Marcos 7:28 - Chayahuita (Shahui)

²⁸ —Naporin mini Sinioro. Napoaponahuëꞌ, huaꞌhuaroꞌsaꞌ piꞌpian tërantaꞌ atatohuachinara, niꞌniraroꞌsarintaꞌ capitërin niꞌton, quiyantaꞌ catahuacoi topirahuëꞌ, itërin.

Marcos 7:28 ပူးပေါင်းရင်းမြစ်များ

Salmos 145:16

Quëmari nosoroaton quëtohuatana, yaꞌipiya quëran macatona caꞌpi.

Isaías 45:22

Nisha nisha parti isoroꞌpaquë yaꞌhuëramasopita, huëco caquë nichaꞌëinquëmaꞌ. Casáchin Yosëco niꞌto, paꞌpi áquë yaꞌhuëpiramahuëꞌ, huëcoꞌ.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Mateo 15:27

—Naporin mini Sinioro. Napoaponahuëꞌ, piꞌpian tërantaꞌ cosharoꞌ atatohuachina, niꞌniraꞌhuayari capitërin niꞌton, quiyantaꞌ catahuacoi, topirahuëꞌ, tënin.

Mateo 5:45

Inapotohuatamaꞌ, Yosë pochin cancantaramaꞌ. Inasoꞌ yaꞌipi piyapiꞌsaꞌ nosororin. Ina nohuanton, piꞌi, oꞌnan, inapita yaꞌhuërin noya nanpicaso marëꞌ. Co imarinsopita marëáchin piꞌi aꞌpininhuëꞌ. Noya nipisopita, oshahuanoꞌsantaꞌ, yaꞌipiya aꞌpintërin. Naporahuaton, oꞌnaontaꞌ napopianachin acotërinpoaꞌ maꞌsha apapotacaso marëꞌ.

Marcos 7:27

—Niꞌquëꞌ imoya. Huaꞌhuaroꞌsaꞌ aꞌcahuatëra, co cosharonën osërëtahuatëꞌ, niꞌnira aꞌcarëhuëꞌ. Huaꞌhuaroꞌsaꞌton coshachin noya natëaquë huarëꞌ, itërin Quisosori.

Marcos 7:29

—¡Naporinchi paya! Ma noya natëranco niꞌton, yaꞌhuëranꞌpaꞌ paantaquëꞌ. Nani sopai huaꞌhuan quëran pipirin, itërin.

Romanos 10:12

Aꞌnaíchin Yosë yaꞌhuërin. Yaꞌipinpoaꞌ huaꞌanëntërinpoaꞌ. Co cotioroꞌsaráchin naꞌcon nosororinhuëꞌ. Nisha piyapiꞌsantaꞌ nosororin. Ina nontohuatëhuaꞌ, nóya catahuarinpoaꞌ.

Romanos 3:29

Yosë yaꞌipi piyapinpoaꞌ nohuantërinpoaꞌ. Co cotioroꞌsaráchin nosororinhuëꞌ. Nisha piyapiꞌsantaꞌ nosororin. Yaꞌipinpoaꞌ nosororinpoaꞌ.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.