Marcos 7:29 - Chayahuita (Shahui)

²⁹ —¡Naporinchi paya! Ma noya natëranco niꞌton, yaꞌhuëranꞌpaꞌ paantaquëꞌ. Nani sopai huaꞌhuan quëran pipirin, itërin.

Marcos 7:29 ပူးပေါင်းရင်းမြစ်များ

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Mateo 5:3

“Natanco iyaroꞌsaꞌ aꞌchinchinquëmaꞌ. Yosë huëntonënquë yayaꞌconpatamaꞌ, iso pochin cancantacasoꞌ yaꞌhuërin. ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, Yosë noya niꞌsarinquëmaꞌ niꞌton, noya cancantaramaꞌ. Huaꞌanëntërinquë chachin ayaꞌconarinquëmaꞌ.

Marcos 7:28

—Naporin mini Sinioro. Napoaponahuëꞌ, huaꞌhuaroꞌsaꞌ piꞌpian tërantaꞌ atatohuachinara, niꞌniraroꞌsarintaꞌ capitërin niꞌton, quiyantaꞌ catahuacoi topirahuëꞌ, itërin.

Marcos 7:30

Sanapiso pëinënquë canconahuaton, huaꞌhuin noya quëhuëánin quënanconin. Nani sopai pipirin huachi.

1 Juan 3:8

Nani tahuëri co noyahuëꞌ nipatamaꞌ, sopai imaramaꞌ. Iráca quëran huarëꞌ sopai co noyahuëꞌ cancantaton, oshahuanin. Inasoꞌ nonpintohuachinpoaꞌ, canpoantaꞌ oshahuanarëhuaꞌ. Napoaton Yosë huiꞌnin oꞌmarin sopai minsëaton nichaꞌëinpoaso marëꞌ. Yaꞌipi oshanënpoaꞌ inquitohuachinpoaꞌ, co huachi sopai natëcasoꞌ yaꞌhuërinhuëꞌ.