Marcos 7:4 - Chayahuita (Shahui)

⁴ Mircatoquë paꞌpi quëran yacoshatohuachinara, iꞌquë niopoimiratopi. Naꞌa nisha nisha inachintopisopita yaꞌhuëtopi. Minëroꞌsaꞌ, iꞌsha taꞌpainanoꞌsaꞌ, huaꞌna yonsharoꞌsaꞌ, pëꞌsararoꞌsaꞌ, inapita paꞌmopi.

Marcos 7:4 ပူးပေါင်းရင်းမြစ်များ

Isaías 1:16

Amarëso pochin nicatomaꞌ, ¡ama huachi oshahuancosohuëꞌ! ¡Co noyahuëꞌ ninamasopita aꞌpoco huachi!

Mateo 23:25

Canpitasoꞌ nonpintënquëma niꞌton, ¡maꞌhuantacha nisarama paya! Tëhuënchachin yanonpinamaꞌ. Niꞌcoꞌ. Aꞌnaquën minëꞌ, sënan, inapita paꞌmohuachinara, aipiáchin paꞌmopi. Acoposo nipirinhuëꞌ, nëꞌhuënantëtërin. Inapochachin canpitasoꞌ piyapiꞌsaꞌ noya nicainënquëmasoachin yonquipiramahuëꞌ, acopoꞌ cancanëma quëransoꞌ, co noya yonquiramahuëꞌ. Nonpinatomaꞌ, yaihuatëramaꞌ. Maꞌsharáchin nohuantatomaꞌ, co Yosë nohuantërinsoꞌ ninamahuëꞌ. Ina marëꞌ Yosë anaꞌintarinquëmaꞌ.

Mateo 23:26

Canpitaso parisioroꞌsanquëmaꞌ, somaraya pochin cancantëramaꞌ. ¿Onporahuatomacha co noꞌtëquën yonquiramahuë paya? Cancanëmaꞌton anoyatocoꞌ. Ina quëran noya cancantatomaꞌ, noya nisarama huachi.

Mateo 27:24

Napotohuachinara, nisha yonquirin huachi. “Piyapiꞌsaꞌ co yanatërinacohuëꞌ. Chiníquën noꞌhuitatonaꞌ, yaahuërinaco,” taꞌton, co huachi yonquirinhuëꞌ Quisoso ocoicasoꞌ. Napoaton iꞌsha masahuaton, piyapiꞌsaꞌ niꞌtërantapaquë huiꞌsërin. —Iso quëmapisoꞌ noya. Co mantaꞌ onporinhuëꞌ, tënahuë. Co ca nohuanto, tëpaapihuëꞌ. Co ina marëꞌ anaꞌintincosoꞌ yaꞌhuërinhuëꞌ. Canpita yonquiramasoꞌ, itahuaton, huiꞌsërin.

Marcos 7:8

Inapochachin canpitantaꞌ Yosë pënëninpoasoꞌ naniantahuatomaꞌ, piyapiꞌsaꞌ aꞌchinpisoꞌ natërama huachi, itërin.

Juan 2:6

Inaquë saota panca orinan yaꞌhuërin, naꞌpi quëran nipisoꞌ. Aꞌna orinanquëáchin catapini rata pochin yaꞌconin. Moisësë pënëntërinsoꞌ natëtonaꞌ oshanëna inquicaiso marëꞌ acopisoꞌ.

Juan 3:25

Quiyarintaꞌ aporintërai. Coanshantaꞌ aporintarin. Napoaton aꞌna cotio quëmapi huëcaton, Coansha caꞌtaninsopita itërin: —¿Insotaꞌ noya noya aporintërinsoꞌ? itërin. Nisha nisha ninontopi.

Hebreos 9:10

Iráca nisha nisha cosharoꞌ aꞌpopi. Nisha nisha oꞌocasontaꞌ aꞌpopi. Co noyahuëꞌ nipachinara, “Oshanëhuë inquiꞌi,” taꞌtonaꞌ, nisha nisha paꞌmopi. “Inapotohuatëhuaꞌ, Yosë noya niꞌsarinpoaꞌ,” topirinahuëꞌ, co ina marëꞌ noya cancantopihuëꞌ. Yosëri nasha nanan shaꞌhuitaton, anoyataquë huarëꞌ inapocaisoꞌ yaꞌhuërin.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.