Marcos 7:7 - Chayahuita (Shahui)

⁷ ‘Yosë pënëntërinsoꞌ aꞌchinarai,’ topirinahuëꞌ, inahuara yonquipisoꞌ niaꞌchintapi. Napoaton topinan quëran chinotërinaco,” tënin Yosë. Iráca Isaiasë ninshitaton, naporin.

Marcos 7:7 ပူးပေါင်းရင်းမြစ်များ

Malaquías 3:14

Naporamaꞌ: ‘Topinan quëran Yosë imarai. Noya natëpiraihuëꞌ, co manta canaraihuëꞌ. Co noyahuëꞌ ninëhuaso aꞌpocaso marëꞌ Yosë chinotohuatëhuara, sëtohuachinara aꞌmopiso aꞌmorëhuaꞌ. Ina pochin aꞌmotëhua canpoantaꞌ, Yosë chinotopirëhuahuëꞌ, topinan quëran napoarëhuaꞌ.

Mateo 15:9

‘Yosë pënëntërinsoꞌ aꞌchinarai,’ topirinahuëꞌ, inahuara yonquinëna quëran aꞌchinpi. Napoaton topinan quëran chinotërinaco,” tënin Yosë. Iráca Isaiasë ninshitaton naporin, itërin Quisosori.

Mateo 6:7

Yosë nontohuatamaꞌ, ama inachin inachin nontocosohuëꞌ. Co Yosë imapisopitahuëꞌ ina pochin yonquipi. ‘Huaꞌquiꞌ nontohuato, natanatonco catahuarinco,’ topirinahuëꞌ. Co Yosë nohuitatonahuëꞌ, napopi.

1 Corintios 15:14

Co nanpiantarinhuëꞌ naporini, topinan quëran aꞌchinchitënquëmahuëꞌ. Canpitantaꞌ topinan quëran natëitomahuëꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

Deuteronomio 12:32

Yaꞌipi camairanquëmasopita, noꞌtëquën natëcoꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ,” itërin.

Colosenses 2:22

Co ina pochin Yosë pënëninpoahuëꞌ. Cosharoꞌ, maꞌsha, inapitasoꞌ co yaꞌhuëmiatërinhuëꞌ. Aꞌna tahuëri taꞌhuantarin niꞌton, co inapitasoꞌ aquëtëꞌ Yosë yonquirinhuëꞌ. Piyapiꞌsaꞌ inahuara yonquinëna quëran ina pochin nipënënpi.

Tito 3:9

Aꞌnaquën co noyahuëꞌ yonquiatonaꞌ, nisha nisha nonpi. Cotio mashocoroꞌsaꞌ yonquiatonaꞌ, inahuara yonquinëna quëran nisha nisha aꞌchinpi. Cotioroꞌsaꞌ iráca pënëntopisoꞌ nisha nisha aꞌchinatonaꞌ, ninoꞌhuipi. Ama inapita natancosohuëꞌ. Ina pochin ninontohuachinara, topinan quëran ninontopi. Co mantaꞌ catahuarinpoahuëꞌ. Yosë nanamënáchin imacasoꞌ yaꞌhuërin.

Santiago 1:26

“Cantaꞌ noya Yosë imarahuë,” topi aꞌnaquën. Nipirinhuëꞌ, nisha nisha nonin. Co noyahuëꞌ nonpachina, topinan quëran nonsarin, inaora ninonpintarin. Co tëhuënchachin imarinhuëꞌ.

Santiago 2:20

¡Coꞌchi noꞌtëquën yonquiranhuë paya! Co noya nipatanhuëꞌ, “Cantaꞌ imarahuë,” topiranhuëꞌ, topinan quëran nonsaran.

Apocalipsis 22:18

Nani noꞌtëquën ninshitëranquëmaꞌ. Yaꞌipi ninorinsoꞌ noꞌtëquën ninshitëranquëmaꞌ. Natanpatamaꞌ, inachachin aꞌchinacasoꞌ yaꞌhuërin. Iso nanan apancatohuatamaꞌ, iso quiricaquë shaꞌhuirinso chachin nisha nisha quëran Yosë anaꞌintarinquëmaꞌ. Naꞌcon naꞌcon anaꞌintarinquëmaꞌ.

1 Samuel 12:21

Ama mamanshiroꞌsa moshacosohuëꞌ. Inapitasoꞌ, co catahuainpoaso nanitopihuëꞌ. Co nichaꞌëinpoasoꞌ nanitopihuëꞌ. Nonpin yosëroꞌsa niꞌton, co nanitopihuëꞌ.