Inápaquë nëꞌpëtahuaton, sëtërin quëran panca nii oꞌhuarin. Ina quëran Yosë nontahuaton: “¡Ipata!” itërin. “¡Nëꞌhuëransoꞌ inquiquëꞌ!” tapon napotërin.

Marcos 8:13

Ina quëran potiquë yaꞌcoantarahuaton, aquëtëran paantarin.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Lucas 19:41

Ina quëran Quirosarin notënanquë canconpi. Canconpachina, piyapiꞌsaꞌ yonquiaton, Quisoso sëtërin. Sëtaton, naꞌnërin.