Marcos 7:37 - Chayahuita (Shahui)

³⁷ “¡Maꞌpitacha Quisoso nitotërin paya! Nëꞌhuëroꞌsaꞌ anoyatohuachina, noya natantopi huachi. Co nonpirinahuëntaꞌ, aꞌnaroáchin anoyatërin niꞌton, noya nonsapi. ¡Yaꞌipichi noya ninin paya!” topi.

Marcos 7:37 ပူးပေါင်းရင်းမြစ်များ

Génesis 1:31

Naporoꞌ Yosëri yaꞌipi acorinsopita nicaton: “¡Ma nóyacha yaꞌipi acorahuë paya!” tënin. Tashiantarahuaton tahuëriantahuachina, iꞌhuaraya huarëꞌ saota tahuëri nanirin huachi.

Salmos 139:14

Nani maꞌsha ninansopita paꞌyapiro niꞌton, chinotaranquën. “¡Maꞌpitacha Siniorosoꞌ acorin paya,” tënahuë!

Mateo 9:32

Ina quëran paꞌpachina, aꞌnapitantaꞌ canquipi. Nëꞌhuëya quëpi. Sopai nohuanton, co nanitërinhuëꞌ nonacasoꞌ.

Marcos 1:27

Yaꞌipi piyapiꞌsaꞌ paꞌyanahuatonaꞌ, ninontapi: —¿Maꞌpítataꞌ niꞌsarëhuasoꞌ? Quisososoꞌ co aꞌnapita pochin aꞌchininhuëꞌ. Chini chiníquën nanantaton, sopairoꞌsa quëran huarëꞌ camaihuachina, natëpi, topi.

Marcos 2:12

Itohuachina, aꞌnaroáchin noyatahuaton, huanirin. Pëꞌsaraꞌhuaya masahuaton, yaꞌhuërinquë paantarin. Ina niꞌsahuatonaꞌ, piyapiꞌsaꞌ paꞌyanpi. —¡Ma noyacha Yosëso niꞌton, aꞌnaroáchin anoyatërin paya! Co onporontaꞌ ina pochin niꞌchinëhuahuëꞌ, topi.

Marcos 4:41

Paꞌpi paꞌyanahuatonaꞌ, ninontopi: —¿Ma quëmapicha isosoꞌ niꞌton, ihuan aꞌparin nicaya? Sonontaꞌ aꞌnaroáchin asanoirin, nitopi.

Marcos 5:42

Aꞌnaroáchin sanapiaꞌhua huënsërahuaton, huanirin. Nani shonca catoꞌ piꞌipitërin niꞌton, noya iratërin. Ina niꞌsahuatonaꞌ, yaꞌipi piyapiꞌsaꞌ paꞌpi paꞌyanpi. “¡Maꞌpítacha nitotaton, ananpitaantarin paya!” topi.

Marcos 6:51

Ina quëran potiquë yaꞌconapatërin. Yaꞌconpachina, ihuan sanorin huachi. Caꞌtanoꞌsanënpita paꞌyanpi: “¿Onporahuatoncha nanitaparin nicaya?” topi yonquiatonaꞌ.

Marcos 7:36

Quisosori piyapiꞌsaꞌ pënënin: “Ama aꞌnapita shaꞌhuitocosohuëꞌ,” itërin. Itopirinhuëꞌ, piyapiꞌsasoꞌ paꞌsahuatonaꞌ, shaꞌhuiraꞌpiapi. Naꞌcon naꞌcon pënënpirinhuëꞌ, aquë aquëtë huarëꞌ shaꞌhuiraꞌpiapi.

Marcos 8:1

Naporoꞌ tahuëriꞌsaꞌ naꞌa piyapiꞌsaꞌ niyontoantapi. Capa cosharoꞌ nipachina, Quisosori caꞌtanoꞌsanënpita përarin. Huëꞌpachinara, itërin:

Lucas 23:41

Canposoꞌ co noyahuëꞌ ninëꞌ. Napoaton noꞌtëquën coisë anaꞌintarinpoꞌ. Iso quëmapiso nipirinhuëꞌ nóya. Co mantaꞌ onporinhuëꞌ, itërin.

Hechos 14:11

Piyapiꞌsari niꞌsahuatonaꞌ, Niconia nananquë ninontopi: —Yosëroꞌsaꞌ isëquë oꞌmatonaꞌ, piyapi taraimapi, topi.