Marcos 7:23 - Chayahuita (Shahui)

²³ Co noyahuëꞌ yonquihuatamara, ina pochin ninamaꞌ. Ina marëꞌ oshahuanamaꞌ, itërin Quisosori.

Marcos 7:23 ပူးပေါင်းရင်းမြစ်များ

Marcos 7:15

Co mantaꞌ maꞌsha yaꞌhuërinhuëꞌ nonënpoaquë yaꞌconahuaton, aoshahuaninpoasoꞌ. Cancanënpoa quëran pipirinsoꞌ tëhuënchinsoꞌ aoshahuaninpoaꞌ. [

Marcos 7:18

—¿Co canpita tërantaꞌ nitochátëraramahuëꞌ ti? Inta nipachin, aꞌchintantaꞌinquëmaꞌ. Nani maꞌsha caꞌnëhuaso marëꞌ co ina marëꞌ oshahuanëhuahuëꞌ. Co cosharoꞌ cancanënpoaquë yaꞌconinhuëꞌ. Chiꞌchirinamënpoaquë yaꞌconin. Ina quëran inquiantarëꞌ. Napoaton yaꞌipi cosharoꞌ noya capacasoꞌ. Coshatërëhuaso marëꞌ co oshahuanëhuahuëꞌ, itërin.

Marcos 7:20

Ina quëran itaantarin: —Cancanëma quëran co noyahuëꞌ yonquihuatamara, co noyahuëꞌ ninamaꞌ. Ina marëꞌ oshahuanamaꞌ.

Marcos 7:22

Nitëhuananpitëramaꞌ. Paꞌyatacasoráchin cancantëramaꞌ. Aꞌnapita maꞌshanën noyaparamaꞌ. Co noyahuëꞌ ninamaꞌ. Nonpinamaꞌ. Nisha nisha co noyahuëꞌ ninamasoꞌ co yaaꞌporamahuëꞌ. Apiraramaꞌ. Pinotëramaꞌ. “Casoꞌ co aꞌnapita pochincohuëꞌ. Noya noyaco,” toconamaꞌ. Co yonquinahuanhuëꞌ ninamaꞌ.

Marcos 7:24

Ina quëran pipirahuaton, nisha piyapiꞌsaꞌ yaꞌhuëpiquë paꞌnin. Tiro, Siton, inapita yaꞌcariya paaton, aꞌna pëiquë yaꞌconconin. “Ama isëquë huëꞌnahuësoꞌ aꞌnapita shaꞌhuitocosohuëꞌ,” itopirinhuëꞌ, aꞌnaroáchin yaꞌipi nahuinin.

1 Corintios 3:17

Canpitasoꞌ Yosë pëinën pochin ninamaꞌ niꞌton, aꞌna piyapi atapicancanpachinquëmaꞌ, Yosëri chiníquën anaꞌintarin. Yosë pëinënquësoꞌ noyasáchin nicacasoꞌ yaꞌhuërin.

Tito 1:15

Noyápiachin cancantohuatëhuaꞌ, yaꞌipiya noya yonquiarëhuaꞌ. Aꞌnaquënso nipirinhuëꞌ co yaimapihuëꞌ. Taparosáchin yonquipi. Co noyahuëꞌ cancantohuachinara, nisha nisha yonquipi. Noꞌtën nanan nitotaponaraihuëꞌ, co yanatëpihuëꞌ. Napoaton co huachi noꞌtëquën yonquipihuëꞌ. Nitapicancanatonaꞌ, co huachi nanitopihuëꞌ noya yonquicaisoꞌ.

Judas 1:8

Inapochachin iporantaꞌ nisha aꞌchinaꞌpiroꞌsasoꞌ, huëꞌëiri ahuaꞌyantërinso pochin cancantatonaꞌ, inahuara yonquinëna quëran nonpin nanan imasapi. Naꞌcon monshihuanatonaꞌ, nitapicancanapi. Co inso tërantaꞌ yanatëpihuëꞌ. “Co insontaꞌ camaiinpoasoꞌ yaꞌhuërinhuëꞌ,” toconpi. Chiníquën nanantopisopita Yosëri acorinsoꞌ inapitantaꞌ tëhuapi.